അവൽ പ്രഥമൻ Aval Pradhaman

അവൽ പ്രഥമൻ   Aval Pradhaman

ആവശ്യമുള്ള സാധനങ്ങൾ 

അവൽ 200 ഗ്രാം

ശർക്കര മൂന്ന് വലിയ അച്ഛ് 

തേങ്ങാ പാൽ രണ്ടു തേങ്ങയുടെ ഒന്നാം പാൽ ഒരു കപ്പ് , രണ്ടാം പാലും മൂന്നാം പാലും ഒരുമിച്ചും 

ഏലക്ക പൊടി , നല്ല ജീരക പൊടി ,ജിഞ്ചർ പൌഡർ  അര ടീസ്പൂൺ 

നെയ്യ് മൂന്ന് ടേബിൾസ്പൂൺ 

അണ്ടി പരിപ്പ് , മുന്തിരി , തേങ്ങാ കൊത്തു ആവശ്യത്തിനനുസരിച്

തയ്യാറാക്കുന്ന വിധം 

നന്നായി കൈ കൊണ്ട് പൊട്ടിച്ചാൽ പൊട്ടുന്ന പാകം വരെ അവൽ ഡ്രൈ റോസ്റ് ചെയ്ത ശർക്കര പാനി ഒഴിച്ച് നന്നായി ഇളകി രണ്ടും നന്നായി ചേർന്ന് വന്നാൽ ഒരുമിച്ചെടുത്ത രണ്ടാം പാലും മൂന്നാം പാലും ചേർത്ത് നന്നായി തിളച്ചു അവൽ വെന്തു സോഫ്റ്റ് ആയി വന്നാൽ പൊടികളെല്ലാം ചേർത്ത് തീ ഓഫ് ചെയ്തു ഒന്നാംപാൽ ഒഴിച്ച് ഇളക്കി നെയ്യിൽ വറുത്ത അണ്ടി പരിപ്പ് , മുന്തിരി , തേങ്ങാ കൊത്തു ചേർക്കുക.

അട പ്രഥമൻ Ada Pradhaman

അട പ്രഥമൻ  Ada Pradhaman

ആവശ്യമുള്ള സാധനങ്ങൾ

അട 200  ഗ്രാം

ശർക്കര 300  ഗ്രാം

തേങ്ങയുടെ ഒന്നാം പാല്  അര ലിറ്റർ

രണ്ടാം പാല്  ഒന്നര ലിറ്റർ

നെയ്യ് രണ്ടു ടേബിൾസ്പൂൺ 

വെളിച്ചെണ്ണ രണ്ടു ടേബിൾസ്പൂൺ 

നല്ല ജീരകം പൊടിച്ചത് കാൽ ടീസ്പൂൺ 

ഏലക്ക പൊടിച്ചത് കാൽ ടീസ്പൂൺ

ചുക്ക് പൊടിച്ചത് കാൽ ടീസ്പൂൺ

തേങ്ങ കൊത്ത് ഒണക്ക മുന്തിരി കശുവണ്ടി പരിപ്പ് ആവിശ്യത്തിന് 

തയ്യാറാക്കുന്ന വിധം

തിളച്ച വെള്ളത്തിൽ എണ്ണയും അടയും ചേർത്ത് ഇളക്കി തീ ഓഫാക്കി ഒരുമണിക്കൂർ നേരത്തേക്ക് അടച്ചു വക്കുക.തുറന്ന് അടയെ നാലഞ്ചു പ്രാവശ്യം തണുത്ത വെള്ളത്തിൽ നന്നായി കഴുകി വെള്ളം വരാൻ വക്കുക.ഒരു പാത്രത്തിൽ ശർക്കര പാനി ആയതിനു ശേഷം അട ചേർത്ത് കൊടുത്തു രണ്ടും കുറുകി നന്നായി യോജിച്ചുവരുമ്പോൾ തേങ്ങയുടെ രണ്ടാം പാല് ചേർത്ത് കുറുകി വരുമ്പോൾ ജീരകപ്പൊടി ഏലക്ക പൊടി ചുക്ക് പൊടി ചേർത്ത് ഇളക്കുക ,ശേഷം തീ ഓഫ് ചെയ്തു ഒന്നാം പാൽ ചേർത്ത് കൊടുക്കുക.മറ്റൊരു പാനിൽ നെയ്യുചൂടാക്കി തേങ്ങ കൊത്ത് ഒണക്ക മുന്തിരി കശുവണ്ടി പരിപ്പ് വറുത്തെടുത്തു ഇതിലേക്ക് ചേർത്ത് അഞ്ചു മിനിറ്റു മൂടി വച്ച് ഉപയോഗിക്കാവുന്നതാണ്.