ചിക്കൻ ബർഗർ Chicken Burger

ചിക്കൻ ബർഗർ Chicken Burger

ആവശ്യമുള്ള സാധനങ്ങൾ 

ബർഗർ ബൺ രണ്ടെണ്ണം 

തക്കാളി ഒരെണ്ണം കനം കുറച്ചു അരിഞ്ഞത്

ലെറ്റൂസ് അര കപ്പ് , സവാള ഒരെണ്ണം ,വെളുത്തുള്ളി മൂന്ന് വലിയ അല്ലി ,മല്ലിയില പുതിനയില അര കപ്പ് ചെറുതായി അരിഞ്ഞത്

ചീസ് രണ്ടു സ്ലൈസ് 

മയോനൈസ് നാല് ടേബിൾസ്പൂൺ 

ടൊമാറ്റോ കെച്ചപ്പ് നാല് ടേബിൾസ്പൂൺ 

ചിക്കൻ മിൻസ് 200 - 250 ഗ്രാം

ബ്രഡ് മൂന്ന് സ്ലൈസ് നാല് ഭാഗവും കട്ട് ചെയ്തത് 

മുളകുപൊടി ഒരു ടേബിൾസ്പൂൺ 

ചിക്കൻ ക്യൂബ് ഒരെണ്ണം 

ഉപ്പ് ആവശ്യത്തിന്

സൺഫ്ലവർ ഓയിൽ നാലു ടേബിൾസ്പൂൺ

മുട്ട ഒന്ന് 

തയ്യാറാക്കുന്ന വിധം 

പാനിൽ എണ്ണ ചൂടാക്കി സവാള , വെളുത്തുള്ളി നന്നായി വഴറ്റി തീ ഓഫ് ചെയ്യുക ഇതും ബ്രെഡും ,മല്ലിയില പുതിനയില ,ചിക്കൻ ക്യൂബ്,മുളകുപൊടി ചേർത്ത് ഒന്ന് ചോപ് ചെയ്തെടുക്കുക (അരച്ചെടുക്കരുത്). ഒരു ബൗളിൽ ഈ മിക്സ് ,മുട്ട ,ചിക്കൻ , ഓയിൽ രണ്ടു ടേബിൾസ്പൂൺ ,ഉപ്പ് ആവശ്യത്തിന് ചേർത്ത് നന്നായി മിക്സ് ചെയ്തു പാറ്റിയുടെ രൂപത്തിൽ കയ്യിലിട്ടു പരത്തിയെടുത്തു പാനിൽ എണ്ണചൂടാക്കി ഒന്ന് ഫ്രൈ ചെയ്തെടുക്കുക.

ബർഗർ ബൺ ഒന്ന് ചൂടാക്കി ഉള്ളിൽ  മയോനൈസ് ,ടൊമാറ്റോ കെച്ചപ്പ് മിക്സ് ചെയ്തു പുരട്ടി മുകളിൽ ചീസ് ഒരു സ്ലൈസ് വച്ച് അതിനു മുകളിൽ പാറ്റി വച്ച് തക്കാളി, ലെറ്റൂസ് വച്ച് വീണ്ടും മയോനൈസ് ,ടൊമാറ്റോ കെച്ചപ്പ് മിക്സ് ഒഴിച്ച് ചീസ് ഒരു സ്ലൈസ്  വച്ച് ചീസ് മെൽറ്റ്‌ ആവുന്നതുവരെ ചൂടാക്കി ഉപയോഗിക്കുക.

https://ponnunteadukkala.blogspot.com/2018/05/wheat-burger-bun.html
https://ponnunteadukkala.blogspot.com/2018/05/burger-bun.html

ചിക്കൻ കീമ ബർഗർ Chicken Keema Burger

 ചിക്കൻ കീമ ബർഗർ  Chicken Keema Burger

ആവശ്യമുള്ള സാധനങ്ങൾ 

ബർഗർ ബൺ രണ്ടെണ്ണം 

ചീസ് രണ്ടു സ്ലൈസ് 

ചിക്കൻ കീമ 250 ഗ്രാം

സവാള ,തക്കാളി രണ്ടെണ്ണം ,കാപ്സികം ഒന്നിന്റെ പകുതി  ചെറുതായി അരിഞ്ഞത്

വെളുത്തുള്ളിരണ്ടു ടേബിൾസ്പൂൺ  ചെറുതായി അറിഞ്ഞത് 

മുളകുപൊടി രണ്ടു ടീസ്പൂൺ 

കുരുമുളക് പൊടി ഒരു ടീസ്പൂൺ 

ലെമൺ ജ്യൂസ് ഒരു ലെമണിന്റെ പകുതി 

സൺഫ്ലവർ ഓയിൽ നാലു ടേബിൾസ്പൂൺ

മല്ലിയില കാൽ കപ്പ് ചെറുതായി അറിഞ്ഞത് 

ലെട്ടൂസ്

ഉപ്പ് ആവശ്യത്തിന് 

തയ്യാറാക്കുന്ന വിധം 

പാനിൽ എണ്ണ ചൂടാക്കി വെളുത്തുള്ളി നന്നായി വഴറ്റി ചിക്കൻ കീമ ചേർക്കുക നന്നായി യോജിപ്പിച്ചു തക്കാളി സവാള കാപ്സികം ചേർത്ത് യോജിപ്പിച്ചു അഞ്ചു മിനിറ്റു മൂടി വച്ച് വേവിക്കുക.ഇതിലേക്ക് മുളകുപൊടി കുരുമുളക് പൊടി ഉപ്പ് ലെമൺ ജ്യൂസ് ചേർത്ത് ചിക്കനെ നന്നായി വേവിച്ചെടുക്കുക.ശേഷം മല്ലിയില ചേർത്ത് ഒന്ന് ഡ്രൈ ആയി എടുക്കുക .ബൺ ഒന്ന് ചൂടാക്കി ചിക്കൻറെ കൂട്ടു വച്ച് 

മുകളിലായി ലെറ്റൂസ് വച്ച് അതിനും മുകളി ചീസ് സ്ലൈസ് വച്ച് അടച്ചു പാനിൽ വച്ച് ചീസ് ഒന്ന് മെൽറ്റ്‌ ആവുന്നതുവരെ ചൂടാക്കി ഉപയോഗിക്കാം.

https://ponnunteadukkala.blogspot.com/2018/05/burger-bun.html
https://ponnunteadukkala.blogspot.com/2018/05/wheat-burger-bun.html