കോക്കനട്ട് ലഡു Coconut Ladoo

കോക്കനട്ട് ലഡു  Coconut Ladoo

ആവശ്യമുള്ള സാധനങ്ങൾ 

ഗ്രെറ്റഡ് ഡ്രൈ കോക്കനട്ട് നാലേകാൽ കപ്പ് 

കണ്ടെൻസ് മിൽക്ക് ഒരു കപ്പ് 

തയ്യാറാക്കുന്ന വിധം 

ചൂടായ പാനിൽ നാലു കപ്പ് കോക്കനട്ടും കണ്ടെൻസ് മിൽക്ക് ചേർത്ത് അഞ്ചാറു മിനിറ്റു നന്നായി ഇളക്കിയോജിപ്പിച്ചു  തീ ഓഫ് ചെയ്തു തണുക്കുവാൻ വക്കുക.തണുത്ത ശേഷം ഉരുളകളാക്കി ബാക്കിയുള്ള കോക്കനാട്ടിൽ റോൾ ചെയ്തെടുക്കുക.

പീനട്ട് ലഡു Peanut Ladoo

പീനട്ട് ലഡു Peanut Ladoo 

ആവശ്യമുള്ള സാധനങ്ങൾ 

കപ്പലണ്ടി വറുത്തു തൊലി കളഞ്ഞത് 300 ഗ്രാം

ശർക്കര രണ്ടു അച്ച്

ഏലക്ക പൊടിച്ചത് അര ടീസ്പൂൺ 

തയ്യാറാക്കുന്ന വിധം 

മിക്സിയിലിട്ട് നന്നായി പൊടിച്ചെടുത്ത കപ്പലണ്ടി ശർക്കര എന്നിവ ഏലക്ക പൊടി ചേർത്ത് കൈ കൊണ്ട് നന്നായി മിക്സ് ചെയ്തു ലഡുവിന്റെ രൂപത്തിൽ ഉരുട്ടി എടുക്കുക.

ബെയ്‌സൻ ലഡു Besan Ladoo

ബെയ്‌സൻ ലഡു  Besan Ladoo

ആവശ്യമുള്ള സാധനങ്ങൾ

കടല പൊടി രണ്ടു കപ് 

പഞ്ചസാര ഒരു കപ്പ്

നെയ്യ് മുക്കാൽ കപ്പ്

കശുവണ്ടി ക്രഷ് ചെയ്തത് കാൽ കപ്പ് 

ഏലക്ക പൊടി അര ടീസ്പൂൺ 

പാകം ചെയ്യുന്ന വിധം

ചൂടായ പാനിൽ നെയ്യൊഴിച്ചു അതിൽ കടലപ്പൊടി ഇട്ട് ചെറിയ തീയിൽ പച്ചമണവും നിറവും മാറുന്നത് വരെ ഇളക്കുക (ഏകദേശം 10 മിനിറ്റ്).ഇതിനെ പാത്രത്തിലേക്കു മാറ്റി ഏലക്കാ പൊടി കശുവണ്ടി പഞ്ചസാര പൊടിച്ചതും   ചേർത്ത് നന്നായി മിക്സ് ചെയ്തു കൈ കൊണ്ട് ഉരുട്ടിയെടുക്കാൻ പാകമാകുമ്പോൾ ചെറിയ ഉരുളകളാക്കി എടുക്കുക 

ബൂന്തി ലഡു Boondi Ladoo

ബൂന്തി ലഡു Boondi Ladoo

ആവശ്യമുള്ള സാധനങ്ങൾ

കടലമാവ്          1 ഗ്ലാസ്
പഞ്ചസാര        1 ഗ്ലാസ്
വെള്ളം 3/4 ഗ്ലാസ് (ഷുഗർ സിറപ്പ്)
കരയാമ്പൂ      3 എണ്ണം
എല്കയ                 5 എണ്ണം
ഫുഡ് കളർ             2 ഡ്രോപ്‌സ്
സൺഫ്ലവർ ഓയിൽ വറുക്കുവാൻ ആവശ്യമായത്
ബേക്കിംഗ് സോഡാ ഒരു നുള്ള്
കശുവണ്ടി ആവശ്യത്തിന്
ഉണക്കമുന്തിരി ആവശ്യത്തിന്
നെയ്യ്        2 ടേബിൾ സ്പൂൺ

പാകം ചെയ്യുന്ന വിധം

കടലമാവ് സോഡാ പൊടി കുറച്ചു വെള്ളം ചേർത്ത് ദോശ മാവിനേക്കാൾ കുറച്ചു ലൂസ് ആയി മിക്സ് ചെയ്തു എടുത്തു ,ചൂടായ എണ്ണയുടെ മുകളിൽ ചെറിയ ഒട്ടകളുള്ള കൈൽ എടുത്തു അതിലെക്യു് മാവൊഴിച്ചു പതുക്കെ തട്ടികൊടുത്തു ബൂന്തി (മണികൾ) തയ്യാറാക്കുക.ആവശ്യമെങ്കിൽ മിക്സിയിൽ ക്രെഷ് ചെയ്തെടുക്കാവുന്നതാണ്.പഞ്ചസാരയും  വെള്ളവും ചേർത്ത് ഒരു നൂൽ പാകത്തിൽ സിറപ്പ് തയ്യാറാക്കി ചതച്ച ഏലക്കായ,കരയാമ്പൂ,ഫുഡ് കളർ ചേർക്കുക.തയ്യാറാക്കിയ സിറപ്പ് ചൂടോടെ ബൂന്തിയിലേക്യു് ഒഴിച്ച് നെയ്യിൽ വറുത്തെടുത്ത കശുവണ്ടി ഉണക്കമുന്തിരിയും ബാക്കിയുള്ള നെയ്യും ഇതിലേയ്ക്കു ചേർത്ത് എല്ലാം കൂടി നല്ലവണ്ണം മിക്സ് ചെയ്തു കൈകൊണ്ടു പിടിക്കയാണ് പറ്റുന്ന ചൂടിൽ ഉരുകളാക്കി എടുക്കുക