ചിക്കൻ കാന്താരി Chicken Kanthari

ചിക്കൻ കാന്താരി Chicken Kanthari

ആവശ്യമുള്ള സാധനങ്ങൾ 

ചിക്കൻ 400 ഗ്രാം

ചുവന്നുള്ളി 25 എണ്ണം ചതച്ചത് 

ഇഞ്ചി ഒരു കഷ്ണം ചതച്ചത് 

വെളുത്തുള്ളി ആറെണ്ണം ചതച്ചത് 

കാന്താരി 25 എണ്ണം ചതച്ചത് 

മഞ്ഞൾ പൊടി കാൽ ടീസ്പൂൺ 

മല്ലിപൊടി രണ്ടു ടേബിൾസ്പൂൺ 

തക്കാളി ഒരെണ്ണം വലുത് 

ഗരം മസാല , പേരും ജീരകം അര ടീസ്പൂൺ 

കുരുമുളക് പൊടി മുക്കാൽ മുതൽ ഒരു  ടീസ്പൂൺ വരെ 

തേങ്ങാ പാല് മുക്കാൽ ഗ്ലാസ് 

ഉപ്പ് , ഓയിൽ , വേപ്പില ആവശ്യത്തിന് 

തയ്യാറാക്കുന്ന വിധം 

പാനിൽ എന്ന ചൂടാക്കി പെരുംജീരകം ചേർത്ത് പൊട്ടിയാൽ ചുവന്നുള്ളി ചേർത്ത് വഴണ്ട് വന്നാൽ കാന്താരി, വെളുത്തുള്ളി , ഇഞ്ചി ചേർത്ത് വഴറ്റി പച്ചമണം മാറിയാൽ മഞ്ഞൾ പൊടി , മല്ലി പൊടി ചേർത്ത് നന്നായി വഴറ്റി തക്കാളി ചേർത്ത് ഉടഞ്ഞു വന്നാൽ ചിക്കൻ , തേങ്ങാ പാൽ ആവശ്യത്തിന് ഉപ്പ് ചേർത്ത് നന്നായി വഴറ്റി അടച്ചു വച്ച് വേവിച്ചെടുക്കുക.

അടപ്പു തുറന്നു ഡ്രൈ ആക്കിയെടുക്കുക കുരുമുളക് പൊടി , ഗരം മസാല , വേപ്പില ചേർത്ത് വീണ്ടും നന്നായി മിക്സ് ചെയ്തെടുക്കുക.

ഗ്രേവി ആവശ്യമില്ലെങ്കിൽ നന്നായി ഡ്രൈ ആക്കിയെടുക്കുക. 

ചിക്കൻ പോപ്‌കോൺ Chicken Popcorn

ചിക്കൻ പോപ്‌കോൺ  Chicken Popcorn

ആവശ്യമുള്ള സാധനങ്ങൾ 

ചിക്കൻ എല്ലില്ലാത്തത് 200 ഗ്രാം

ഗാർലിക് , ജിൻജർ , കുമിൻ പൌഡർ കാൽ ടീസ്പൂൺ 

പെപ്പർ പൌഡർ അര ടീസ്പൂൺ 

കോൺഫ്ലോർ ഒരു ടീസ്പൂൺ 

മുട്ട ഒരെണ്ണം 

ബ്രെഡ് ക്രമ്സ് മുക്കാൽ കപ്പ് 

ഉപ്പ് , ഓയിൽ ആവശ്യത്തിന് 

തയ്യാറാക്കുന്ന വിധം 

മിക്സിൽ അരച്ചെടുത്ത ചിക്കനിലേക്കു ഗാർലിക് , ജിൻജർ , കുമിൻ , പെപ്പർ പൌഡർ,കോൺഫ്ലോർ, ആവശ്യത്തിന് ഉപ്പ് ചേർത്ത് നന്നായി  മിക്സ് ചെയ്തു ചെറിയ ഉരുളകളാക്കി ബീറ്റ് ചെയ്ത മുട്ടയിൽ മുക്കി ബ്രഡ് ക്രമ്സിൽ റോൾ ചെയ്തു ചെറിയ തീയിൽ ഫ്രൈ ചെയ്‌തെടുക്കുക.

ചിക്കൻ ഷവർമ Chicken Shavarma

ചിക്കൻ ഷവർമ Chicken Shavarma

ആവശ്യമുള്ള സാധനങ്ങൾ 

കുബൂസ് അഞ്ചെണ്ണം 

ചിക്കൻ എല്ലില്ലാത്തതു 500 ഗ്രാം

വെളുത്തുള്ളി ചതച്ചത് ഒരു ടേബിൾസ്പൂൺ 

ഏലക്ക മൂന്നെണ്ണം 

നട്ട്മഗ് കാൽ ടീസ്പൂണിനേക്കാൾ കുറച്ചു കുറവ് 

തൈര് രണ്ടര കപ്പ് 

നല്ല ജീരകം പൊടി , ഗരം മസാല പൊടി  ഒരു ടീസ്പൂൺ 

മുളകുപൊടി , വിനിഗർ  ഒരു ടേബിൾസ്പൂൺ 

ഒലിവ് ഓയിൽ രണ്ടു ടേബിൾസ്പൂൺ 

ലെമൺ ചെറുത് ഒരെണ്ണം 

ഉപ്പ് , ഓയിൽ ആവശ്യത്തിന് 

കുരുമുളകുപൊടി അര ടീസ്പൂൺ 

ലെറ്റൂസ് , ഫ്രഞ്ച് ഫ്രൈസ് ആവശ്യത്തിന് 

തയ്യാറാക്കുന്ന വിധം 

ഒരു ബൗളിൽ രണ്ടു ടേബിൾസ്പൂൺ തൈര് , നല്ല ജീരകം , ഗരംമസാല , മുളകുപൊടി ,വെളുത്തുള്ളി ,വിനിഗർ , ഒലിവ് ഓയിൽ , ഏലക്ക ,നട്ട്മഗ് , പകുതി ലെമൺ ജ്യൂസ് , പകുതി ലെമൺ സ്ലൈസ് ചെയ്തത് ,ആവശ്യത്തിന് ഉപ്പ് ചേർത്ത് നന്നായി മിക്സ് ചെയ്തു ചിക്കനിൽ മാരിനേറ്റു ചെയ്തു അര മണിക്കൂറിനു ശേഷം ചൂടായ പാനിൽ അല്പം എണ്ണ ചേർത്ത്  പാനിൽ ഇട്ടു ഒന്ന് ഫ്രൈ ചെയ്തെടുക്കുക.

അരിപ്പയിൽ തുണിയിട്ടു തൈര് ചേർത്ത് കെട്ടി വെള്ളം വാരുന്നതിനായി വച്ച് നന്നായി വെള്ളം വാർന്നാൽ ആവശ്യത്തിന് ഉപ്പ് , കുരുമുളകുപൊടി ചേർത്ത് നന്നായി മിക്സ് ചെയ്തു വക്കുക.

കുബൂസിന്റെ ഉള്ളിൽ ചിക്കൻ വച്ച് മുളകിൽ തൈര് ഒഴിച്ചശേഷം ചോപ് ചെയ്ത ലെറ്റൂസ് ഫ്രൈസ് ചേർത്ത് ടൈറ്റ് ആക്കി റോൾ ചെയ്തെടുക്കുക.പാനിലോ ഗ്രില്ലിലോ വച്ച് രണ്ടു ഭാഗവും ടോസ്റ് ചെയ്തെടുക്കുക.

https://ponnunteadukkala.blogspot.com/2018/10/kuboos.html

https://ponnunteadukkala.blogspot.com/2017/10/french-fries_24.html

ചിക്കൻ കുറുമ Chicken Kuruma

ചിക്കൻ കുറുമ Chicken Kuruma

ആവശ്യമുള്ള സാധനങ്ങൾ 

ചിക്കൻ 700 ഗ്രാം

സവാള രണ്ടെണ്ണം നീളത്തിൽ അരിഞ്ഞത്

പച്ചമുളക് 15 എണ്ണം 

ഇഞ്ചി പേസ്റ്റ് ,വെളുത്തുള്ളി പേസ്റ്റ്  ഒരു ടീസ്പൂൺ 

ചുമന്നുള്ളി പത്തെണ്ണം 

വെളുത്തുള്ളി രണ്ടെണ്ണം 

വേപ്പില രണ്ടു തണ്ട്

പുതിനയില മൂന്ന് തണ്ട് ചെറുതായി അരിഞ്ഞത് 

പട്ട രണ്ടു ചെറിയ കഷ്ണം 

ഏലക്ക ആറെണ്ണം 

ഗ്രാമ്പൂ ഏഴെണ്ണം 

തക്കോലം ഒരെണ്ണം 

വാഴനയില ഒരെണ്ണം 

പേരും ജീരകം ഒന്നര ടീസ്പൂൺ 

കുരുമുളക് പൊടി ഒന്നര മുതൽ രണ്ടു വരെ 

തേങ്ങാ ചിരകിയത് മൂന്ന് ടേബിൾസ്പൂൺ 

അണ്ടിപ്പരിപ്പ് പത്തെണ്ണം 

തക്കാളി ഒരെണ്ണം നീളത്തിൽ അരിഞ്ഞത് 

ഉപ്പ് , ഓയിൽ ആവശ്യത്തിന് 

തയ്യാറാക്കുന്ന വിധം 

പാനിൽ എണ്ണ ചൂടാക്കി ഒരു കഷ്ണം പട്ട , മൂന്ന് ഏലക്ക , നാലു ഗ്രാമ്പൂ , ഒരു വാഴനയില , ഒരു ടീസ്പൂൺ പേരും ജീരകം രണ്ടായി കീറിയ ചുമന്നുളളി , വെളുത്തുള്ളി , പത്തു പച്ചമുളക് ചേർത്ത്  നന്നായി വഴറ്റി അണ്ടിപ്പരിപ്പ് ചേർത്ത് വീണ്ടും വഴറ്റി തീ ഓഫ് ചെയ്തു തേങ്ങാ ചേർത്ത് നന്നായി പേസ്റ്റ് രൂപത്തിൽ അരച്ചെടുക്കുക.

പാനിൽ എണ്ണ ചൂടാക്കി ബാക്കിയുള്ള പട്ട ,ഗ്രാമ്പൂ , ഏലക്ക , തക്കോലം , വാഴനയില , പേരും ജീരകം ,സവാള ചേർത്ത് നന്നായി വഴറ്റി ഇഞ്ചി വെളുത്തുള്ളി പേസ്റ്റ് , ബാക്കിയുള്ള പച്ചമുളക് , വേപ്പില ചേർത്ത് സവാള നിറം മാറിത്തുടങ്ങിയാൽ തക്കാളി ചേർത്ത് നന്നായി വഴറ്റി തക്കാളി സോഫ്റ്റ് ആയി വരുമ്പോൾ പുതിനയില , ചിക്കൻ , ആവശ്യത്തിന് ഉപ്പ് , കുരുമുളക് പൊടി ചേർത്ത് നന്നായി മിക്സ് ചെയ്തു വഴറ്റി അരപ്പും ആവശ്യത്തിന് വെള്ളവും ചേർത്ത് ചെറിയ തീയിൽ വേവിച്ചെടുക്കുക.

ചിക്കൻ കാന്താരി Chicken Kanthari

ചിക്കൻ കാന്താരി Chicken Kanthari

ആവശ്യമുള്ള സാധനങ്ങൾ 

ചിക്കൻ 400 ഗ്രാം

ചുമന്നുള്ളി 25 എണ്ണം , ഇഞ്ചി ഒരു കഷ്ണം , വെളുത്തുള്ളി ആറു വലിയ അല്ലി ,കാന്താരി 25 എണ്ണം ചതച്ചത് 

തക്കാളി ഒരെണ്ണം നീളത്തിൽ അരിഞ്ഞത്

മഞ്ഞൾ പൊടി കാൽ , ഗരം മസാല അര ,കുരുമുളകുപൊടി അര ടീസ്പൂൺ 

മല്ലി പൊടി രണ്ടു ടേബിൾസ്പൂൺ 

പേരും ജീരകം അര ടീസ്പൂൺ 

തേങ്ങാ പാല് മുക്കാൽ ഗ്ലാസ് 

ഉപ്പ് , വേപ്പില , ഓയിൽ  ആവശ്യത്തിന് 

തയ്യാറാക്കുന്ന വിധം 

ചൂടായ പാനിൽ എണ്ണയൊഴിച്ചു പേരും ജീരകം ചേർത്ത് പൊട്ടിയാൽ ചുമന്നുള്ളി ചേർത്ത് വഴറ്റി നിറം  മാറിയാൽ ഇഞ്ചി , വെളുത്തുള്ളി , കാന്താരി  ചേർത്ത് വഴറ്റി പച്ചമണം മാറിയാൽ മഞ്ഞൾ പൊടി , മല്ലി പൊടി ചേർത്ത് ഇളക്കി തക്കാളി ചേർത്ത് നന്നായി കുഴഞ്ഞു വരുമ്പോൾ ചിക്കൻ , വേപ്പില , ആവശ്യത്തിന് ഉപ്പ് ചേർത്ത് നന്നായി ഇളക്കി യോജിപ്പിച്ചു തേങ്ങാ പാൽ ചേർത്ത് മൂടിവച്ചു ചിക്കൻ വേവിച്ചെടുത്തു മുക്കാൽ വേവാകുമ്പോൾ തുറന്നു വച്ച് ഡ്രൈ ആക്കിയെടുക്കുക.ഡ്രൈ ആയി തുടങ്ങുമ്പോൾ ഗരം മസാല ,കുരുമുളകുപൊടി , വേപ്പില ചേർത്ത് കൊടുക്കുക.എരിവ് കൂടുതൽ വേണമെങ്കിൽ ഡ്രൈ ആകുമ്പോൾ കാന്താരി നെടുകെ കീറി ചേർത്ത് കൊടുക്കുക.

 

ബട്ടർ ചിക്കൻ Butter Chicken

ബട്ടർ ചിക്കൻ  Butter Chicken

ആവശ്യമുള്ള സാധനങ്ങൾ 

എല്ലില്ലാത്ത ചിക്കൻ 600 ഗ്രാം

തൈര് ,മുളകുപൊടി രണ്ടു ടേബിൾസ്പൂൺ 

നല്ല ജീരക പൊടി  രണ്ടു ടീസ്പൂൺ 

മഞ്ഞൾ പൊടി കാൽ ടീസ്പൂൺ 

ഗരം മസാല രണ്ടു ടീസ്പൂൺ 

പട്ട ഒരു കഷ്ണം 

ഏലക്ക രണ്ടെണ്ണം 

ഗ്രാമ്പൂ മൂന്നെണ്ണം 

കശുവണ്ടി പരിപ്പ് പത്തെണ്ണം 

തക്കാളി മൂന്നെണ്ണം ഇടത്തരം 

സവാള ഒരെണ്ണം ചെറുതായി അരിഞ്ഞത്

ഇഞ്ചി , വെളുത്തുള്ളി പേസ്റ്റ് രണ്ടു ടീസ്പൂൺ 

ബട്ടർ മൂന്നര ടേബിൾസ്പൂൺ 

കസ്തൂരി മേത്തി ഒരു ടീസ്പൂൺ 

ഉപ്പ് ആവശ്യത്തിന് 

തയ്യാറക്കുന്ന വിധം  

ഒരു ബൗളിൽ തൈര് , ഒരു ടേബിൾസ്പൂൺ മുളകുപൊടി , ഒരു ടീസ്പൂൺ നല്ല ജീരക പൊടി , മഞ്ഞൾ പൊടി ,ഒരു ടീസ്പൂൺ ഇഞ്ചി പേസ്റ്റ് , ഒരു ടീസ്പൂൺ വെളുത്തുള്ളി പേസ്റ്റ് ,മൂന്ന് ടേബിൾസ്പൂൺ ബട്ടർ , ആവശ്യത്തിന് ഉപ്പ് ചേർത്ത് നന്നായി മിക്സ് ചെയ്തു ചിക്കൻ ചേർത്ത് വീണ്ടും നന്നായി മിക്സ് ചെയ്തു ഒരു മണിക്കൂർ മാരിനേറ്റു ചെയ്തു വക്കുക.

ചൂടായ പാനിൽ ഒരു ടേബിൾസ്പൂൺ ബട്ടർ ചേർത്ത് അരിഞ്ഞ തക്കാളി , അണ്ടിപ്പരിപ്പ് ചേർത്ത് നന്നായി വഴി തക്കാളി ഉടഞ്ഞു വന്നാൽ തീ ഓഫ് ചെയ്തു മിക്സിയിൽ അരച്ചെടുക്കുക.

പാനിൽ ഒരു ടേബിൾസ്പൂൺ  ബട്ടർ ചേർത്ത് ചിക്കൻ ചേർത്ത് ശാലോ ഫ്രൈ ചെയ്തെടുക്കുക 

പാനിൽ ഒരു ടേബിൾസ്പൂൺ ബട്ടർ ചേർത്ത് പട്ട , ഗ്രാമ്പൂ ,ഏലക്ക , സവാള ചേർത്ത് നന്നായി വഴറ്റി പച്ചമണം മാറിയാൽ ബാക്കിയുള്ള ഇഞ്ചി , വെളുത്തുള്ളി പേസ്റ്റ് ചേർത്ത് വഴറ്റി പച്ചമണം മാറിയാൽ അരച്ച തക്കാളി മിക്സ് ചേർത്ത് വഴറ്റി ബാക്കിയുള്ള മസാല പൊടികളെല്ലാം ചേർത്ത് വഴറ്റി അഞ്ചു മിനിട്ടു മൂടി വച്ച് വേവിച്ചു തുറന്നു ഫ്രൈ ചെയ്ത ചിക്കൻ ഉപ്പ് ആവശ്യത്തിന് ചേർത്ത് നന്നായി യോജിപ്പിച്ചു അഞ്ചു മിനിട്ടു കൂടെ മൂടിവെച്ച് വേവിച്ചു തുറന്നു കസ്തൂരി മേത്തി കൈ കൊണ്ട് പൊടിച്ചു മുകളിൽ വിതറി ഒരു ടീസ്പൂൺ  ബട്ടർ ചേർത്ത് തീ ഓഫ് ചെയ്യുക.

ചിക്കൻ ലോലിപോപ് chicken Lollipop

ചിക്കൻ ലോലിപോപ്  chicken Lollipop

ആവശ്യമുള്ള സാധനങ്ങൾ 

ചിക്കൻ വിങ്‌സ് 12 എണ്ണം 

മുളകുപൊടി ഒന്ന് , ഗ്രാം ഫ്ലോർ ഒന്ന് , മൈദ ഒന്ന് , കോൺ ഫ്ലോർ രണ്ടു  ടേബിൾസ്പൂൺ 

മഞ്ഞൾ പൊടി കാൽ, ഇഞ്ചി വെളുത്തുള്ളി പേസ്റ്റ്  ഒരു ടീസ്പൂൺ 

മുട്ട ഒരെണ്ണം ചെറുത് 

ഒരു  ചെറുനാരങ്ങയുടെ പകുതി നീര് 

ഉപ്പ്‌ , ഓയിൽ ആവശ്യത്തിന് 

തയ്യാറാക്കുന്ന വിധം 

ചിക്കൻ വിങ്‌സ് മുട്ടിന്റെ ഭാഗത്തു മുറിച്ചെടുത്തു ഇറച്ചി എല്ലിന്റെ മുകളിൽ നിന്നും വിട്ടു കിട്ടാൻ മുറിച്ച  ഭാഗത്തു വട്ടത്തിൽ മുറിച്ചു ഇറച്ചി മുകളിലേക്കു അമർത്തികൊടുത്തു ലോലിപോപ്പിന്റെ രൂപത്തിൽ ആക്കിയെടുക്കുക.

ഒരു ബൗളിൽ ഓയിൽ , ചിക്കൻ ഒഴികെ ബാക്കിയെല്ലാം ചേർത്ത് നന്നായി മിക്സ് ചെയ്തു കുറച്ചു വെള്ളം ചേർത്ത് കുഴമ്പു രൂപത്തിൽ ആക്കിയെടുത്തു ചിക്കൻ അതിലേക്കിട്ടു മാരിനേറ്റു ചെയ്തു ഒരു മണിക്കൂർ വച്ച് മീഡിയം ഫ്ളൈമിൽ വറുത്തു കോരിയെടുക്കുക.

കുബൂസ് ചിക്കൻ റോൾ kuboos Chicken Roll

കുബൂസ്  ചിക്കൻ റോൾ  kuboos Chicken Roll

ആവശ്യമുള്ള സാധനങ്ങൾ 

കുബൂസ് 5 എണ്ണം 

ചിക്കൻ 500 ഗ്രാം

തൈര് ഒരു കപ്പ് 

പട്ട ഒരു കഷ്ണം 

ഏലക്ക രണ്ടെണ്ണം 

സവാള രണ്ടെണ്ണം വലുത് , പച്ചമുളക് മൂന്നെണ്ണം , ഇഞ്ചി ചെറിയ കഷ്ണം , വെളുത്തുള്ളി നാലെണ്ണം വലുത് ,പുതിന കാൽ കപ്പ് , മല്ലിയില കാൽ കപ്പ് ,ലെറ്റൂസ് രണ്ടില ചെറുതായി അരിഞ്ഞത്

മഞ്ഞൾ പൊടി കാൽ കുരുമുളക് പൊടി അര ,ഗരം മസാല അര , മുളക് പൊടി മുക്കാൽ  ടീസ്പൂൺ 

ഉപ്പ് , ഓയിൽ ആവശ്യത്തിന് 

തയ്യാറാക്കുന്ന വിധം 

കാൽ ടീസ്പൂൺ കുരുമുളകുപൊടി ചേർത്ത് വേവിച്ചെടുത്ത ചിക്കൻ കൈ കൊണ്ട് പൊടിച്ചു മാറ്റിവെക്കുക .

പാനിൽ എണ്ണ ചൂടാക്കി പട്ട , ഏലക്ക , സവാള ചേർത്ത് നന്നായി വഴറ്റിയെടുത്തു ഇഞ്ചി , പച്ചമുളക് ,വെളുത്തുള്ളി ചേർത്ത് വീണ്ടും നന്നായി വഴറ്റി മഞ്ഞൾ പൊടി ,മുളകുപൊടി , ഗരം മസാല പൊടി ചേർത്ത് വഴറ്റി പച്ചമണം മാറിയാൽ ചിക്കൻ ചേർത്ത് മല്ലിയില , പുതിനയില ആവശ്യത്തിന് ഉപ്പും ചേർത്ത് നന്നായി മിക്സ് ചെയ്തെടുക്കുക .

തുണിയിൽ കെട്ടി വെള്ളം വാർത്തെടുത്ത തൈരിൽ ആവശ്യത്തിന്  ഉപ്പും ,കാൽ ടീസ്പൂൺ  കുരുമുളകുപൊടിയും ചേർത്ത് മിക്സ് ചെയ്തു വക്കുക 

ഖുബൂസിലേക്കു ചിക്കൻറെ ഫില്ലിംഗ് വച്ച് മുകളിൽ തൈരിന്റെ മിക്സ് ഒഴിച്ച് മുകളിൽ ലെറ്റൂസ് വച്ച് റോൾ ചെയ്തെടുക്കുക.

https://ponnunteadukkala.blogspot.com/2018/10/kuboos.html

വീറ്റ് പിസ്സ Wheat Pizza

വീറ്റ് പിസ്സ Wheat Pizza

ആവശ്യമുള്ള സാധനങ്ങൾ 

ഗോതമ്പു പൊടി ഒരു കപ്പ് 

ചെറു ചൂടുവെള്ളം അര കപ്പ് 

ഒലിവ്  ഓയിൽ മൂന്ന് ടേബിൾസ്പൂൺ 

ഷുഗർ അര ടീസ്പൂൺ 

ഉപ്പ് ആവശ്യത്തിന് 

ഈസ്റ്റ് അര ടീസ്പൂൺ 

ടോപ്പിംഗ് :-

പിസ്സ സോസ് ആവശ്യത്തിന് 

സവാള  ,കാപ്സികം കാൽ ഭാഗം നീളത്തിൽ അരിഞ്ഞത്

മഷ്‌റൂം ഒരെണ്ണം കനം കുറച്ചു നീളത്തിൽ അരിഞ്ഞത്

ഓലിവ്സ് നാലെണ്ണം വട്ടത്തിൽ അരിഞ്ഞത്

ഒരഗാനോ ഒരു  ടീസ്പൂൺ 

ബേസിൽ ലീഫ്  ഒരു ടീസ്പൂൺ 

ഒലിവ് ഓയിൽ ഒരു ടേബിൾസ്പൂൺ 

മോസ്സറെല്ല ചീസ് 200 ഗ്രാം

സോസേജ് മൂന്ന് എണ്ണം

സോസേജ് വറുക്കുവാൻ 

മുളകുപൊടി കാൽ ടീസ്പൂൺ 

മല്ലിപൊടി അര ടീസ്പൂൺ 

ഉപ്പ് ആവശ്യത്തിന് 

തയ്യാറാകുന്ന വിധം

ബേസ് :-

ഒരു ബൗളിൽ വെള്ളം , പഞ്ചസാര , ഈസ്റ്റ് മിക്സ് ചെയ്തു പത്തു മിനിറ്റു വച്ച മിക്സ് മറ്റൊരു ബൗളിൽ ഗോതമ്പു പൊടിയിലേക്കു ഒഴിച്ച് കുഴച്ചെടുത്തു രണ്ടു ടേബിൾ സ്പൂൺ ഒലിവ് ഓയിൽ ചേർത്ത് വീണ്ടും നന്നായി കുഴച്ചെടുത്തു എണ്ണ തടവിയ ബൗളിൽ ഇട്ടു തുണിയിട്ടു മൂടി വച്ച് ഡബിൾ സൈസ് ആയാൽ പിസ്സ പാനിലേക്കിട്ടു വശങ്ങൾ കനം കൂട്ടി പരത്തിയെടുക്കുക ഓരോ ഫോർക്ക് ഉപയോഗിച്ചു ഉള്ളിൽ ഹോളുകളുണ്ടാക്കുക.

സോസേജ് മല്ലിപൊടി , മുളകുപൊടി , ഉപ്പ് , ആവശ്യത്തിന് വെള്ളം ചേർത്ത് മരിനാട്‌ ചെയ്തു പത്തു മിനിറ്റിനു ശേഷം എണ്ണയിൽ വറുത്തെടുക്കുക .

ബേസിനു മുകളിൽ മൂന്നോ നാലോ  ടേബിൾ സ്പൂൺ പിസ്സ സോസ് ഒഴിച്ച് പരത്തുക കുറച്ചു  ചീസ് വിതറിക്കൊടുക്കുക അതിനു മുകളിൽ വെജിറ്റബിള്സും  സോസേജും വിതറി  മുകളിൽ കുറച്ചു ഒരഗാനോ,ബേസിൽ ലീഫ്  വിതറി അതിനു മുകളിൽ ഓലിവ്സ് വിതറിഅതിനു മുകളിൽ വീണ്ടും ചീസ് വിതറി പൊന്തി നിൽക്കുന്ന അരുഭാഗത്തു അല്പം ഓയിൽ തടവി 200 ഡിഗ്രിയിൽ 25 - 30 മിനിറ്റു ബേക്ക് ചെയ്തെടുക്കുക.

https://ponnunteadukkala.blogspot.com/2018/04/pizza-sauce.html

കെ ഫ് സി സ്റ്റൈൽ ബിഗ് ഫില്ലർ KFC Style Big Filler

കെ ഫ് സി സ്റ്റൈൽ ബിഗ് ഫില്ലർ  KFC Style Big Filler

ആവശ്യമുള്ള സാധനങ്ങൾ 

ഫ്രൈഡ് ചിക്കൻ നാലു കഷ്ണം 

ഡിന്നർ റോൾ രണ്ടെണ്ണം 

ലെറ്റൂസ് രണ്ടു ഇല

ടോമോട്ടോ സോസ് രണ്ടു ടേബിൾസ്പൂൺ 

മയോനൈസ് ജലാപിനോ  ആവശ്യാനുസരണം 

ചീസ് നാലു സ്ലൈസ് 

തയ്യാറാകുന്ന വിധം

രണ്ടായി മുറിച്ച ബ്രെഡിനുള്ളിൽ ടോമോട്ടോ സോസും മൂന്ന് ടേബിൾസ്പൂൺ മയോനൈസും ചേർത്ത മിക്സ് പുരട്ടി ഫ്രൈ ചെയ്ത ചിക്കൻ വച്ച് മുകളിൽ ചീസ് വച്ച് ജലാപിനോ നിരത്തി വച്ച് മുകളിൽ ലെറ്റൂസ് വച്ച് മയോനൈസ് ഒഴിച്ച് അടുത്ത ബ്രെഡ്‌ സ്ലൈസ് വച്ച് അടച്ചു സാൻഡ്വിച് പേപ്പറിൽ  റോൾ ചെയ്തെടുക്കുക.

http://ponnunteadukkala.blogspot.com/2018/07/kfc-style-fried-chicken.html 

http://ponnunteadukkala.blogspot.com/2018/07/dinner-roll.html

കെ ഫ് സി സ്റ്റൈൽ ഫ്രൈഡ് ചിക്കൻ KFC Style Fried Chicken

കെ ഫ് സി സ്റ്റൈൽ ഫ്രൈഡ് ചിക്കൻ  KFC Style Fried Chicken

ആവശ്യമുള്ള സാധനങ്ങൾ 

ചിക്കൻ 600 ഗ്രാം

മൈദ ഒരു കപ്പ് 

മുട്ട ചെറുത് രണ്ടെണ്ണം 

പാല് രണ്ടു കപ്പ് 

ചെറുനാരങ്ങാ ഒരെണ്ണം 

മുളകുപൊടി രണ്ടര ടീസ്പൂൺ 

റോസ് മേരി , മല്ലി പൊടി , പേരും ജീരകം  ഒരു ടീസ്പൂൺ 

വെളുത്തുള്ളി , ഇഞ്ചി ചോപ് ചെയ്തത് ഒരു ടേബിൾസ്പൂൺ 

ഏലക്ക പൊടി , ഗാർലിക് പൌഡർ അര ടീസ്പൂൺ 

ബേക്കിംഗ് പൌഡർ ഒരു ടീസ്പൂൺ 

കോൺ ഫ്ലോർ അര കപ്പ് 

ഉപ്പ് , ഓയിൽ ആവശ്യത്തിന് 

തയ്യാറാകുന്ന വിധം

എല്ലില്ലാത്ത ചിക്കൻ ആണ് ഉപയോഗിക്കുന്നതെങ്കിൽ ചിക്കൻ ഒരു പ്ലാസ്റ്റിക് കവറിലിട്ടു ചപ്പാത്തി കോൽ കൊണ്ട് ഒന്ന് അടിച്ചു കൊടുത്തു സോഫ്റ്റ് ആകേണ്ടതാണ്.

ഒരു ബൗളിൽ പാലൊഴിച്ചു നാരങ്ങാ നീര്  ചേർത്ത് 15 മിനിറ്റു മൂടി വച്ച് പിരിഞ്ഞു വന്നാൽ റോസ് മേരി , മുളകുപൊടി ഒന്നര ടീസ്പൂൺ  , വെളുത്തുള്ളി , ഇഞ്ചി ചോപ് ചെയ്തത് , ഏലക്ക പൊടി , മുട്ട , ഉപ്പ് ആവശ്യത്തിന്  ചേർത്ത് നന്നായി മിക്സ് ചെയ്തു ചിക്കൻ ചേർത്ത് നാലു മണിക്കൂർ ഫ്രിഡ്ജിൽ വക്കുക.

മറ്റൊരു ബൗളിൽ മൈദ കോൺ ഫ്ലോർ മുളക് പൊടി  , ഗാർലിക് പൌഡർ , പേരും ജീരകം , മല്ലി പൊടി , ബേക്കിംഗ് പൌഡർ , ഉപ്പ് ആവശ്യത്തിന് ചേർത്ത് നന്നായി മിക്സ് ചെയ്യുക.

വറുക്കുന്നതിനു അര മണിക്കൂറിനു മുൻപ് ഫ്രിഡ്ജിൽ നിന്നും എടുത്തു ചിക്കൻ മാരിനേറ്റു മിക്സിൽ നിന്നും  പുറത്തെടുത്തു  മൈദയുടെ മിക്സിൽ ഡിപ് ചെയ്‌തു വീണ്ടും മാരിനേറ്റു മിക്സിൽ മുക്കി വീണ്ടും മൈദയുടെ മിക്സിൽ മുക്കി ചെറിയ തീയിൽ ഡീപ് ഫ്രൈ ചെയ്തെടുക്കുക 

കപ്പ ബോൾ മസാല Kappa (Tapioca) Ball Masala

കപ്പ ബോൾ മസാല  Kappa (Tapioca) Ball Masala

ആവശ്യമുള്ള സാധനങ്ങൾ 

കപ്പ വേവിച്ചത് രണ്ടു കപ്പ് 

ഇഞ്ചി ഒരു ചെറിയ കഷ്ണം ,വെളുത്തുള്ളി അഞ്ചു വലിയ അല്ലി ,മല്ലിയില ഒരു പിടി ചെറുതായി അരിഞ്ഞത്

പച്ചമുളക് മൂന്നെണ്ണം നീളത്തിൽ അരിഞ്ഞത് 

മുട്ട ഒരെണ്ണം 

ചിക്കൻ എല്ലില്ലാത്തതു നാലു വലിയ കഷ്ണം 

മഞ്ഞൾപൊടി ,മുളകുപൊടി ,മല്ലിപൊടി ഒരു ടീസ്പൂൺ 

ചിക്കൻ മസാല രണ്ടു ടീസ്പൂൺ 

ഗരം മസാല അര ടീസ്പൂൺ 

പേരും ജീരകം ഒരു ടീസ്പൂൺ 

ഉപ്പ് , ഓയിൽ ആവശ്യത്തിന് 

തയ്യാറാക്കുന്ന വിധം 

കപ്പ ചൂടാറിയ ശേഷം ഫ്രിഡ്ജിൽ വച്ച് തണുപ്പിച്ചു ചെറിയ ബോളുകളാക്കി എടുക്കുക.

മുട്ട അല്പം ഉപ്പ് ചേർത്ത് ഓംലറ്റ് ഉണ്ടാക്കി ചെറിയ കഷ്ണങ്ങളാക്കി മുറിച്ചെടുക്കുക.

ഉപ്പും മഞ്ഞൾപൊടിയും ചേർത്ത് ചിക്കൻ വേവിച്ചു ചെറിയ കഷ്ണങ്ങളാക്കി മുറിച്ചെടുക്കുക.

പാനിൽ എണ്ണ ചൂടാക്കി പേരും ജീരകം ചേർത്ത് പൊട്ടിയാൽ സവാള , ഇഞ്ചി , വെളുത്തുള്ളി ,പച്ചമുളക് ചേർത്ത് നന്നായി വഴറ്റി പച്ചമണം മാറിയാൽ പൊടികളെല്ലാം ചേർത്ത് ഇളകി കുറച്ചു മല്ലിയില ചേർത്ത് വീണ്ടും ഇളക്കി ചിക്കൻ ചേർത്ത് ഇളക്കി ചിക്കൻ മൊരിഞ്ഞു വന്നാൽ അല്പം വെള്ളം ചേർത്ത് തിളപ്പിച്ച് കപ്പ ബോൾ ചേർത്ത് അഞ്ചു മിനിറ്റ് ചെറിയ തീയിൽ വേവിച്ചു കപ്പ തകരാത്ത രീതിയിൽ ഇളക്കി വീണ്ടും രണ്ടു മൂന്ന് മിനിറ്റു അടച്ചു വച്ച്  മുട്ടയും മല്ലിയിലയും ചേർത്ത് കപ്പ തകരാത്ത രീതിയിൽ ഇളക്കി ഡ്രൈ ആക്കി എടുക്കുക.

ചിക്കൻ ഹോംഗ് കോങ്ങ് Chicken Hong Kong

ചിക്കൻ ഹോംഗ് കോങ്ങ്   Chicken Hong Kong

ആവശ്യമുള്ള സാധനങ്ങൾ 

ചിക്കൻ 400 ഗ്രാം ചെറുതാക്കി നുറുക്കിയത് 

പേപ്പർ പൌഡർ ഒരു ടീസ്പൂൺ 

മുട്ട ഒരെണ്ണം ചെറുത് 

കോൺ ഫ്ലോർ മൂന്നോ നാലോ ടേബിൾസ്പൂൺ 

റെഡ് ചില്ലി മൂന്നെണ്ണം 

ഇഞ്ചി ഒരു ചെറിയ കഷ്ണം നീളത്തിൽ അരിഞ്ഞത്

വെളുത്തുള്ളി അഞ്ചു വലിയ അല്ലി നീളത്തിൽ അരിഞ്ഞത്

സവാള ഒരെണ്ണം വലുത് ചതുരത്തിൽ അരിഞ്ഞത് 

കാപ്സികം ഒരെണ്ണത്തിനെ പകുതി ചതുരത്തിൽ അരിഞ്ഞത് 

സോയ സോസ് , ചില്ലി സോസ്  ഒരു ടേബിൾസ്പൂൺ 

ചില്ലി പേസ്റ്റ് ഒന്ന് മുതൽ ഒന്നര ടേബിൾസ്പൂൺ വരെ 

ഷുഗർ , വിനിഗർ ഒരു ടീസ്പൂൺ 

ചിക്കൻ സ്റ്റോക്ക് / ക്യൂബ് ഗ്രേവിക് ആവശ്യമായത് 

ഉപ്പു ആവശ്യത്തിന് 

ഓയിൽ വറുക്കുവാൻ ആവശ്യമായത് 

സ്പ്രിങ് ഒണിയൻ ഒന്ന് 

തയ്യാറാകുന്ന വിധം 

ചില്ലി പേസ്റ്റ് :- 

ചില്ലി ഒന്ന് രണ്ടു മണിക്കൂർ വെള്ളത്തിൽ കുതർത്തി മിക്സിയിൽ കുറച്ചു വെള്ളം ചേർത്ത് പേസ്റ്റ് രൂപത്തിൽ അരച്ചെടുക്കുക.

ചിക്കൻ  പേപ്പർ പൌഡർ , മുട്ട , കോൺ ഫ്ലോർ ചേർത്ത് നന്നായി അരമണിക്കൂർ  മാരിനേറ്റു ചെയ്തു ഓയിലിൽ ഡീപ് ഫ്രൈ ചെയ്തെടുക്കുക. 

പാനിൽ എണ്ണ ചൂടാക്കി റെഡ് ചില്ലി, ഇഞ്ചി , വെളുത്തുള്ളി ചേർത്ത് സോർട് ചെയ്ത് സവാള , കാപ്സികം ചേർത്ത് വീണ്ടും സോർട് ചെയ്ത് സോയ സോസ് , ചില്ലി സോസ്  , ചില്ലി പേസ്റ്റ് ചേർത്ത് ഹൈ ഫ്ളൈമിൽ വീണ്ടും സോർട് ചെയ്ത് പച്ചമണം മാറിയാൽ  അൽപ്പം ചിക്കൻ സ്റ്റോക്ക്  മാറ്റി വെച്ച് ബാക്കി ചിക്കൻ സ്റ്റോക്ക്  ചേർത്ത് ഇളക്കി ഷുഗർ , വിനിഗർ , ചിക്കൻ,ഉപ്പു ആവശ്യത്തിന് ചേർത്ത് നന്നായി യോജിപ്പിച്ചു തിളച്ചു വന്നാൽ മാറ്റി വെച്ച സ്റ്റോക്കിൽ കോൺ ഫ്ലോർ കലക്കി ഒഴിച്ച് തിളച്ചാൽ ഒന്ന് കുറുകി വന്നാൽ തീ ഓഫ് ചെയ്യുക,മുകളിൽ സ്പ്രിങ് ഒണിയൻ വിതറി കൊടുക്കുക. 

ചിക്കൻ ഷവർമ Chicken Hawarma

ചിക്കൻ ഷവർമ  Chicken Hawarma

ആവശ്യമുള്ള സാധനങ്ങൾ 

ചിക്കൻ ബ്രെസ്റ് രണ്ടു ചിക്കൻറെ 

തൈര് നാലു ടേബിൾസ്പൂൺ 

മുളകുപൊടി രണ്ടു ടീസ്പൂൺ 

നല്ല ജീരക പൊടി അര ടീസ്പൂൺ 

ഗരം മസാല ഒരു ടീസ്പൂൺ 

പട്ട ഒരു ചെറിയ കഷ്ണം 

ഗ്രാമ്പൂ രണ്ടെണ്ണം 

ഏലക്ക മൂന്നെണ്ണം 

നട്ടമഗ് പൌഡർ അര ടീസ്പൂൺ 

ഉപ്പ് ആവശ്യത്തിന് 

ഓയിൽ രണ്ടു ടേബിൾസ്പൂൺ 

ലെമൺ ഒരെണ്ണം (ചെറുനാരങ്ങ അല്ല )

കുക്കുമ്പർ ഒരെണ്ണം അരിഞ്ഞത്

ക്യാബേജ് ഒരു കഷ്ണം അരിഞ്ഞത്

ലെറ്റൂസ് അര കപ്പ് അരിഞ്ഞത്

തഹിനി സോസ് 

കുബൂസ്  ആറെണ്ണം 

തൈര് നാലു ടേബിൾസ്പൂൺ 

മയോനൈസ് രണ്ടു ടേബിൾസ്പൂൺ 

തയ്യാറാക്കുന്ന വിധം 

തൈര് നാലു ടേബിൾസ്പൂൺ മയോനൈസ് ആവശ്യത്തിന് ഉപ്പ് ചേർത്ത് മിക്സ് ചെയ്തു വക്കുക.

ഒരു ബൗളിൽ  തൈര് ,മുളകുപൊടി ,നല്ല ജീരക പൊടി ,ഗരം മസാല ഒരു ,പട്ട ,ഗ്രാമ്പൂ ,ഏലക്ക ,നട്ടമഗ് പൌഡർ ,ഉപ്പ് ആവശ്യത്തിന് ,പകുതി നാരങ്ങയുടെ നീര് ബാക്കി പകുതി വട്ടത്തിൽ ചെറിയ കഷ്ണങ്ങളാക്കി നുറുക്കി ചേർക്കുക  നന്നായി മിക്സ് ചെയ്തു ചിക്കൻ അധികം ചെറിയ കഷ്ണങ്ങളാകാതെ നുറുക്കി ചേർത്ത് നന്നായി ഇളക്കി മാരിനേറ്റു ചെയ്തു അര മണിക്കൂറിനു ശേഷം പാനിൽ നന്നായി ഡ്രൈ ഫ്രൈ ചെയ്തെടുത്തു സ്ക്യുവരിൽ കുത്തി ഗ്യാസ് ടോപ്പിൽ ചുടുക ചുട്ട ഭാഗം (നിറം മാറിയ) മുറിച്ചു മാറ്റുക അങ്ങനെ ഷവർമ ചുടുന്നപോലെ ചെറിയ കഷ്ണങ്ങളാക്കി എല്ലാം ചുട്ടെടുത്തു നന്നായി  ചോപ് ചെയ്തെടുക്കുക ഇതിലേക്ക് കുക്കുമ്പർ , ക്യാബേജ് ,ലെറ്റൂസ്  ചേർത്ത് മിക്സ് ചെയ്തു യോജിപ്പിക്കുക.

കുബൂസ്  നടുപൊളിച്ചു തഹിനി സോസ് പുരട്ടി ചിക്കൻറെ മിക്സ് വച്ച് മുകളിൽ തൈര് മിക്സ് ഒഴിച്ച് റോൾ ചെയ്തെടുക്കുക.

https://ponnunteadukkala.blogspot.com/2018/04/thahini-sauce.html
https://ponnunteadukkala.blogspot.com/2018/10/kuboos.html

തന്തൂരി ചിക്കൻ Tandoori Chicken

തന്തൂരി ചിക്കൻ  Tandoori Chicken

ആവശ്യമുള്ള സാധനങ്ങൾ 

ചിക്കൻ ഒരെണ്ണം വലുതാക്കി നുറുക്കിയത് 

ഇഞ്ചി ഒരു കഷ്ണം 

വെളുത്തുള്ളി എട്ടു വലിയ അല്ലി 

തൈര് നാലു ടേബിൾസ്പൂൺ 

മഞ്ഞൾ പൊടി അര ടീസ്പൂൺ 

മുളകുപൊടി രണ്ടു ടേബിൾസ്പൂൺ 

ഉപ്പ് ആവശ്യത്തിന് 

ബട്ടർ നാലു ടേബിൾസ്പൂൺ 

ഓയിൽ നാലു ടേബിൾസ്പൂൺ 

ചാർക്കോൾ ഒരെണ്ണം 

തയ്യാറാക്കുന്ന വിധം 

ഒരു ബൗളിൽ പേസ്റ്റു രൂപത്തിലാക്കി  ഇഞ്ചി , വെളുത്തുള്ളി ചേർത്ത് അതിലേക്കു തൈര് , മഞ്ഞൾ പൊടി , മുളകുപൊടി , ഉപ്പ് ചേർത്ത് നന്നായി മിക്സ് ചെയ്തതിനു ശേഷം ചിക്കൻ മസാല പിടിക്കാനായി നന്നായി വരഞ്ഞു മാരിനേറ്റു ചെയ്തു  ഒരു മണിക്കൂർ ഫ്രിഡ്ജിൽ വച്ച് പാൻ ചൂടാക്കി ബട്ടർ ഒരു ടേബിൾസ്പൂൺ ഓയിൽ രണ്ടു ടേബിൾസ്പൂൺ ചേർത്ത് ചിക്കനെ ചെറിയ തീയിൽ ഗ്രിൽ ചെയ്തെടുക്കുക.

വറുത്തെടുത്ത ചിക്കൻ ഒരു അടപ്പുള്ള ബൗളിൽ ഇട്ടു ബൗളിന്റെ നടുഭാഗത്തായി നന്നായി കനലാക്കിയ ചാർക്കോളിന്റെ മുകളിൽ ഒരു  ടീസ്പൂൺ ഓയിൽ ഒഴിച്ച് നല്ല ടൈറ്റ് ആക്കി അടച്ചു വക്കുക അപ്പോൾ ചിക്കൻ സ്‌മോക്ക് ചെയ്ത ഫീൽ കിട്ടും.

സെഷ്വാൻ നൂഡിൽസ് Schezwan noodles

സെഷ്വാൻ നൂഡിൽസ്  Schezwan noodles

ആവശ്യമുള്ള സാധനങ്ങൾ 

നൂഡിൽസ് ചെറുത് രണ്ടു പാക്കറ്റ് 

നൂഡിൽസ് പാക്കറ്റിൽ വരുന്ന സീസണിങ് രണ്ടു പാക്കറ്റ് 

കാരറ്റ് ഒരെണ്ണം , കാപ്സികം ഒരെണ്ണത്തിനെ പകുതി , സവാള ഒരെണ്ണം വലുത് , പച്ചമുളക് മൂന്നെണ്ണം , വെളുത്തുള്ളി നാലു അല്ലി വലുത്  നീളത്തിൽ അരിഞ്ഞത്

ക്യാബേജ് , ബീൻസ് ഒരു കപ്പ് നീളത്തിൽ അരിഞ്ഞത്

മല്ലിയില മൂന്ന് തണ്ടു ചെറുതായി അരിഞ്ഞത്

സെഷ്വാൻ സോസ് ഒരു ടേബിൾ സ്പൂൺ 

ഉപ്പ് ആവിശ്യത്തിന് 

ഓയിൽ ആവിശ്യത്തിന്

ചിക്കൻ സോസേജ് 6  എണ്ണം നീളത്തിൽ കനം കുറച്ചു അരിഞ്ഞത്  അല്ലെങ്കിൽ 3 എഗ്ഗ്  സ്ക്രമ്പിൽ ചെയ്തത്/ചിക്കൻ ഫ്രൈ ചെയ്തത്. 

മുളകുപൊടി ഒന്നര ടീസ്പൂൺ 

മല്ലി പൊടി ഒരു ടീസ്പൂൺ 

മഞ്ഞപ്പൊടി കാൽ ടീസ്പൂൺ 

തയ്യാറാകുന്ന വിധം 

മുളകുപൊടി , മല്ലി പൊടി ,  മഞ്ഞപ്പൊടി അല്പം ഉപ്പ് ചേർത്ത് സോസേജ് മാരിനേറ്റു ചെയ്തു അര മണിക്കൂർ വച്ച് ഓയിലിൽ ഒന്ന് ശാലോ ഫ്രൈ ചെയ്തെടുക്കുക.

തിളച്ച വെള്ളത്തിൽ ചേർത്ത നൂഡിൽസ് വെന്തു വരുമ്പോൾ അല്പം വെള്ളം ഒഴിച്ച് ഊറ്റിയെടുത്തു അൽപ്പം ഓയിൽ ചേർത്ത് മിക്സ് ചെയ്തു മാറ്റിവെക്കുക.

പാനിൽ എണ്ണ ചൂടായി വെളുത്തുള്ളി ചേർത്ത് നിറം മാറിയാൽ സവാള ചേർത്ത് വഴണ്ട് വന്നാൽ എല്ലാ വെജിറ്റബിൾസ് ചേർത്ത് ഹൈ ഫ്ളൈമിൽ നന്നായി വഴറ്റി സോഫ്റ്റ് ആകാതെ പച്ചമണം മാറിത്തുടങ്ങുമ്പോൾ ഉപ്പും സെഷ്വാൻ സോസും ചേർത്ത് നന്നായി മിക്സ് ചെയ്തു സോസിന്റെ പച്ചമണം മാറിയാൽ നൂഡിൽസ് സീസണിങ് ചേർത്ത് മിക്സ് ചെയ്തു സോസേജ്, നൂഡിൽസ് ചേർത്ത് വഴറ്റി അവസാനം മല്ലിയിലയും ചേർത്ത് ഉപയോഗിക്കുക .

http://ponnunteadukkala.blogspot.ae/2017/11/szechuan-sauce_43.html

ചിക്കൻ ദം ബിരിയാണി Chicken Dum Biriyani

ചിക്കൻ ദം ബിരിയാണി  Chicken Dum Biriyani

ആവശ്യമുള്ള സാധനങ്ങൾ 

ചിക്കൻ ഒരു കിലോ  

ബസുമതി റൈസ് മൂന്ന് ഗ്ലാസ് 

പട്ട ഒരു വലിയ കഷ്ണം 

തക്കോലം നാലെണ്ണം  

ഏലക്കായ ,ഗ്രാമ്പൂ  ഏഴെണ്ണം  

വാഴനയില രണ്ടെണ്ണം 

സവാള 6  എണ്ണം നീളത്തിൽ അരിഞ്ഞത് 

സവാള രണ്ടെണ്ണം കനം കുറച്ചു നീളത്തിൽ അരിഞ്ഞു വറുത്തു കോരിയത്

തക്കാളി രണ്ടെണ്ണം നീളത്തിൽ  അരിഞ്ഞത്

ഇഞ്ചി , വെളുത്തുള്ളി ഒരു ടേബിൾസ്പൂൺ 

പച്ചമുളക് ആറെണ്ണം ചതച്ചത് 

നെയ്യ് നാല് ടേബിൾസ്പൂൺ 

മല്ലിയില , പുതിനയില അരിഞ്ഞത് ഒരു കപ്പ് 

നല്ല ജീരകം , പെരും ജീരകം , കുരുമുളക് , മഞ്ഞൾ പൊടി ഒരു ടീസ്പൂൺ 

ഗരം മസാല ഒരു  ടീസ്പൂൺ   

മുളകുപൊടി ഒന്നുമുതൽ  ഒന്നര ടേബിൾസ്പൂൺ 

മല്ലിപൊടി രണ്ടു  ടേബിൾസ്പൂൺ 

തൈര് നാലു ടേബിൾസ്പൂൺ 

വെളിച്ചെണ്ണ ,ഉപ്പ് ,അണ്ടിപ്പരിപ്പ് മുന്തിരി  ആവശ്യത്തിന് 

റോസ് വാട്ടർ ഒരു ടേബിൾസ്പൂൺ 

തയ്യാറാകുന്ന വിധം

അരി എണ്ണ ഒഴിച്ച് വറുത്തു മാറ്റി വക്കുക.

വെള്ളം തിളച്ചാൽ  പട്ട ഒരു  കഷ്ണം , തക്കോലം  രണ്ടു ,നാലു ഏലക്കായ ,നാലു  ഗ്രാമ്പൂ  , ഒരു വാഴനയില ഒരെണ്ണം ,  കുരുമുളക്  , നല്ല ജീരകം അര ടീസ്പൂൺ , ഉപ്പ് ആവശ്യത്തിന്  ചേർത്ത് നല്ലവണ്ണം തിളച്ചാൽ  വറുത്ത വച്ച അരി ചേർത്ത്  വെന്തു വന്നാൽ ഊറ്റി മാറ്റി വക്കുക.

പാനിൽ എണ്ണ ചൂടാക്കി അണ്ടിപ്പരിപ്പ് മുന്തിരി വറുത്തു കോരി വക്കുക.

അതേ പാനിൽ പട്ട , തക്കോലം , ഏലക്കായ ,ഗ്രാമ്പൂ  , വാഴനയില , നല്ല ജീരകം , പെരും ജീരകം  എന്നിവ ചേർത്ത് ഒന്ന് വഴറ്റി സവാള  ചെറുതായി അരിഞ്ഞത് ചേർത്ത് നന്നായി വഴണ്ട് വരുമ്പോൾ ഇഞ്ചി , വെളുത്തുള്ളി , പച്ചമുളക് ചേർത്ത് പച്ചമണം മാറിയാൽ തക്കാളി ചേർത്ത് ഉടഞ്ഞു ചേർന്നാൽ  എല്ലാ പൊടികളും , ഗരം മസാല അര ടീസ്പൂൺ ചേർത്ത് വഴറ്റി പച്ചമണം മാറിയാൽ  ചിക്കൻ , അല്പം  മല്ലിയില , പുതിനയില , ഉപ്പ് ആവശ്യത്തിന്  ചേർത്ത്  വെള്ളം ഒഴിയാതെ ചെറിയ തീയിൽ മൂടിവച്ചു ചിക്കൻ മുക്കാൽ  വെന്താൽ തൈര് ചേർത്ത് നല്ലവണ്ണം മിക്സ് ആക്കി ചെറിയ തീയിൽ മൂടിവച്ചു നല്ലവണ്ണം വേവിച്ചെടുക്കുക

ഒരു പാത്രം അടുപ്പത്തു വച്ച് ചിക്കൻ ഇടുക  അതിനുമുകളിൽ പാകം ചെയ്ത അരി ഇടുക അതിനുമുകളിൽ നെയ്യൊഴിച്ചതിനു ശേഷം മുകളിൽ അല്പം ഗരം മസാല വിതറി , മല്ലിയില പുതിന വിതറി ശേഷം വറുത്തു കോരി വച്ച സവാള അണ്ടിപ്പരിപ്പ് മുന്തിരി വിതറി റോസ് വാട്ടർ ചേർത്ത് അലുമിനിയം ഫോയിൽ ഉപയോഗിച്ച് നന്നായി കവർ ചെയ്യുക ആവി പുറത്ത് പോകാത്ത വിധം  5  മിനിറ്റു സിമ്മിൽ വെച്ച് തീ ഓഫ് ചെയ്തു അരമരിക്കൂറിനു ശേഷം വിളമ്പാവുന്നതാണ്.

ചിക്കൻ മിൻസ് ബിരിയാണി Chicken Mince Biriyani

ചിക്കൻ മിൻസ് ബിരിയാണി  Chicken Mince Biriyani 

ആവശ്യമുള്ള സാധനങ്ങൾ 

ചിക്കൻ മിൻസ്  400 ഗ്രാം 

ബസുമതി റൈസ് രണ്ടു കപ്പ് 

പട്ട രണ്ടു കഷ്ണം 

തക്കോലം മൂന്നെണ്ണം 

ഏലക്കായ ,ഗ്രാമ്പൂ  ആറെണ്ണം 

വാഴനയില രണ്ടെണ്ണം 

നല്ല ജീരകം , പേരും ജീരകം അര ടീസ്പൂൺ 

സവാള 3 എണ്ണം ചെറുതായി അരിഞ്ഞത് 

സവാള 4 എണ്ണം കനം കുറച്ചു നീളത്തിൽ അരിഞ്ഞു വറുത്തു കോരിയത്

തക്കാളി രണ്ടെണ്ണം നീളത്തിൽ  അരിഞ്ഞത്

ഇഞ്ചി ഒരു കഷ്ണം 

വെളുത്തുള്ളിൽ ആറു അല്ലി 

പച്ചമുളക് അഞ്ചു എണ്ണം 

നെയ്യ് നാല് ടേബിൾസ്പൂൺ 

മല്ലിയില , പുതിനയില അരിഞ്ഞത് ഒരു കപ്പ് 

മഞ്ഞൾ പൊടി അര ,ഗരം മസാല ഒന്ന് ,നല്ല ജീരകം പൊടി ഒന്ന്  , മുളകുപൊടി ഒന്നര , മല്ലിപൊടി രണ്ടു ടീസ്പൂൺ 

കുരുമുളക് അര ടീസ്പൂൺ  

തൈര് 3 ടേബിൾസ്പൂൺ 

വെളിച്ചെണ്ണ ,ഉപ്പ് ,അണ്ടിപ്പരിപ്പ് മുന്തിരി  ആവശ്യത്തിന് 

തയ്യാറാകുന്ന വിധം

അരി എണ്ണ ഒഴിച്ച് വറുത്തു മാറ്റി വക്കുക.

വെള്ളം തിളച്ചാൽ  പട്ട ഒരു  കഷ്ണം , തക്കോലം  രണ്ടു ,മൂന്ന് ഏലക്കായ ,മൂന്നു  ഗ്രാമ്പൂ  , ഒരു വാഴനയില ഒരെണ്ണം , നല്ല ജീരകം കാൽ   ടീസ്പൂൺ , കുരുമുളക്  , ഉപ്പ് ആവശ്യത്തിന്  ചേർത്ത് നല്ലവണ്ണം തിളച്ചാൽ  വറുത്ത വച്ച അരി ചേർത്ത്  വെന്തു വന്നാൽ ഊറ്റി മാറ്റി വക്കുക.

പാനിൽ എണ്ണ ചൂടാക്കി അണ്ടിപ്പരിപ്പ് മുന്തിരി വറുത്തു കോരി വക്കുക.

അതേ പാനിൽ പട്ട , തക്കോലം , ഏലക്കായ ,ഗ്രാമ്പൂ  , വാഴനയില , നല്ല ജീരകം , പേരും ജീരകം  എന്നിവ ചേർത്ത് ഒന്ന് വഴറ്റി സവാള  ചെറുതായി അരിഞ്ഞത് ചേർത്ത് നന്നായി വഴണ്ട് വരുമ്പോൾ ഇഞ്ചി , വെളുത്തുള്ളിൽ , പച്ചമുളക് പേസ്റ്റു ചേർത്ത് പച്ചമണം മാറിയാൽ എല്ലാ പൊടികളും , ഗരം മസാല അര ടീസ്പൂൺ ചേർത്ത് വഴറ്റി പച്ചമണം മാറിയാൽ തക്കാളി ചേർത്ത് ഉടഞ്ഞു ചേർന്നാൽ ചിക്കൻ , അല്പം  മല്ലിയില , പുതിനയില , ഉപ്പ് ആവശ്യത്തിന്  ചേർത്ത്  വെള്ളം ഒഴിയാതെ ചെറിയ തീയിൽ മൂടിവച്ചു വേവിച്ചെടുക്കുക.ചിക്കൻ വെന്താൽ തൈര് ചേർത്ത് നല്ലവണ്ണം മിക്സ് ആക്കി  മുകളിൽ  അരിചേർത്തു നന്നായി അമർത്തി കൊടുക്കുക അതിനുമുകളിൽ നെയ്യൊഴിച്ചതിനു ശേഷം മല്ലിയില പുതിന വിതറി ഇടുക ശേഷം വറുത്തു കോരി വച്ച സവാള അണ്ടിപ്പരിപ്പ് മുന്തിരി വിതറി കൊടുത്തതിനു മുകളിൽ അല്പം ഗരം മസാല വിതറിയതിനു ശേഷം 7 മിനിറ്റു ചെറുതീയിൽ അടച്ചു വച്ച് ആവി കേറ്റിയെടുക്കുക.

വെർമിസെല്ലി (സേമിയ) പുലാവ് Vermielli (Semiya) Pulav

വെർമിസെല്ലി (സേമിയ) പുലാവ്  Vermielli (Semiya) Pulav

ആവശ്യമുള്ള സാധനങ്ങൾ 

വെർമിസെല്ലി  200 ഗ്രാം

ചിക്കൻ 200 ഗ്രാം

സവാള ഒരെണ്ണം ,ഇഞ്ചി ഒരുകഷ്ണം , വെളുത്തുള്ളി മൂന്ന് വലിയ അല്ലി  ചെറുതായി അരിഞ്ഞത് 

പച്ചമുളക് നാലെണ്ണം നെടുകെ കീറിയത് 

പട്ട ഒരു കഷ്ണം 

ഏലക്ക , കരയാമ്പൂ മൂന്നെണ്ണം 

തക്കോലം ,വാഴനയില ഒരെണ്ണം 

നല്ല ജീരകം , പെരും ജീരകം അര ടീസ്പൂൺ 

തൈര് രണ്ടു ടേബിൾസ്പൂൺ 

മുളകുപൊടി രണ്ടു ടീസ്പൂൺ 

മഞ്ഞൾ പൊടി അര ടീസ്പൂൺ 

മല്ലിപൊടി ,ഗരം മസാല ,ചിക്കൻ മസാല  ഒരു ടീസ്പൂൺ 

ചെറുനാരങ്ങാ ഒരു നാരങ്ങയുടെ പകുതി 

നെയ്യ് ,ഓയിൽ  5 ടേബിൾസ്പൂൺ 

പുതിന ,മല്ലിയില അരിഞ്ഞത് കാൽ കപ്പ്.

മുട്ട രണ്ടെണ്ണം 

അണ്ടി പരിപ്പ് മുന്തിരി , ഉപ്പ് ആവിശ്യത്തിനനുസരണം.

തയ്യാറാകുന്ന വിധം

ചിക്കൻ മുളകുപൊടി ഒരു  ടീസ്പൂൺ ,മഞ്ഞൾ പൊടി കാൽ  ടീസ്പൂൺ ,ഗരം മസാല അര ടീസ്പൂൺ ,ചിക്കൻ മസാല ,ഉപ്പ് ആവിശ്യത്തിനനുസരണം  ചേർത്ത് മാറിനേറ്റ് ചെയ്തു വക്കുക.

പാനിൽ രണ്ടു ടേബിൾ സ്പൂൺ നെയ്യ് ഒഴിച്ച് അണ്ടി പരിപ്പ് മുന്തിരി വറുത്തു കോരി മാറ്റുക.

അതെ പാനിൽ  വെർമിസെല്ലി ഇട്ടു ഒന്ന് വറുത്തെടുത്തു നിറം മാറിയാൽ തിളച്ച വെള്ളം ഒഴിച്ച് തീ സിമ്മിൽ അടച്ചു വച്ച് രണ്ടു മിനിറ്റ് വേവിച്ചെടുത്തു ഉപ്പിട്ട് തീ ഓഫ് ആക്കി നിറയെ വെള്ളം ഒഴിച്ച് ഇതിനെ ഊറ്റി എടുത്തു അല്പം ഓയിൽ ഒഴിച്ച് ഒന്ന് മിക്സ് ചെയ്തു വക്കുക.

പാനിൽ അല്പം എണ്ണ ചൂടാക്കി മുട്ട സ്‌കറാമ്പിൽ ചെയ്തെടുക്കുക.വീണ്ടും കുറച്ചു എണ്ണ ഒഴിച്ച് ചിക്കൻ വറുത്തെടുത്തു ചെറുതാക്കി കട്ട് ചെയ്തു വക്കുക.

ഒരു ബൗളിൽ തൈര്  , മുളകുപൊടി , മഞ്ഞൾ പൊടി , മല്ലിപൊടി ,ഗരം മസാല , നാരങ്ങാ നീര് ചേർത്ത് കുഴമ്പു രൂപത്തിലാക്കി വക്കുക.

ബാക്കിയുള്ള നെയ്യ് ചൂടായ പാനിൽ ഒഴിച്ച് പട്ട , ഏലക്ക , കരയാമ്പൂ , തക്കോലം ,വാഴനയില , നല്ല ജീരകം , പെരും ജീരകം ചേർത്ത് വഴറ്റി സവാള  ,ഇഞ്ചി  , വെളുത്തുള്ളി , പച്ചമുളക് ചേർത്ത് വഴറ്റി  തൈരിന്റെ മിക്സ് ഒഴിച്ച് ഇളക്കി ചിക്കൻ ചേർത്ത് വീണ്ടും ഇളക്കി പുതിന ,മല്ലിയില ചേർത്ത് നന്നായി യോജിപ്പിച്ചു ചെറിയതീയിൽ അടച്ചു വച്ച്  2 - 3 മിനിറ്റു വേവിച്ചു തുറന്നു ചിക്കൻ മസാല ചേർത്ത് ഇളക്കിയതിനു ശേഷം സ്‌കറാമ്പിൽ ചെയ്തു വച്ച മുട്ട ചേർത്ത് ഇളക്കി വെർമിസെല്ലി ചേർത്ത് നന്നായി യോജിപ്പിച്ചു മുകളിൽ അല്പം ഗരം മസാല വിതറി ശേഷം അണ്ടി പരിപ്പ് മുന്തിരി വിതറി അടച്ചു വച്ച് ചെറിയ തീയിൽ 2 - 3 മിനിറ്റു വേവിക്കുക. 

ചിക്കൻ സ്ട്രിപ്സ് Chicken Strips

 ചിക്കൻ സ്ട്രിപ്സ് Chicken Strips 

ആവശ്യമുള്ള സാധനങ്ങൾ 

ചിക്കൻ എല്ലില്ലാത്തത് 300 ഗ്രാം നീളത്തിൽ കട്ട് ചെയ്തത് 

ഇഞ്ചി വെളുത്തുള്ളി പേസ്റ്റ് അല്ലെങ്കിൽ പൌഡർ ഒരു ടേബിൾസ്പൂൺ

കുരുമുളക്  പൊടി അര ടീസ്പൂൺ 

മൈദ അര കപ്പ് 

മുട്ട ഒരെണ്ണം 

പാല് രണ്ടു ടേബിൾസ്പൂൺ 

കോൺ ഫ്ലെക്സ് 100 ഗ്രാം 

എണ്ണ വറുക്കുവാൻ ആവശ്യമായത്

ഉപ്പ് ആവശ്യത്തിന് 

തയ്യാറാകുന്ന വിധം 

ചിക്കൻ ,ഇഞ്ചി വെളുത്തുള്ളി പേസ്റ്റ് അല്ലെങ്കിൽ പൌഡർ ,കുരുമുളക്  പൊടി ഉപ്പും ചേർത്ത് അരമണിക്കൂർ വക്കുക.

മുട്ടയും പാലും അല്പം ഉപ്പ് ചേർത്ത് അടിച്ചു വക്കുക.

മൈദ അല്പം ഉപ്പ് ചേർത്ത് മിക്സ് ചെയ്ത് വക്കുക.

കോൺ ഫ്ലെക്സ് കൈ കൊണ്ട് നന്നായി പൊടിച്ചു വക്കുക.

മാരിനേറ്റു ചെയ്ത ചിക്കൻ മൈദയിൽ  മുക്കിയതിനു ശേഷം  മുട്ടയുടെ മിക്സിൽ മുക്കി വീടിനും മൈദയിൽ  മുക്കിയതിനു ശേഷം  കോൺ ഫ്ലെക്സിൽ മുക്കി എണ്ണയിൽ വറുത്തെടുക്കുക.