മുട്ട മുരിങ്ങയില തോരൻ Mutta Muringayila Thoran

മുട്ട മുരിങ്ങയില തോരൻ  Mutta Muringayila Thoran

ആവശ്യമുള്ള സാധനങ്ങൾ 

മുട്ട രണ്ടെണ്ണം 

മുരിങ്ങയില ഒരു പിടി 

സവാള , പച്ചമുളക്ക് രണ്ടെണ്ണം ചെറുതായി അരിഞ്ഞത്

മഞ്ഞൾ പൊടി കാൽ ടീസ്പൂൺ 

മുളകുപൊടി മല്ലിപൊടി അര ടീസ്പൂൺ 

ഗരം മസാല കാൽ ടീസ്പൂൺ 

ഉപ്പ് , ഓയിൽ ആവശ്യത്തിന് 

തയ്യാറാക്കുന്ന വിധം 

പാനിൽ എണ്ണ ചൂടാക്കി സവാള ചേർത്ത് വഴറ്റി സോഫ്റ്റ് ആയി വരുമ്പോൾ പൊടികളെല്ലാം ചേർത്ത് വഴറ്റി മുരിങ്ങയില ചേർത്ത് നന്നായി വഴറ്റിയെടുത്തു മുരിങ്ങയില ഒന്ന് വാടി വന്നാൽ മുട്ട വെട്ടിയൊഴിച്ചു ആവശ്യത്തിന് ഉപ്പു ചേർത്ത് മിക്സ് ചെയ്തു ഡ്രൈ ആക്കിയെടുക്കുക.

 

ചെമ്മീൻ തോരൻ Chemmeen Thoran

ചെമ്മീൻ തോരൻ   Chemmeen Thoran

ആവശ്യമുള്ള സാധനങ്ങൾ 

ചെമ്മീൻ 300 ഗ്രാം

കടുക് ഒരു ടീസ്പൂൺ 

വറ്റൽ മുളക് അഞ്ചെണ്ണം 

പച്ചമുളക് ആറെണ്ണം 

വെളുത്തുള്ളി അഞ്ചു വലിയ അല്ലി 

ചുവന്നുളി 12 എണ്ണം നീളത്തിൽ അരിഞ്ഞത്

ഇഞ്ചി ഒരു ചെറിയ കഷ്ണം 

കറിവേപ്പില ഒരു വലിയ തണ്ട്

മഞ്ഞൾ പൊടി അര , മുളകുപൊടി ഒന്ന് , കുരുമുളക് പൊടി അര ടീസ്പൂൺ 

തേങ്ങാ അരമുറിയുടെ പകുതി ചിരകിയത് 

പെരും ജീരകം ഒരു ടീസ്പൂൺ 

ഓയിൽ , ഉപ്പ് ആവശ്യത്തിന് 

തയ്യാറാകുന്ന വിധം 

തേങ്ങാ , പെരും ജീരകം, മൂന്ന് വറ്റൽ മുളക് ,നാലു പച്ചമുളക് , രണ്ടു വെളുത്തുള്ളി ചേർത്ത് ചതച്ചെടുക്കുക.

പാനിൽ എണ്ണ ചൂടാക്കി കടുക് പൊട്ടിച്ചു വറ്റൽ മുളക് , വേപ്പില ചേർത്ത് വഴറ്റി ചുവന്നുള്ളി , നീളത്തിൽ അരിഞ്ഞ വെളുത്തുള്ളി , ഇഞ്ചി , പച്ചമുളക് ചേർത്ത് നന്നായി വഴറ്റി മഞ്ഞൾപൊടി , മുളകുപൊടി ,ചെറുതായി അരിഞ്ഞ ചെമ്മീൻ , ആവശ്യത്തിന് ഉപ്പ് , വെള്ളം ചേർത്ത് അഞ്ചു മിനിട്ടു അടച്ചു വച്ച് വേവിച്ചു തുറന്നു ചതച്ചു വച്ച മിക്സ് ചേർത്ത് നന്നായി വഴറ്റി കുരുമുളകുപൊടി ചേർത്ത് യോജിപ്പിച്ചു ഡ്രൈ ആക്കിയെടുക്കുക.

അവിയൽ Aviyal

അവിയൽ Aviyal

ആവശ്യമുള്ള സാധനങ്ങൾ 

കാരറ്റ് ,പച്ച കായ ഒരെണ്ണം 

ചേന , മത്തങ്ങാ ,വെള്ളരിക്ക ഒരു കഷ്ണം 

പച്ച പയർ , ബീൻസ് അഞ്ചു എണ്ണം 

പച്ചമുളക് നാലെണ്ണം 

വേപ്പില രണ്ടു തണ്ട്

മഞ്ഞൾ പൊടി അര , നല്ല ജീരകം ഒരു ടീസ്പൂൺ 

തേങ്ങാ ചെറുത് അരമുറി 

ഉപ്പ് , ഓയിൽ ആവശ്യത്തിന് 

തൈര് മൂന്ന് ടേബിൾസ്പൂൺ 

തയ്യാറാക്കുന്ന വിധം 

പാനിൽ എന്ന ചൂടാക്കി ഒരേ നീളത്തിൽ അരിഞ്ഞ പച്ചക്കറികളെല്ലാം ,പച്ചമുളക്, മഞ്ഞൾ പൊടി ,ഉപ്പ്,   കുറച്ചു വേപ്പില ചേർത്ത് നല്ലപോലെ വഴറ്റി അടച്ചു വച്ച് ചെറിയ തീയിൽ വെള്ളമൊഴിക്കാതെ  വേവിച്ചു തൈര് നല്ലപോലെ അടിച്ചു ഒഴിച്ച് കൊടുത്തു മിക്സ് ചെയ്തു അഞ്ചു മിനിറ്റു വീണ്ടും അടച്ചു വേവിക്കുക.ഇതിലേക്ക് തേങ്ങയും നല്ല ജീരകം ചേർത്ത് ഒന്ന് മിക്സിയിൽ ചതച്ചെടുത്തു ചേർത്ത് നന്നായി മിക്സ് ചെയ്തു അഞ്ചു മിനിറ്റു വീണ്ടും അടച്ചു വേവിക്കുക തുറന്നു ഒന്നുകൂടി യോജിപ്പിച്ച ശേഷം മുകളിൽ വേപ്പില വിതറി പച്ച വെളിച്ചെണ്ണ ഒഴിച്ച് 5മിനിറ്റ് കൂടി അടച്ചു വെച്ച ശേഷം തീ ഓഫ്‌ ചെയ്യാവുന്നതാണ്. 

വെണ്ടക്ക മസാല Bhindi Masla

വെണ്ടക്ക മസാല  Bhindi Masla

ആവശ്യമുള്ള സാധനങ്ങൾ 

വെണ്ടക്ക 400 ഗ്രാം വട്ടത്തിൽ ചെറുതായി അരിഞ്ഞത് 

സവാള രണ്ടെണ്ണം വലുത് നീളത്തിൽ അരിഞ്ഞത്

തക്കാളി ഒരെണ്ണം നീളത്തിൽ അരിഞ്ഞത്

ഇഞ്ചി ഒരു ചെറിയ കഷ്ണം 

വെളുത്തുള്ളി നാലു അല്ലി 

ഉപ്പ് ആവശ്യത്തിന് 

ഓയിൽ നാലു ടേബിൾസ്പൂൺ 

മല്ലിയില കാൽ കപ്പ് ചെറുതായി അരിഞ്ഞത് 

മഞ്ഞൾ പൊടി അര ടീസ്പൂൺ 

മുളകുപൊടി ഒരു ടീസ്പൂൺ 

ഡ്രൈ മംഗോ പൌഡർ 

ഗരം മസാല കാൽ ടീസ്പൂൺ 

നല്ല ജീരകം അര ടീസ്പൂൺ 

തയ്യാറാക്കുന്ന വിധം 

പാനിൽ എണ്ണ ചൂടാക്കി നല്ലജീരകം ഇട്ടു പൊട്ടിയാൽ സവാള ചേർത്ത് വഴണ്ട് വന്നാൽ ഇഞ്ചി വെളുത്തുള്ളി പേസ്റ്റു ചേർത്ത് വഴറ്റി പച്ചമണം മാറിയാൽ തക്കാളി ചേർത്ത് നന്നായി വഴണ്ട് വന്നാൽ എല്ലാ പൊടികളും ചേർത്ത്  വഴറ്റി പച്ചമണം മാറിയാൽ വെണ്ടക്ക , ഉപ്പ് ആവശ്യത്തിന് ചേർത്ത് ഹൈ ഫ്ലെയ്മിൽ നന്നായി വഴറ്റി വെണ്ടക്ക വെന്തു മൃദുലമായാൽ മല്ലിയില വിതറി ഇളക്കി തീ ഓഫ് ചെയ്യുക. 

ഉരുളക്കിഴങ്ങു മെഴുക്കുപുരട്ടി Potato Mezhukupurati

ഉരുളക്കിഴങ്ങു മെഴുക്കുപുരട്ടി Potato Mezhukupurati

ആവശ്യമുള്ള സാധനങ്ങൾ 

ഉരുളകിഴങ്ങ് രണ്ടെണ്ണം ചെറുതാക്കി അരിഞ്ഞത്

കടുക് ഒരു ടീസ്പൂൺ 

മുളകുപൊടി ഒരു ടീസ്പൂൺ 

മല്ലി പൊടി കാൽ ടീസ്പൂൺ 

ഗരം മസാല കാൽ ടീസ്പൂൺ 

നല്ല ജീരകം കാൽ ടീസ്പൂൺ 

കറിവേപ്പില രണ്ടു തണ്ട്

ഉപ്പു ആവിശ്യത്തിന് 

വെളിച്ചെണ്ണ ആവിശ്യത്തിന് 

പാകം ചെയ്യുന്ന വിധം 

പാനിൽ എന്ന ചൂടായ ശേഷം കടുക്  ജീരകം ചേർത്ത് കടുക് പൊട്ടിക്കഴിഞ്ഞാൽ അതിൽ വേപ്പില 

ഉരുളകിഴങ്ങ് ചേർത്ത് ഒന്ന് വഴറ്റിയതിനു ശേഷം ഗരം മസാല മല്ലിപൊടി മുളകുപൊടി ചേർത്ത് മിക്സ് ആക്കി വെള്ളം ഒഴിക്കാതെ മൂടി വച്ച് വേവിച്ചെടുക്കുക.

ചേന മെഴുക്കുപുരട്ടി Chena (Yam) Mezhukupurati

ചേന മെഴുക്കുപുരട്ടി Chena (Yam) Mezhukupurati

ആവശ്യമുള്ള സാധനങ്ങൾ

ചേന ചെറുതായി അരിഞ്ഞത് ഒരു കപ്പ് 

സവാള ഒരെണ്ണം നീളത്തിൽ അരിഞ്ഞത് 

കറിവേപ്പില രണ്ടു തണ്ട്

ക്രഷ് ചില്ലി ഒരു ടേബിൾ സ്പൂൺ 

ഉപ്പു ആവിശ്യത്തിന് 

മഞ്ഞൾപൊടി കാൽ ടീസ്പൂൺ 

എണ്ണ ആവിശ്യത്തിന് 

പാകം ചെയ്യുന്ന വിധം 

ചേന മഞ്ഞൾപൊടി ഉപ്പ് ആവശ്യത്തിന് വെള്ളവും ചേർത്ത് മുക്കാൽ വേവിൽ വേവിച്ചെടുക്കുക.

പാനിൽ എണ്ണ ഒഴിച്ച് ചൂടാക്കി സവാള വേപ്പില നിറം മാറുന്നതുവരെ വഴറ്റി എടുക്കുക ശേഷം ക്രഷ് ചില്ലി ചേർത്ത് വഴറ്റി വേവിച്ച ചേനയും ചേർത്ത് ഒന്ന് മൊരിച്ചെടുക്കുക . 

കൊത്തമര ഉണക്കപയർ തോരൻ Kothamara Unaka payr Thoran

കൊത്തമര ഉണക്കപയർ തോരൻ  Kothamara Unaka payr Thoran 

ആവശ്യമുള്ള സാധനങ്ങൾ

കൊത്തമര കനം കുറച്ചരിഞ്ഞത്   അരക്കപ്പ്
ഉണക്ക പയർ                                                  അര കപ്പ്
തേങ്ങ                                                               കാൽ കപ്പ്
ചുവന്നുള്ളി                                             3 എണ്ണം
വെളുത്തുള്ളി                                    5 എണ്ണം
വേപ്പില                                               രണ്ട് തണ്ട്
മുളക് പൊടി                               ഒരു ടി സ്പൂൺ
ഉപ്പ് ആവശ്യത്തിന്
കടുക് ആവശ്യത്തിന്

പാചകം ചെയ്യുന്ന വിധം

കൊത്തമരയും പയറും വേവിച്ചെടുക്കുക. ഒരു പാത്രത്തിൽ എണ്ണ ചൂടാക്കി കടുക് പൊട്ടിച്ച് ചുവന്നുള്ളിയും വേപ്പിലയും ചേർത്ത് നന്നായി വഴറ്റിയെടുക്കുക. അതു ബ്രൗൺ നിറമാകുമ്പോൾ ഇതിലേക്ക് മുളകുപൊടി ചേർത്ത് നന്നായി യോജിപ്പിക്കുക. അതിലേക്ക് വേവിച്ചുവെച്ചിരിക്കുന്ന പയറും ചേർത്ത് നന്നായി ഇളക്കി എടുക്കുക. ആവശ്യത്തിന് ഉപ്പും ചേർത്ത്  അവസാനം ചിരകിയ തേങ്ങ ചേർത്തിളക്കി തീ ഓഫ് ചെയ്യുക