ചെമ്മീൻ തോരൻ Chemmeen Thoran

ചെമ്മീൻ തോരൻ   Chemmeen Thoran

ആവശ്യമുള്ള സാധനങ്ങൾ 

ചെമ്മീൻ 300 ഗ്രാം

കടുക് ഒരു ടീസ്പൂൺ 

വറ്റൽ മുളക് അഞ്ചെണ്ണം 

പച്ചമുളക് ആറെണ്ണം 

വെളുത്തുള്ളി അഞ്ചു വലിയ അല്ലി 

ചുവന്നുളി 12 എണ്ണം നീളത്തിൽ അരിഞ്ഞത്

ഇഞ്ചി ഒരു ചെറിയ കഷ്ണം 

കറിവേപ്പില ഒരു വലിയ തണ്ട്

മഞ്ഞൾ പൊടി അര , മുളകുപൊടി ഒന്ന് , കുരുമുളക് പൊടി അര ടീസ്പൂൺ 

തേങ്ങാ അരമുറിയുടെ പകുതി ചിരകിയത് 

പെരും ജീരകം ഒരു ടീസ്പൂൺ 

ഓയിൽ , ഉപ്പ് ആവശ്യത്തിന് 

തയ്യാറാകുന്ന വിധം 

തേങ്ങാ , പെരും ജീരകം, മൂന്ന് വറ്റൽ മുളക് ,നാലു പച്ചമുളക് , രണ്ടു വെളുത്തുള്ളി ചേർത്ത് ചതച്ചെടുക്കുക.

പാനിൽ എണ്ണ ചൂടാക്കി കടുക് പൊട്ടിച്ചു വറ്റൽ മുളക് , വേപ്പില ചേർത്ത് വഴറ്റി ചുവന്നുള്ളി , നീളത്തിൽ അരിഞ്ഞ വെളുത്തുള്ളി , ഇഞ്ചി , പച്ചമുളക് ചേർത്ത് നന്നായി വഴറ്റി മഞ്ഞൾപൊടി , മുളകുപൊടി ,ചെറുതായി അരിഞ്ഞ ചെമ്മീൻ , ആവശ്യത്തിന് ഉപ്പ് , വെള്ളം ചേർത്ത് അഞ്ചു മിനിട്ടു അടച്ചു വച്ച് വേവിച്ചു തുറന്നു ചതച്ചു വച്ച മിക്സ് ചേർത്ത് നന്നായി വഴറ്റി കുരുമുളകുപൊടി ചേർത്ത് യോജിപ്പിച്ചു ഡ്രൈ ആക്കിയെടുക്കുക.

ചെമ്മീൻ പുട്ട് Prawns Puttu

ചെമ്മീൻ പുട്ട്  Prawns Puttu

ആവശ്യമുള്ള സാധനങ്ങൾ 

അരിപൊടി അര കപ്പ്

നല്ല ജീരകം കാൽ ടീസ്പൂൺ 

ചുവന്നുള്ളി ഒരെണ്ണം വലുത് നീളത്തിൽ അരിഞ്ഞത്

ചെറിയ ചൂടുള്ള വെള്ളം 

ഉപ്പ് ആവശ്യത്തിന് 

അരമുറിയുടെ പകുതി ചിരകിയ തേങ്ങാ 

ചെമ്മീൻ മസാല ആവശ്യത്തിന് 

തയ്യാറാക്കുന്ന വിധം 

അരിപൊടിയിലേക്കു നല്ല ജീരകം ,ചുവന്നുള്ളി ,ഉപ്പ് ചേർത്ത് മിക്സ് ചെയ്തു ചെറിയ ചൂടുള്ള വെള്ളം ചേർത്ത് പുട്ടിന്റെ പാകത്തിന് മിക്സ് ചെയ്തു അല്പം തേങ്ങയും ചേർത്ത് വീണ്ടും മിക്സ് ചെയ്തു പുട്ടുണ്ടാക്കുന്ന കുറ്റിയിൽ അല്പം തേങ്ങാ ഇട്ടു മുകളിൽ മിക്സ് ചെയ്ത പൊടി ചേർത്ത് മുകളിൽ ചെമ്മീൻ മസാല ചേർത്ത് വീണ്ടും പൊടിയിട്ട് , തേങ്ങയിട്ടു സ്റ്റീം ചെയ്തെടുക്കുക.

https://ponnunteadukkala.blogspot.com/2018/05/chemmen-masala.html

ചെമ്മീൻ നൂൽ പുട്ട് Chemmeen Nool Puttu

ചെമ്മീൻ നൂൽ പുട്ട് Chemmeen Nool Puttu

ആവശ്യമുള്ള സാധനങ്ങൾ

അരിപൊടി ഒന്നേകാൽ കപ്പ് 

തേങ്ങാ അരമുറി ചിരകിയത് 

മുട്ട രണ്ടെണ്ണം 

ഉപ്പ് ആവശ്യത്തിന് 

ചെമ്മീൻ ഇടിച്ചത്

തയ്യാറാക്കുന്ന വിധം 

ഒരു കപ്പ് അരിപൊടി ഉപ്പ് ആവശ്യത്തിന്  ചേർത്തു നന്നായി മിക്സ് ചെയ്തു ഇതിലേക്ക് തിളച്ച വെള്ളം ഒഴിച്ച് നല്ല സോഫ്റ്റ് ആയുള്ള ഡോവ് തയ്യാറാക്കി ഇടിയപ്പത്തിന്റെ അച്ചു ഉപായയോഗിച്ചു ടേബിൾ ടോപ്പിൽ പൊടി വിതറി നീളത്തിൽ ചുറ്റിയെടുത്ത ശേഷം വീണ്ടും പൊടി വിതറി വീണ്ടും ചുറ്റി  ലയറുകളാക്കി എടുത്തതിനു ശേഷം കൈ കൊണ്ട് നന്നായി കുടഞ്ഞെടുത്തു മാറ്റി വക്കുക .

ചെമ്മീൻ ഇടിച്ചതിലേക്കു രണ്ടു മുട്ട സ്‌കറാമ്പിൽ ചെയ്തു യോജിപ്പിച്ചെടുക്കുക.

പുട്ട് തയ്യാറാക്കുന്ന കുറ്റിയിൽ കുറച്ചു തേങ്ങയിട്ടു കുടഞ്ഞെടുത്ത ഇടിയപ്പം ചേർത്ത് മുകളിൽ ചെമ്മീൻ മിക്സ് ചേർത്ത് വീണ്ടും ഇടിയപ്പം ചേർത്ത് അവസാനം തേങ്ങാ ചേർത്ത് സ്റ്റീo ചെയ്തെടുക്കുക

https://ponnunteadukkala.blogspot.com/2018/06/chemmeen-edichathu.html

ചെമ്മീൻ ഇടിച്ചത് Chemmeen Edichathu

ചെമ്മീൻ ഇടിച്ചത്  Chemmeen Edichathu

ആവശ്യമുള്ള സാധനങ്ങൾ 

ചെമ്മീൻ 500 ഗ്രാം

മുളകുപൊടി ഒന്ന് മുതൽ ഒന്നര ടേബിൾസ്പൂൺ 

മഞ്ഞൾ പൊടി അര ടീസ്പൂൺ 

മുഴുവൻ മല്ലി രണ്ടു ടേബിൾസ്പൂൺ വറുത്തു ക്രഷ് ചെയ്തത്

പെരുംജീരകം ഒരു ടീസ്പൂൺ  

ഇഞ്ചി ഒരു ചെറിയ കഷ്ണം 

വെളുത്തുള്ളി അഞ്ചു വലിയ അല്ലി 

ചുവന്നുള്ളി 25 - 30 എണ്ണം 

വേപ്പില രണ്ടു തണ്ട്

ഉപ്പ് , വെളിച്ചെണ്ണ ആവശ്യത്തിന് 

തയ്യാറാകുന്ന വിധം

കഴുകി വൃത്തിയാക്കിയെടുത്ത ചെമ്മീനിലേക്കു ഉപ്പ് , കാൽ ടീസ്പൂൺ മഞ്ഞൾ പൊടി , ഒരു ടേബിൾസ്പൂൺ  മുളകുപൊടി ,  ഒരു ടേബിൾസ്പൂൺ മല്ലി  ഇഞ്ചി പേസ്റ്റു ആക്കിയത് ചേർത്ത് അര മണിക്കൂർ മാരിനേറ്റു ചെയ്തു പാനിൽ അല്പം എണ്ണ ചൂടാക്കി ഒന്ന് ശാലോ ഫ്രൈ ചെയ്തെടുത്തു മാറ്റി വക്കുക.അതേ പാനിൽ അല്പം എണ്ണയൊഴിച്ചു പെരുംജീരകം ചേർത്ത് പൊട്ടിയാൽ നന്നായി ചതച്ച   വെളുത്തുള്ളി , ചുവന്നുള്ളി , വേപ്പില  ചേർത്ത്  ബ്രൗൺ നിറം ആകുമ്പോൾ ബാക്കിയുള്ള  മഞ്ഞൾ പൊടി , മുളകുപൊടി , മല്ലി ചേർത്ത് നന്നായി വഴറ്റി പച്ചമണം മാറിയാൽ ചതച്ചെടുത്ത ചെമ്മീൻ ആവശ്യത്തിന് ഉപ്പും ചേർത്ത് ഡ്രൈ ആക്കി എടുക്കുക.

കക്ക ഫ്രൈ Kakka Fry

കക്ക ഫ്രൈ  Kakka Fry

ആവശ്യമുള്ള സാധനങ്ങൾ 

കക്ക അര കിലോ 

സവാള ഒരെണ്ണം ചെറുതായി അരിഞ്ഞത്

പച്ചമുളക് ഏഴെണ്ണം ചെറുതായി അരിഞ്ഞത്

ഇഞ്ചി ഒരു വലിയ കഷ്ണം ചതച്ചത് 

വെളുത്തുള്ളി എട്ടല്ലി ചതച്ചത് 

വേപ്പില മൂന്ന് തണ്ട് 

മുളക് പൊടി ഒരു ടീസ്പൂൺ 

മല്ലിപൊടി ഒരു ടേബിൾസ്പൂൺ 

മഞ്ഞൾപൊടി അര ടീസ്പൂൺ 

വെളിച്ചെണ്ണ ആറു ടേബിൾസ്പൂൺ 

തേങ്ങാ ചിരകിയത് അരമുറിയുടെ കാൽ ഭാഗം 

ഉപ്പ് ആവശ്യത്തിന് 

തയ്യാറാക്കുന്ന വിധം 

നന്നായി കഴുകി വൃത്തിയാക്കിയ വെള്ളം വാർന്ന കക്ക പാനിലേക്കിട്ടു മൂന്ന് സ്പൂൺ വെളിച്ചെണ്ണ ബാക്കിയുള്ള എല്ലാ ചേരുവകളും ചേർത്ത് കൈ കൊണ്ട് നന്നായി ഞെരടി ചേർത്ത് മൂടി വച്ച് ചെറിയ തീയിൽ അഞ്ചു മിനിറ്റു വേവിച്ചു മൂടി തുറന്നു മീഡിയം ഫളൈമിൽ  നന്നായി ഫ്രൈ ചെയ്തെടുത്തു മൊരിഞ്ഞു വന്നാൽ ബാക്കിയുള്ള എണ്ണ ഒഴിച്ച് ഡ്രൈ ആക്കി എടുക്കുക

ചെമ്മീൻ മസാല Chemmen Masala

ചെമ്മീൻ മസാല  Chemmen Masala

ആവശ്യമുള്ള സാധനങ്ങൾ 

ചെമ്മീൻ അര കിലോ 

സവാള മൂന്നെണ്ണം ,തക്കാളി ഒരു വലുത് , പച്ചമുളക് മൂന്നെണ്ണം നീളത്തിൽ അരിഞ്ഞത്

ഇഞ്ചി ഒരു ചെറിയ കഷ്ണം ,വെളുത്തുള്ളി നാലു വലിയ അല്ലി  നീളത്തിൽ അരിഞ്ഞത്

കറിവേപ്പില മൂന്ന് തണ്ട്

മഞ്ഞൾ പൊടി അര ,മുളകുപൊടി ഒന്നര ,നല്ല ജീരക പൊടി അര ,കുരുമുളകുപൊടി മുക്കാൽ ടീസ്പൂൺ 

മല്ലിപൊടി ഒന്നര ടേബിൾസ്പൂൺ 

പട്ട ഒരു കഷ്ണം 

ഗ്രാമ്പൂ ,ഏലക്ക മൂന്നെണ്ണം 

തക്കോലം , വാഴനയില ഒരെണ്ണം 

പേരും ജീരകം മുക്കാൽ ടീസ്പൂൺ 

മല്ലിയില ഒരു പിടി ചെറുതായി അരിഞ്ഞത് 

ഉപ്പ് ആവശ്യത്തിന് 

എണ്ണ ആര് ടേബിൾസ്പൂൺ 

തേങ്ങാ രണ്ടു ടീസ്പൂൺ 

തയ്യാറാക്കുന്ന വിധം 

കഴുകിയ ചെമ്മീൻ മഞ്ഞൾ പൊടി , ഉപ്പ് ചേർത്ത് നന്നായി മാരിനേറ്റു ചെയ്തു രണ്ടു മണിക്കൂർ  ഫ്രിഡ്ജിൽ വക്കുക.

തേങ്ങാ അധികം വെള്ളമില്ലാതെ നല്ല പേസ്റ്റു രൂപത്തിൽ അരച്ചെടുക്കുക 

ചൂടായ പാനിൽ എണ്ണ ഒഴിച്ച് പട്ട ,ഗ്രാമ്പൂ ,ഏലക്ക ,തക്കോലം , വാഴനയില ,പേരും ജീരകം ചേർത്ത് വഴറ്റി സവാള ചേർത്ത് വഴറ്റി നിറം മാറുമ്പോൾ പച്ചമുളക് ,ഇഞ്ചി ,വെളുത്തുള്ളി കുറച്ചു കറിവേപ്പില ചേർത്ത് വഴറ്റി പച്ചമണം മാറിയാൽ എല്ലാ പൊടികളും ചേർത്ത് നന്നായി വഴറ്റി പച്ചമണം മാറിയാൽ തക്കാളി ചേർത്ത് വഴറ്റി ഉടഞ്ഞു കുഴഞ്ഞു വന്നാൽ അല്പം മല്ലിയില ,ഉപ്പ് ,ചെമ്മീൻ ചേർത്ത് നന്നായി ഇളക്കി മൂടി വച്ച് അഞ്ചു മിനിറ്റു സിമ്മിൽ വേവിച്ചു തുറന്ന് തേങ്ങയുടെ പേസ്റ്റു ചേർത്ത് നന്നായി ഇളക്കി ഹൈ ഫ്ളൈമിൽ പത്തു മിനിട്ടു നന്നായി വഴറ്റിയെടുത്തു തീ ഓഫ് ചെയ്തു മല്ലിയില വിതറി നന്നായി ഇളക്കി വിളമ്പുക.

ക്രാബ് റൈസ് Crab Rice

ക്രാബ് റൈസ്  Crab Rice 

ആവശ്യമുള്ള സാധനങ്ങൾ 

ഞണ്ട് അഞ്ചു എണ്ണം 

ബസുമതി റൈസ് ഒന്നര കപ്പ് 

സവാള നാലെണ്ണം വറുത്തെടുത്ത് 

ഡ്രൈ കോക്കനട്ട് മൂന്ന് ടേബിൾസ്പൂൺ വറുത്തെടുത്ത്

പുളി പിഴിഞ്ഞ വെള്ളം 2 - 3 ടേബിൾ സ്പൂൺ 

മുളകുപൊടി 2 ടേബിൾ സ്പൂൺ 

മല്ലിപൊടി ,ഗരം മസാല ഒരു  ടേബിൾസ്പൂൺ

നല്ല ജീരകം പൊടി ,മഞ്ഞൾ പൊടി ഒരു ടീസ്പൂൺ

കടല പൊടി 3 ടേബിൾ സ്പൂൺ 

ജിൻജർ , ഗാർലിക് , പച്ചമുളക്  പേസ്റ്റ് ഒന്നര ടേബിൾ സ്പൂൺ 

മല്ലിയില മൂന്ന് തണ്ട് ചെറുതായി അരിഞ്ഞത് 

വേപ്പില രണ്ടു തണ്ട് 

ഓയിൽ നാലു ടേബിൾസ്പൂൺ 

ഉപ്പ് ആവശ്യത്തിന് 

തയ്യാറാക്കുന്ന വിധം

അരി ഉപ്പിട്ട് വേവിച്ചു വാങ്ങി വക്കുക.കടല പൊടി ഒന്ന് ഡ്രൈ റോസ്‌റ് ചെയ്തെടുക്കുക.

പാനിൽ എണ്ണ ചൂടായി ജിൻജർ , ഗാർലിക് , പച്ചമുളക് ,കറിവേപ്പില  ചേർത്ത് വഴറ്റി പച്ചമണം മാറിയാൽ സവാള ചേർത്ത് നന്നായി വഴറ്റി തേങ്ങ ചേർത്ത് ഇളക്കി മുളകുപൊടി ,മല്ലിപൊടി ,ഗരം മസാല ,നല്ല ജീരകം പൊടി ,മഞ്ഞൾ പൊടി ,കടല പൊടി ചേർത്ത് നന്നായി മിക്സ് ചെയ്തു ഇതിലേക്ക്  വൃത്തിയാക്കി വച്ചിരിക്കുന്ന ഞണ്ടും പുളി പിഴിഞ്ഞ വെള്ളവും ആവശ്യത്തിന് ഉപ്പും ചേർത്ത് നന്നായി യോജിപ്പിച്ചു ഞണ്ട് വേവാൻ ആവശ്യമായ വെള്ളം ചേർത്ത് 5 മിനിറ്റു അടച്ചു വച്ച് വേവിച്ചു ,വെന്തതിനു ശേഷം വേവിച്ച അരി അതിനു മുകളിൽ പരത്തിയിട്ടു 5 മിനിറ്റു സിമ്മിൽ വേവിക്കുക അവസാനം മല്ലിയില മുകളിൽ വിതറിയിടുക.

നത്തോലി വറ്റിച്ചത് Natholi Vattichathu

നത്തോലി വറ്റിച്ചത്  Natholi Vattichathu 

ആവശ്യമുള്ള സാധനങ്ങൾ 

നത്തോലി അര കിലോ 

തക്കാളി രണ്ടെണ്ണം 

പച്ചമുളക് മൂന്നെണ്ണം 

ചുവന്നുള്ളി എട്ടെണ്ണം 

വേപ്പില രണ്ടു തണ്ട്

മഞ്ഞപ്പൊടി കാൽ ടീസ്പൂൺ 

മുളകുപൊടി ഒന്നര ടേബിൾ സ്പൂൺ 

മല്ലിപൊടി ഒരു ടീസ്പൂൺ 

പുളി ഒരു നെല്ലിക്കയുടെ വലുപ്പത്തിൽ 

ഉപ്പ് ആവശ്യത്തിന് 

വെളിച്ചെണ്ണ ആവശ്യത്തിന് 

ഇഞ്ചി ഒരു ചെറിയ കഷ്ണം 

തയ്യാറാക്കുന്ന വിധം 

ചട്ടിയിൽ വേപ്പില ചുവന്നുള്ളി ഇഞ്ചി ചതച്ചത് ഉപ്പ് ആവശ്യത്തിന് വെളിച്ചെണ്ണയും ചേർത്ത് നല്ലവണ്ണം കൈ കൊണ്ട് ഞെരടി ഇതിലേക്ക് തക്കാളി അരിഞ്ഞത് മഞ്ഞപ്പൊടി മുളകുപൊടി മല്ലിപൊടി ചേർത്ത് വീണ്ടും നന്നായി ഞെരടി യോജിപ്പിച്ചു പുളിപിഴിഞ്ഞ വെള്ളവും ആവശ്യമെങ്കിൽ മാത്രം കൂടുതൽ വെള്ളം ചേർത്ത് തിളപ്പിക്കുക.വറ്റിത്തുടങ്ങിയാൽ കഴുകി വച്ച മീൻ ഇട്ടു 10 മിനിറ്റു വേവിച്ചു തീ ഓഫ് ചെയ്തു മുകളിലായി പച്ച വെളിച്ചെണ്ണ അല്പം ഒഴിച്ച് കൊടുക്കുക.

ചെമ്മീൻ വട Chemmen Vada

ചെമ്മീൻ വട Chemmen Vada

ആവശ്യമുള്ള സാധനങ്ങൾ 

ചെമ്മീൻ 250 ഗ്രാം

ചുവന്നുള്ളി മൂന്നെണ്ണം 

വെളുത്തുള്ളി അഞ്ചു അല്ലി 

ഇഞ്ചി ഒരു ചെറിയ കഷ്ണം 

പെരും ജീരകം അര ടീസ്പൂൺ 

മഞ്ഞൾ പൊടി കാൽ ടീസ്പൂൺ 

മുളകുപൊടി ഒന്ന് മുതൽ ഒന്നര ടേബിൾസ്പൂൺ വരെ 

മല്ലി പൊടി അര ടീസ്പൂൺ 

വേപ്പില ഒരു തണ്ട്

ഉപ്പ് ആവശ്യത്തിന് 

വെളിച്ചെണ്ണ വറുക്കുവാൻ ആവശ്യമായത് 

തയ്യാറാക്കുന്ന വിധം 

ചുവന്നുള്ളി വെളുത്തുള്ളി ഇഞ്ചി പെരും ജീരകം നന്നായി ചതച്ചു എടുത്ത് മഞ്ഞൾ പൊടി മുളകുപൊടി  മല്ലി പൊടി ചെമ്മീൻ വേപ്പില ചേർത്ത് വീണ്ടും നന്നായി ചതച്ചെടുത്തു അരമണിക്കൂർ മസാല പിടിക്കുന്നതിനായി വക്കുക.ചെറിയ വടയുടെ രൂപത്തിൽ ആക്കി എണ്ണയിൽ ഷാലോ ഫ്രൈ ചെയ്തെടുക്കുക.

സിംപിൾ കൂന്തൾ പേപ്പർ ഫ്രൈ Simple koonthal Pepper Fry

സിംപിൾ കൂന്തൾ പേപ്പർ ഫ്രൈ  Simple koonthal Pepper Fry 

ആവശ്യമുള്ള സാധനങ്ങൾ 

കൂന്തൾ അഞ്ചെണ്ണം വട്ടത്തിൽ അരിഞ്ഞെടുത്തത് 

മഞ്ഞൾപൊടി കാൽ ടീസ്പൂൺ 

കുരുമുളകുപൊടി ഒന്നര ടേബിൾസ്പൂൺ 

ഉപ്പ് ആവിശ്യത്തിന് 

വെളിച്ചെണ്ണ ആവിശ്യത്തിന് 

കറിവേപ്പില രണ്ടു തണ്ട്

തയ്യാറാക്കുന്ന വിധം 

കൂന്തൾ മഞ്ഞൾപൊടി ഉപ്പ് കുരുമുളകുപൊടി എന്നിവ ചേർത്ത് നന്നായി മിക്സ് ചെയ്തു വക്കുക.പാനിൽ എണ്ണ ചൂടാക്കി അതിലേക്കു കൂന്തളും വേപ്പിലയും ഇട്ടു കൊടുക്കുക.നന്നായി ഡ്രൈ ആയി വേവിച്ചെടുക്കുക.

കുടപുളിയിട്ട ചെമ്മീൻ കറി Kudampuli Chemmeen Curry

കുടപുളിയിട്ട ചെമ്മീൻ കറി Kudampuli Chemmeen Curry

ആവശ്യമുള്ള സാധനങ്ങൾ

ചെമ്മീൻ അരക്കിലോ

ഇഞ്ചി ഒരു കഷണം

പച്ചമുളക് നാല് അഞ്ച് എണ്ണം

കറിവേപ്പില 2 തണ്ട്

ചുവന്നുള്ളി 10 എണ്ണം

വെളുത്തുള്ളി രണ്ടെണ്ണം

പെരുംജീരകം ഒരു ടീസ്പൂൺ

മഞ്ഞൾപൊടി കാൽ ടീസ്പൂൺ

മുളകുപൊടി ഒരു ടേബിൾസ്പൂൺ

മല്ലിപ്പൊടി രണ്ടര മുതൽ മൂന്ന് ടേബിൾസ്പൂൺ വരെ

കുടംപുളി മൂന്നോ നാലോ അല്ലി

അര മുറി തേങ്ങയുടെ മുക്കാൽ ഭാഗം ചിരകിയത്

വെളിച്ചെണ്ണ താളിക്കാൻ ആവശ്യമായത്

ഉപ്പ് ആവശ്യത്തിന്

പാകം ചെയ്യുന്ന വിധം

കുടം പുളി വെള്ളത്തിൽ കുതിരാൻ വയ്ക്കുക. തേങ്ങാ പെരിഞ്ജീരകം 2 ചുവന്നുള്ളി വെളുത്തുള്ളി അരിഞ്ഞത് ഒരു തണ്ട് വേപ്പില എന്നിവ എണ്ണയില്ലാതെ ഗോൾഡൻ ബ്രൗൺ നിറമാകുന്നതുവരെ വറുത്തെടുക്കുക. ഇതിലേക്ക് മഞ്ഞൾപ്പൊടി മുളകുപൊടി മല്ലിപൊടി  എന്നിവ ചേർത്ത് 

മൂപ്പിച്ചെടുക്കുക.ചൂടാറിയതിനു ശേഷം നല്ല പോലെ അരച്ചെടുക്കുക.കറിയുണ്ടാക്കുന്ന പാത്രത്തിൽ ഇഞ്ചി ചതച്ചത്  മുളക് രണ്ടായി കീറിയത്.4 ചുവന്നുള്ളി ചതച്ചത് ചെമ്മീൻ കറിവേപ്പില അരപ്പ് കുടം പുളി ആവശ്യത്തിന് ഉപ്പ് ആവശ്യത്തിനുള്ള വെള്ളവും ചേർത്ത് അടുപ്പത്ത് വയ്ക്കുക. കറി വറ്റിവരുമ്പോൾ വാങ്ങിവയ്ക്കുക. മറ്റൊരു പാത്രത്തിൽ രണ്ടോ മൂന്നോ ടേബിൾസ്പൂൺ എണ്ണയൊഴിച്ച് ചുവന്നുള്ളി ബ്രൗൺ നിറമാകുന്ന വരെ വഴറ്റിയെടുത്ത് കറിയിലേക്ക് പകരുക.