മുട്ട മുരിങ്ങയില തോരൻ Mutta Muringayila Thoran

മുട്ട മുരിങ്ങയില തോരൻ  Mutta Muringayila Thoran

ആവശ്യമുള്ള സാധനങ്ങൾ 

മുട്ട രണ്ടെണ്ണം 

മുരിങ്ങയില ഒരു പിടി 

സവാള , പച്ചമുളക്ക് രണ്ടെണ്ണം ചെറുതായി അരിഞ്ഞത്

മഞ്ഞൾ പൊടി കാൽ ടീസ്പൂൺ 

മുളകുപൊടി മല്ലിപൊടി അര ടീസ്പൂൺ 

ഗരം മസാല കാൽ ടീസ്പൂൺ 

ഉപ്പ് , ഓയിൽ ആവശ്യത്തിന് 

തയ്യാറാക്കുന്ന വിധം 

പാനിൽ എണ്ണ ചൂടാക്കി സവാള ചേർത്ത് വഴറ്റി സോഫ്റ്റ് ആയി വരുമ്പോൾ പൊടികളെല്ലാം ചേർത്ത് വഴറ്റി മുരിങ്ങയില ചേർത്ത് നന്നായി വഴറ്റിയെടുത്തു മുരിങ്ങയില ഒന്ന് വാടി വന്നാൽ മുട്ട വെട്ടിയൊഴിച്ചു ആവശ്യത്തിന് ഉപ്പു ചേർത്ത് മിക്സ് ചെയ്തു ഡ്രൈ ആക്കിയെടുക്കുക.

 

ആൽമണ്ട് കോക്കനട്ട് ചട്ണി Almond Coconut Chutney

ആൽമണ്ട് കോക്കനട്ട് ചട്ണി  Almond Coconut Chutney

ആവശ്യമുള്ള സാധനങ്ങൾ 

തേങ്ങാ ചിരകിയത് അരമുറിയുടെ പകുതി 

ആൽമണ്ട് പത്തെണ്ണം 

പച്ചമുളക് ആറെണ്ണം 

കടുക് ഒരു ടീസ്പൂൺ 

കറിവേപ്പില രണ്ടു തണ്ട്

ഉപ്പ് , ഓയിൽ ആവശ്യത്തിന് 

തയ്യാറാക്കുന്ന വിധം 

മിക്സിയിൽ തേങ്ങാ , ആൽമണ്ട് , പച്ചമുളക് ആവശ്യത്തിന് ഉപ്പു ചേർത്ത് നന്നായി അരച്ചെടുക്കുക.

പാനിൽ എന്ന ചൂടാക്കി കടുകിട്ടു പൊട്ടിയാൽ വേപ്പില ഇട്ടു വഴറ്റി അരപ്പു ചേർത്ത് അല്പം വെള്ളം ചേർത്ത് നന്നായി തിളപ്പിച്ച് തീ ഓഫ് ചെയ്യുക.


 

ആലൂ പക്കോഡ കടി Aloo Pakora Kadhi

ആലൂ പക്കോഡ കടി Aloo Pakora Kadhi

ആവശ്യമുള്ള സാധനങ്ങൾ 

പക്കോഡ :-

ഉരുളകിഴങ്ങ് രണ്ടു വലുത് ,സവാള ഒരെണ്ണം ,പച്ചമുളക് മൂന്നെണ്ണം  ചെറുതായി അറിഞ്ഞത് 

കടല മാവ് അഞ്ചു ടേബിൾസ്പൂൺ 

നല്ല ജീരകം , മുളകുപൊടി ,മുഴുവൻ മല്ലി  ഒരു ടീസ്പൂൺ 

ഉപ്പ് ആവശ്യത്തിന് ഓയിൽ വറുക്കുവാൻ ആവശ്യമായത് 

ഗ്രേവിക്ക് :-

നല്ല ജീരകം ഒരു ടീസ്പൂൺ 

ഉണക്ക മുളക് നാലെണ്ണം

പച്ചമുളക് നാലെണ്ണം , ഇഞ്ചി ഒരു ടേബിൾസ്പൂൺ , വെളുത്തുള്ളി ഒരു ടേബിൾസ്പൂൺ ചെറുതായി അരിഞ്ഞത്

കടലപ്പൊടി മൂന്ന് ടേബിൾസ്പൂൺ 

മുളകുപൊടി രണ്ടു ,മഞ്ഞൾ പൊടി ഒന്ന്  ടീസ്പൂൺ 

ഉലുവ ഒരു നുള്ള്

തൈര് രണ്ടു കപ്പ് 

ഉപ്പ് , ഓയിൽ ആവശ്യത്തിന്  

താളിക്കാൻ :-

നല്ല ജീരകം ഒരു ടീസ്പൂൺ 

ഉണക്ക മുളക് മൂന്നെണ്ണം

മുളകുപൊടി അര ടീസ്പൂൺ  

ഓയിൽ ആവശ്യത്തിന് 

മല്ലിയില കാൽ കപ്പ് അരിഞ്ഞത് 

തയ്യാറാക്കുന്ന വിധം 

പക്കോഡ :-

ചേരുവളെല്ലാം കൂടെ ഒരു ബൗളിലേക്കിട്ടു അല്പം വെള്ളം ചേർത്ത് മിക്സ് ചെയ്തു ഒരു സ്പൂൺ കൊണ്ട് കോരി കുറേശ്ശെ തിളച്ച എണ്ണയിൽ വറുത്തെടുക്കുക.

ഗ്രേവി  :-

ഒരു ബൗളിൽ കടലപ്പൊടി , മുളകുപൊടി  ,മഞ്ഞൾ പൊടി ,തൈര് രണ്ടു കപ്പ് വെള്ളം ചേർത്ത് നന്നായി മിക്സ് ചെയ്തു മാറ്റിവെക്കുക .

പാനിൽ എന്ന ചൂടാക്കി ഉലുവ , നല്ല ജീരകം , ഉണക്ക മുളക് , ഇഞ്ചി , വെളുത്തുള്ളി ,പച്ചമുളക് ചേർത്ത് 

നന്നായി വഴറ്റി തൈരിന്റെ മിക്സ് ചേർത്ത് ഇളക്കി ആവശ്യത്തിന് ഉപ്പ് ചേർത്ത് ചെറിയ തീയിൽ നന്നായി തിളപ്പിച്ച് തിക്ക് ആകുന്നതിനു മുൻപേ തയാറാക്കിയ പക്കോഡ ചേർത്ത് രണ്ടു മൂന്ന് മിനിറ്റിനു ശേഷം  തീ ഓഫ് ചെയ്യുക.

പാനിൽ എന്ന ചൂടാക്കി നല്ല ജീരകം , ഉണക്ക മുളക് , മുളക് പൊടി ചേർത്ത് 

താളി ച്ചൊഴുകുക മുകളിൽ മല്ലിയില വിതറിക്കൊടുക്കുക.

 

ഗോപി പറാത്ത Gobi Paratha

ഗോപി പറാത്ത Gobi Paratha

ആവശ്യമുള്ള സാധങ്ങൾ 

കോളിഫ്ലവർ ഒരെണ്ണം ചെറുത് 

സവാള ഒരെണ്ണം ,പച്ചമുളക് ആറെണ്ണം ചെറുതായി അരിഞ്ഞത്

നല്ല ജീരകം , അയമോദകം കാൽ ടീസ്പൂൺ 

ഗരം മസാല , ചാറ്റ് മസാല , ഡ്രൈ മംഗോ പൌഡർ അര ടീസ്പൂൺ 

മുളകുപൊടി കാൽ ടീസ്പൂൺ 

ചീസ് , നെയ്യ് ,ഉപ്പ് ആവശ്യത്തിന് 

ഗോതമ്പു പൊടി രണ്ടു കപ്പ് 

മല്ലിയില കാൽ കപ്പ് 

തയ്യാറാക്കുന്ന വിധം

 ഗോതമ്പു പൊടി , ഉപ്പ് ആവശ്യത്തിന് ചേർത്ത് ചെറിയ ചൂട് വെള്ളത്തിൽ കുഴച്ചെടുത്തു രണ്ടു ടീസ്പൂൺ നെയ്യ് ചേർത്ത് സോഫ്റ്റ് ആയുള്ള ഡോവ് തയ്യാറാക്കുക.

കഴുകി വെള്ളം വാർന്ന കോളിഫ്ലവർ ഒരു ഗ്രേറ്റർ ഉപയോഗിച്ച് ഗ്രേറ്റ് ചെയ്തെടുത്തു ഒരു ബൗളിലേക്കിട്ടു , ഉപ്പ് ആവശ്യത്തിന് , സവാള , പച്ചമുളക് ,മല്ലിയില , നല്ല ജീരകം , അയമോദകം , പൊടികളെല്ലാം ചേർത്ത് നന്നയി കുഴച്ചെടുത്തു ഗ്രേറ്റ് ചെയ്ത ചീസ് ചേർത്ത് വീണ്ടും കുഴച്ചു വക്കുക.

കുഴച്ചെടുത്ത ഡോവിൽനിന്നും മീഡിയം സൈസ് ബോളെടുത്തു ചെറിയ വട്ടത്തിൽ പരത്തിയെടുത്തു ഉള്ളിൽ കോളിഫ്ലവർ മിക്സ് വച്ച് മോദകിന്റെ ഷെയ്പ്പിൽ ആക്കി കവർ ചെയ്തു പൊടിയിട്ട്  വീണ്ടും 

പൊട്ടാതെ പരത്തിയെടുത്തു ചുട്ടെടുക്കുമ്പോൾ രണ്ടു ഭാഗവും നെയ്യ് തടവി തവയിൽ ചുട്ടെടുക്കുക.

സാമ്പാർ റൈസ് Sambar Rice

സാമ്പാർ  റൈസ് Sambar Rice

ആവശ്യമുള്ള സാധനങ്ങൾ

ബസുമതി റൈസ് ഒന്നര ഗ്ലാസ് 

കാപ്സികം ഒന്ന് , തക്കാളി ഒരെണ്ണം വലുത് , സവാള രണ്ടെണ്ണം ,വെളുത്തുള്ളി അഞ്ചു വലിയ അല്ലി  , മല്ലിയില കാൽ കപ്പ് , വേപ്പില രണ്ടു തണ്ട് ചെറുതായി അരിഞ്ഞത്

പച്ചമുളക് നാലെണ്ണം വട്ടത്തിൽ അരിഞ്ഞത് 

ബട്ടർ  75 ഗ്രാം

ചെറുനാരങ്ങാ പകുതി 

തേങ്ങാ ചിരകിയത് അര ഗ്ലാസ് 

കപ്പലണ്ടി വറുത്തു ചെറുതായി ചോപ് ചെയ്തത് അര ഗ്ലാസ് 

കായം പൊടി അര , ഉലുവ മുക്കാൽ  ടീസ്പൂൺ 

മുളകുപൊടി ഒന്ന്  മല്ലി പൊടി രണ്ടര  ടേബിൾസ്പൂൺ 

ഉപ്പ് ആവശ്യത്തിന് 

ഓയിൽ ഒരു ടീസ്പൂൺ 

തയ്യാറാക്കുന്ന വിധം

പാനിൽ എണ്ണ ചൂടാക്കി ഉലുവ പൊട്ടിച്ചു കായം പൊടി ,മുളകുപൊടി , മല്ലി പൊടി ചേർത്ത് പച്ചമണം മാറുന്നവരെ റോസ്‌റ് ചെയ്യ്തു മിക്സിയിൽ പൊടിച്ചെടുക്കുക.അരി ഉപ്പിട്ട് വേവിച്ചു മാറ്റി വക്കുക.

ഒരു ബൗളിൽ ബട്ടർ,കാപ്സികം , തക്കാളി , സവാള ,വെളുത്തുള്ളി , മല്ലിയില , വേപ്പില , പച്ചമുളക് , തേങ്ങാ , കപ്പലണ്ടി,പൊടിച്ചെടുത്ത മിക്സ് ചേർത്ത് തവി കൊണ്ട് നന്നായി യോജിപ്പിച്ചു റൈസ് തയ്യാറാക്കാനുള്ള പാനിലേക്കു പകർത്തി ചെറിയ തീയിൽ തക്കാളി സോഫ്റ്റ് ആകുന്നത് വരെ നന്നായി മിക്സ് ചെയ്തു ഹൈ ഫ്ലാമിൽ  റൈസ് ചേർത്ത് വീണ്ടും  നന്നായി മിക്സ് ചെയ്തു തീ ഓഫ് ചെയ്തു മുകളിൽ നാരങ്ങാ പിഴിഞ്ഞൊഴിച്ചു മിക്സ് ചെയ്തു വിളമ്പാവുന്നതാണ്.

മഷ്‌റൂം ബിരിയാണി Mushroom Biriyani

മഷ്‌റൂം ബിരിയാണി  Mushroom Biriyani

ആവശ്യമുള്ള സാധനങ്ങൾ 

മഷ്‌റൂം ഒരു പാക്കറ്റ് 

ബസുമതി റൈസ് 2 ഗ്ലാസ് 

ജിൻജർ ഒരു കഷ്ണം  

ഗാർലിക് ആറു അല്ലി 

പച്ചമുളക്  അഞ്ചു എണ്ണം  

സവാള ആറെണ്ണം 

തക്കാളി  1 വലുത് നീളത്തിൽ അരിഞ്ഞത്

മല്ലിയില പുതിന കാൽ കപ്പ് 

പെരും ജീരകം ,നല്ല ജീരകം ഒരു ടീസ്പൂൺ 

പട്ട ഒരു കഷ്ണം 

ഏലക്ക ആറെണ്ണം 

ഗ്രാമ്പൂ എട്ടെണ്ണം 

വാഴനയില രണ്ടെണ്ണം  

തക്കോലം മൂന്നെണ്ണം 

കുരുമുളക് ഒരു ടീസ്പൂൺ 

മഞ്ഞൾ പൊടി അര , മല്ലിപൊടി ഒരു മുളകുപൊടി ഒന്നര ടീസ്പൂൺ 

ഗരം മസാല ഒന്നര ടീസ്പൂൺ 

നെയ്യ് 2 ടേബിൾസ്പൂൺ 

അണ്ടി പരിപ്പ് കാൽ കപ്പ് 

വെളിച്ചെണ്ണ ആവശ്യത്തിന് 

ഉപ്പ്‌ ആവശ്യത്തിന് 

അണ്ടി പരിപ്പ് , മുന്തിരി ഡെക്കറേഷന് ആവശ്യമായത്.

തയ്യാറാക്കുന്ന വിധം 

അണ്ടി പരിപ്പ് കാൽ കപ്പ്  അര മണിക്കൂർ വെള്ളത്തിൽ കുതിരാൻ വക്കുക.

രണ്ടു സവാള , അണ്ടി പരിപ്പ് ,മുന്തിരി വറുത്തു കോരി വക്കുക.

അരി വേവിക്കുന്ന  വെള്ളത്തിലേക്ക് പകുതി പട്ട രണ്ടു ഏലക്ക മൂന്ന് ഗ്രാമ്പൂ ഒരു വാഴനയില , തക്കോലം അര ടീസ്പൂൺ പെരും ജീരകം , നല്ല ജീരകം , കുരുമുളക് ഉപ്പ്‌ ആവശ്യത്തിന്  ഒരു മണിക്കൂർ വെള്ളത്തിൽ കുതിർത്തെടുത്ത അരി ചേർത്ത് വേവിച്ചു ഊറ്റി മാറ്റിവെക്കുക.

പാനിൽ എണ്ണ ഒഴിച്ച് ചൂടായി ഏലക്ക , ഗ്രാമ്പൂ ,വാഴനയില , തക്കോലം , പട്ട ,പെരും ജീരകം ,നല്ല ജീരകം , കുരുമുളക് ഇട്ടു ഒന്നിളക്കി അരിഞ്ഞ സവാള ചേർത്ത് നന്നായി വഴറ്റി ജിൻജർ , ഗാർലിക് , പച്ചമുളക് പേസ്റ്റ് ചേർത്ത് പച്ചമണം മാറിയാൽ മഞ്ഞൾ പൊടി , മല്ലിപൊടി , മുളകുപൊടി ,ഗരം മസാല ഒരു ടീസ്പൂൺ  ചേർത്ത് യോജിപ്പിച്ചു പച്ചമണം മാറിയാൽ തക്കാളി ചേർത്ത് ഉടഞ്ഞു വരുമ്പോൾ നാലായി സ്ലൈസ് ചെയ്ത മഷ്‌റൂം,മല്ലിയില പുതിന, ചേർത്ത് ആവശ്യത്തിന് ഉപ്പും ചേർത്ത് നന്നായി  ഇളക്കി ചെറിയ തീയിൽ മൂടി വച്ച് തുറന്നു കുതിർത്ത അണ്ടിപ്പരിപ്പ് അരച്ച് ചേർത്ത് നന്നായി യോജിപ്പിച്ചു മഷ്‌റൂം വെന്തു ഗ്രേവി തിക്ക് ആയി വന്നാൽ അരി ചേർത്ത് മുകളിലായി വറുത്തു കോരിയ സവാള , അണ്ടി പരിപ്പ് ,മുന്തിരി,മല്ലിയില ,പുതിനയില ,നെയ്യ് ,അര ടീസ്പൂൺ ഗരം മസാല വിതറി  5 - 10  ചെറിയ തീയിൽ അടച്ചു വച്ച് അര മണിക്കൂറിനു ശേഷം  ഉപയോഗിക്കാവുന്നതാണ് 

ആലൂ പറാത്ത Aloo Paratha

ആലൂ പറാത്ത  Aloo Paratha

ആവശ്യമുള്ള സാധനങ്ങൾ 

ഗോതമ്പു പൊടി രണ്ടു കപ്പ് 

ഉരുളക്കിഴങ്ങു മൂന്നെണ്ണം വേവിച്ചത്

സവാള ഒരെണ്ണം , പച്ചമുളക് രണ്ടെണ്ണം  ,ഇഞ്ചി  ചെറിയകഷ്ണം ചെറുതായി അരിഞ്ഞത്

മുളകുപൊടി അര ടീസ്പൂൺ 

മഞ്ഞൾ പൊടി കാൽ ടീസ്പൂൺ 

നെയ്യ് , ഉപ്പ് ആവശ്യത്തിന് 

മല്ലിയില കാൽ കപ്പ് ചെറുതായി അരിഞ്ഞത്

പറാത്ത മസാല രണ്ടു ടേബിൾസ്പൂൺ 

തയ്യാറാക്കുന്ന വിധം

ഗോതമ്പു പൊടി ,ഉപ്പ് ചേർത്ത് ചപ്പാത്തി കുഴകുന്നതുപോലെ ചെറുചൂടുവെള്ളം ചേർത്ത് കുഴച്ചെടുത്തു രണ്ടു ടേബിൾസ്പൂൺ നെയ്യൊഴിച്ചു നന്നായി മൃദുലമായി കുഴച്ചെടുത്തു ഉരുളകളാക്കി വക്കുക .

ഒരു ബൗളിൽ ഉരുളക്കിഴങ്ങു  ഗ്രേറ്റ്‌ ചെയ്തിടുക ഇതിലേക്ക് സവാള  , പച്ചമുളക്  ,ഇഞ്ചി ,മുളകുപൊടി ,മഞ്ഞൾ പൊടി  , ഉപ്പ് , മല്ലിയില , പറാത്ത മസാല ചേർത്ത് നന്നായി കുഴച്ചെടുക്കുക.

കുഴച്ചു വച്ച മാവിൽ നിന്നും ഒരു ഉരുളയെടുത്തു ഇതിനുള്ളിൽ പൊട്ടറ്റോ ഫില്ലിംഗ് വച്ച് അടച്ചു പൊടി വിതറി പരത്തിയെടുത്തു ചൂടായ പാനിൽ പറാത്തയുടെ രണ്ടു വശവും നെയ്യ് തടവി ചുട്ടെടുക്കുക.


https://ponnunteadukkala.blogspot.com/2018/06/paratha-masala.html

ചക്ക കുരു പരിപ്പ് കുത്തി കാച്ചിയത് Chakka kuru Parippu Kuthi Kachiyathu

ചക്ക കുരു പരിപ്പ് കുത്തി കാച്ചിയത് Chakka kuru Parippu Kuthi Kachiyathu

ആവശ്യമുള്ള സാധനങ്ങൾ 

ചക്ക കുരു പത്തെണ്ണം തൊലി കളഞ്ഞു ചെറുതാക്കി നുറുക്കിയത് 

പരിപ്പ് കാൽ കപ്പ് 

കടുക് ഒരു ടീസ്പൂൺ 

മഞ്ഞൾ പൊടി കാൽ ടീസ്പൂൺ 

മുളകുപൊടി ഒരു ടീസ്പൂൺ 

വറ്റൽമുളക് രണ്ടെണ്ണം 

കറിവേപ്പില രണ്ടു തണ്ട് 

ഉപ്പ് , ഓയിൽ ആവശ്യത്തിന് 

തയ്യാറാക്കുന്ന വിധം 

ചക്കക്കുരു കുറച്ചു നേരം വെള്ളത്തിലിട്ടു കുതിർന്ന ശേഷം പരിപ്പും ചേർത്ത്  ഒന്ന് വേവിച്ചെടുത്തു ഉപ്പ് , മഞ്ഞൾപൊടി ചേർത്ത് തിളച്ചാൽ മാറ്റി വക്കുക .

മറ്റൊരുപാനിൽ എണ്ണ ചൂടാക്കി കടുക് പൊട്ടിച്ചു  വറ്റൽമുളക് , കറിവേപ്പില ഇട്ടു വഴറ്റി മുളകുപൊടി ചേർത്ത് വീണ്ടും വഴറ്റി വേവിച്ച ചക്കക്കുരു കറി ഇതിലേക്ക് ചേർത്ത് ഇളക്കുക.

കപ്പ ബോൾ മസാല Kappa (Tapioca) Ball Masala

കപ്പ ബോൾ മസാല  Kappa (Tapioca) Ball Masala

ആവശ്യമുള്ള സാധനങ്ങൾ 

കപ്പ വേവിച്ചത് രണ്ടു കപ്പ് 

ഇഞ്ചി ഒരു ചെറിയ കഷ്ണം ,വെളുത്തുള്ളി അഞ്ചു വലിയ അല്ലി ,മല്ലിയില ഒരു പിടി ചെറുതായി അരിഞ്ഞത്

പച്ചമുളക് മൂന്നെണ്ണം നീളത്തിൽ അരിഞ്ഞത് 

മുട്ട ഒരെണ്ണം 

ചിക്കൻ എല്ലില്ലാത്തതു നാലു വലിയ കഷ്ണം 

മഞ്ഞൾപൊടി ,മുളകുപൊടി ,മല്ലിപൊടി ഒരു ടീസ്പൂൺ 

ചിക്കൻ മസാല രണ്ടു ടീസ്പൂൺ 

ഗരം മസാല അര ടീസ്പൂൺ 

പേരും ജീരകം ഒരു ടീസ്പൂൺ 

ഉപ്പ് , ഓയിൽ ആവശ്യത്തിന് 

തയ്യാറാക്കുന്ന വിധം 

കപ്പ ചൂടാറിയ ശേഷം ഫ്രിഡ്ജിൽ വച്ച് തണുപ്പിച്ചു ചെറിയ ബോളുകളാക്കി എടുക്കുക.

മുട്ട അല്പം ഉപ്പ് ചേർത്ത് ഓംലറ്റ് ഉണ്ടാക്കി ചെറിയ കഷ്ണങ്ങളാക്കി മുറിച്ചെടുക്കുക.

ഉപ്പും മഞ്ഞൾപൊടിയും ചേർത്ത് ചിക്കൻ വേവിച്ചു ചെറിയ കഷ്ണങ്ങളാക്കി മുറിച്ചെടുക്കുക.

പാനിൽ എണ്ണ ചൂടാക്കി പേരും ജീരകം ചേർത്ത് പൊട്ടിയാൽ സവാള , ഇഞ്ചി , വെളുത്തുള്ളി ,പച്ചമുളക് ചേർത്ത് നന്നായി വഴറ്റി പച്ചമണം മാറിയാൽ പൊടികളെല്ലാം ചേർത്ത് ഇളകി കുറച്ചു മല്ലിയില ചേർത്ത് വീണ്ടും ഇളക്കി ചിക്കൻ ചേർത്ത് ഇളക്കി ചിക്കൻ മൊരിഞ്ഞു വന്നാൽ അല്പം വെള്ളം ചേർത്ത് തിളപ്പിച്ച് കപ്പ ബോൾ ചേർത്ത് അഞ്ചു മിനിറ്റ് ചെറിയ തീയിൽ വേവിച്ചു കപ്പ തകരാത്ത രീതിയിൽ ഇളക്കി വീണ്ടും രണ്ടു മൂന്ന് മിനിറ്റു അടച്ചു വച്ച്  മുട്ടയും മല്ലിയിലയും ചേർത്ത് കപ്പ തകരാത്ത രീതിയിൽ ഇളക്കി ഡ്രൈ ആക്കി എടുക്കുക.

അവിയൽ Aviyal

അവിയൽ Aviyal

ആവശ്യമുള്ള സാധനങ്ങൾ 

കാരറ്റ് ,പച്ച കായ ഒരെണ്ണം 

ചേന , മത്തങ്ങാ ,വെള്ളരിക്ക ഒരു കഷ്ണം 

പച്ച പയർ , ബീൻസ് അഞ്ചു എണ്ണം 

പച്ചമുളക് നാലെണ്ണം 

വേപ്പില രണ്ടു തണ്ട്

മഞ്ഞൾ പൊടി അര , നല്ല ജീരകം ഒരു ടീസ്പൂൺ 

തേങ്ങാ ചെറുത് അരമുറി 

ഉപ്പ് , ഓയിൽ ആവശ്യത്തിന് 

തൈര് മൂന്ന് ടേബിൾസ്പൂൺ 

തയ്യാറാക്കുന്ന വിധം 

പാനിൽ എന്ന ചൂടാക്കി ഒരേ നീളത്തിൽ അരിഞ്ഞ പച്ചക്കറികളെല്ലാം ,പച്ചമുളക്, മഞ്ഞൾ പൊടി ,ഉപ്പ്,   കുറച്ചു വേപ്പില ചേർത്ത് നല്ലപോലെ വഴറ്റി അടച്ചു വച്ച് ചെറിയ തീയിൽ വെള്ളമൊഴിക്കാതെ  വേവിച്ചു തൈര് നല്ലപോലെ അടിച്ചു ഒഴിച്ച് കൊടുത്തു മിക്സ് ചെയ്തു അഞ്ചു മിനിറ്റു വീണ്ടും അടച്ചു വേവിക്കുക.ഇതിലേക്ക് തേങ്ങയും നല്ല ജീരകം ചേർത്ത് ഒന്ന് മിക്സിയിൽ ചതച്ചെടുത്തു ചേർത്ത് നന്നായി മിക്സ് ചെയ്തു അഞ്ചു മിനിറ്റു വീണ്ടും അടച്ചു വേവിക്കുക തുറന്നു ഒന്നുകൂടി യോജിപ്പിച്ച ശേഷം മുകളിൽ വേപ്പില വിതറി പച്ച വെളിച്ചെണ്ണ ഒഴിച്ച് 5മിനിറ്റ് കൂടി അടച്ചു വെച്ച ശേഷം തീ ഓഫ്‌ ചെയ്യാവുന്നതാണ്. 

കടല കറി Kadala Curry

കടല കറി Kadala Curry

ആവശ്യമുള്ള സാധനങ്ങൾ 

കടല ഒരു കപ്പ് 

പേരും ജീരകം ഒരു ടീസ്പൂൺ 

പട്ട ഒരു ചെറിയ കഷ്ണം 

ഗ്രാമ്പൂ , ഏലക്ക രണ്ടെണ്ണം 

തക്കോലം ,വാഴനയില ഒരെണ്ണം 

സവാള മൂന്നെണ്ണം കനം കുറച്ചു അരിഞ്ഞത്

ഇഞ്ചി ഒരു കഷ്ണം ചെറുതായി അരിഞ്ഞത് 

വെളുത്തുള്ളി നാലു അല്ലി ചെറുതായി അരിഞ്ഞത്

പച്ചമുളക് മൂന്നെണ്ണം ചെറുതായി അരിഞ്ഞത്

വേപ്പില മൂന്ന് തണ്ട് 

തക്കാളി രണ്ടെണ്ണം നീളത്തിൽ അരിഞ്ഞത് 

മഞ്ഞൾപൊടി ,ഗരം മസാല അര ടീസ്പൂൺ 

മുളകുപൊടി ഒന്ന് മുതൽ ഒന്നര ടീസ്പൂൺ വരെ 

മല്ലിപൊടി രണ്ടു ടീസ്പൂൺ 

ഉപ്പ് ആവശ്യത്തിന് 

വെളിച്ചെണ്ണ അഞ്ചു ടേബിൾസ്പൂൺ 

മല്ലിയില കാൽ കപ്പ് ചെറുതായി അരിഞ്ഞത് 

തയ്യാറാക്കുന്ന വിധം 

കടല 4 - 5 മണിക്കൂർ കുതിരാൻ വക്കുക.

പാനിൽ എണ്ണ ചൂടാക്കി പട്ട , ഗ്രാമ്പൂ  ,ഏലക്ക , തക്കോലം , വാഴനയില ,പെരും ജീരകം ചേർത്ത് വഴറ്റി ശേഷം സവാള ചേർത്ത് നന്നായി വഴറ്റി നിറം മാറുമ്പോൾ  ഇഞ്ചി  , വെളുത്തുള്ളി  , പച്ചമുളക്  ചേർത്ത് നന്നായി വഴറ്റി പച്ചമണം മാറുമ്പോൾ എല്ലാ പൊടികളും ചേർത്ത് വഴറ്റി പച്ചമണം മാറിയാൽ തക്കാളി ചേർത്ത് നന്നായി വഴറ്റി കുഴഞ്ഞു വരുമ്പോൾ ആവശ്യത്തിന് ഉപ്പും , കടലയും ചേർത്ത് നന്നായി മിക്സ് ചെയ്യുക ആവശ്യത്തിന് വെള്ളവും ചേർത്ത് നന്നായി വേവിച്ചെടുക്കുക,പ്രഷർ കുക്കറിലാണെകിൽ ഒരു വീസൽ വന്നാൽ തീ കുറച്ചു വെച്ച് ഏഴു മിനിറ്റ് വേവിച്ചു മല്ലിയില വിതറി മിക്സ് ചെയ്തു വിളമ്പുക .

സ്‌പൈസി പൊട്ടറ്റോ കറി Spicy Potato Curry

സ്‌പൈസി പൊട്ടറ്റോ കറി Spicy Potato Curry

ആവശ്യമുള്ള സാധനങ്ങൾ 

ഉരുളകിഴങ്ങ് രണ്ടെണ്ണം വലുത് 

സവാള രണ്ടെണ്ണം വലുത് ,തക്കാളി ഒരെണ്ണം നീളത്തിൽ അരിഞ്ഞത്

സവാള ഒരെണ്ണം , ഇഞ്ചി ഒരു കഷ്ണം  , വെളുത്തുള്ളി നാലു അല്ലി , പച്ചമുളക്  മൂന്നെണ്ണം നീളത്തിൽ അരിഞ്ഞത്

വേപ്പില രണ്ടു തണ്ട്

ഗ്രാമ്പൂ  ,ഏലക്ക രണ്ടെണ്ണം

പട്ട ഒരു ചെറിയ കഷ്ണം 

തക്കോലം ഒരെണ്ണം

വാഴനയില ഒരെണ്ണം

പെരും ജീരകം അര  ടീസ്പൂൺ

നല്ലജീരകം പൊടി അര , ഗരം മസാല അര , മഞ്ഞൾപൊടി കാൽ , മുളകുപൊടി ഒന്നര ടീസ്പൂൺ

മല്ലി പൊടി ഒന്നര ടേബിൾസ്പൂൺ 

വെളിച്ചെണ്ണ അഞ്ചു ടേബിൾസ്പൂൺ 

ഉപ്പ് ആവശ്യത്തിന് 

തയ്യാറാക്കുന്ന വിധം 

പാനിൽ എണ്ണ ചൂടാക്കി പട്ട , ഗ്രാമ്പൂ  ,ഏലക്ക , തക്കോലം , വാഴനയില ,പെരും ജീരകം ചേർത്ത് വഴറ്റി സവാള ചേർത്ത് നന്നായി വഴറ്റി നിറം മാറുമ്പോൾ  ഇഞ്ചി  , വെളുത്തുള്ളി അരച്ച പേസ്റ്റു ചേർത്ത് വഴറ്റി പച്ചമണം മാറുമ്പോൾ പച്ചമുളക് , വേപ്പില ചേർത്ത് നന്നായി വഴറ്റി പച്ചമണം മാറുമ്പോൾ  എല്ലാ പൊടികളും ചേർത്ത് വഴറ്റി പച്ചമണം മാറിയാൽ തക്കാളി ചേർത്ത് നന്നായി വഴറ്റി ഉടഞ്ഞു വരുമ്പോൾ ഉരുളകിഴങ്ങ് , ആവശ്യത്തിന് ഉപ്പും വെള്ളവും ചേർത്ത് മൂടി വച്ച് വേവിച്ചെടുക്കുക.

വെണ്ടക്ക മസാല Bhindi Masla

വെണ്ടക്ക മസാല  Bhindi Masla

ആവശ്യമുള്ള സാധനങ്ങൾ 

വെണ്ടക്ക 400 ഗ്രാം വട്ടത്തിൽ ചെറുതായി അരിഞ്ഞത് 

സവാള രണ്ടെണ്ണം വലുത് നീളത്തിൽ അരിഞ്ഞത്

തക്കാളി ഒരെണ്ണം നീളത്തിൽ അരിഞ്ഞത്

ഇഞ്ചി ഒരു ചെറിയ കഷ്ണം 

വെളുത്തുള്ളി നാലു അല്ലി 

ഉപ്പ് ആവശ്യത്തിന് 

ഓയിൽ നാലു ടേബിൾസ്പൂൺ 

മല്ലിയില കാൽ കപ്പ് ചെറുതായി അരിഞ്ഞത് 

മഞ്ഞൾ പൊടി അര ടീസ്പൂൺ 

മുളകുപൊടി ഒരു ടീസ്പൂൺ 

ഡ്രൈ മംഗോ പൌഡർ 

ഗരം മസാല കാൽ ടീസ്പൂൺ 

നല്ല ജീരകം അര ടീസ്പൂൺ 

തയ്യാറാക്കുന്ന വിധം 

പാനിൽ എണ്ണ ചൂടാക്കി നല്ലജീരകം ഇട്ടു പൊട്ടിയാൽ സവാള ചേർത്ത് വഴണ്ട് വന്നാൽ ഇഞ്ചി വെളുത്തുള്ളി പേസ്റ്റു ചേർത്ത് വഴറ്റി പച്ചമണം മാറിയാൽ തക്കാളി ചേർത്ത് നന്നായി വഴണ്ട് വന്നാൽ എല്ലാ പൊടികളും ചേർത്ത്  വഴറ്റി പച്ചമണം മാറിയാൽ വെണ്ടക്ക , ഉപ്പ് ആവശ്യത്തിന് ചേർത്ത് ഹൈ ഫ്ലെയ്മിൽ നന്നായി വഴറ്റി വെണ്ടക്ക വെന്തു മൃദുലമായാൽ മല്ലിയില വിതറി ഇളക്കി തീ ഓഫ് ചെയ്യുക. 

ആലൂ സബ്ജി Aloo Sabzi

ആലൂ സബ്ജി  Aloo Sabzi

ആവശ്യമുള്ള സാധനങ്ങൾ 

ഉരുളകിഴങ്ങ് ,വറ്റൽ മുളക്  രണ്ടെണ്ണം 

സവാള ഒരെണ്ണം ,പച്ചമുളക് നാലെണ്ണം  നീളത്തിലരിഞ്ഞത്

കടുക് , നല്ല ജീരകം, ഉഴുന്ന് പരിപ്പ് ഒരു ടീസ്പൂൺ 

കായം ഒരുനുള്ള് 

വേപ്പില രണ്ടു തണ്ട്

മല്ലിയില അരിഞ്ഞത് രണ്ടു ടേബിൾസ്പൂൺ 

മഞ്ഞൾ പൊടി കൽ ടീസ്പൂൺ 

ഓയിൽ രണ്ട്  ടേബിൾസ്പൂൺ 

ഉപ്പ് ആവശ്യത്തിന് 

തയ്യാറാകുന്ന വിധം 

ഉരുളക്കിഴങ് വേവിച്ചു ചതുരത്തിൽ മുറിച്ചെടുക്കുക .പാനിൽ എണ്ണ ചൂടാക്കി കടുക് പൊട്ടിച്ചു അതിലേക്കു നല്ല ജീരകം ,ഉഴുന്ന് പരിപ്പ് ഇട്ടു ഒന്ന് വഴറ്റി സവാള  ,പച്ചമുളക് ,വേപ്പില ചേർത്ത് നന്നായി വഴറ്റി നിറം മാറിയാൽ മഞ്ഞൾ പൊടി , കായം  ചേർത്ത് യോജിപ്പിച്ചു അതിലേക്കു ഉരുളകിഴങ്ങ് ചേർത്ത് മുകളിൽ ഉപ്പ് ആവശ്യത്തിന്  അല്പം വെള്ളവും ചേർത്ത് അഞ്ചു മിനിറ്റു വേവിച്ചു മല്ലിയില ചേർത്ത് നന്നായി മിക്സ് ചെയ്തു യോജിപ്പിക്കുക.

സോയ ചങ്ക്‌സ് പോപ്‌കോൺ Soya Chunks Popcorn

സോയ ചങ്ക്‌സ് പോപ്‌കോൺ  Soya Chunks Popcorn

ആവശ്യമുള്ള സാധനങ്ങൾ 

സോയ ചങ്ക്‌സ് ഒരു കപ്പ് 

മുളകുപൊടി മുക്കാൽ ടീസ്പൂൺ

മല്ലിപൊടി ഒരു ടീസ്പൂൺ 

ഗരം മസാല ,ചാറ്റ് മസാല  അര ടീസ്പൂൺ 

തൈര് രണ്ടു ടേബിൾസ്പൂൺ 

ഉപ്പ് ആവശ്യത്തിന് 

ഓയിൽ വറുക്കുവാൻ ആവശ്യമായത് 

തയ്യാറാകുന്ന വിധം

സോയ ചങ്ക്‌സ് കാൽ കപ്പ് മിക്സിയിൽ ഇട്ടു പൊടിച്ചു വക്കുക.

ബാക്കിയുള്ള സോയ ചങ്ക്‌സ് തിളച്ച വെള്ളത്തിൽ ഉപ്പിട്ട് കുതിരാൻ വച്ച് , കുതിർന്ന ശേഷം നല്ലവണ്ണം പിഴിഞ്ഞ് ഇതു മുളകുപൊടി ,മല്ലിപൊടി , ഗരം മസാല ,ചാറ്റ് മസാല , തൈര് , ഉപ്പ് ആവശ്യത്തിന്  ചേർത്ത് മാരിനേറ്റു ചെയ്തു അര മണിക്കൂർ വച്ച്  സോയ ചങ്ക്‌സ് പൊടിയിൽ  മുക്കി എണ്ണയിൽ വറുത്തെടുക്കുക.

സ്വീറ്റ് പൊട്ടറ്റോ കറ്റലേറ്റ് Sweet Potato Cutlet

സ്വീറ്റ് പൊട്ടറ്റോ കറ്റലേറ്റ് Sweet Potato Cutlet

ആവശ്യമുള്ള സാധനങ്ങൾ

സ്വീറ്റ് പൊട്ടറ്റോ ഒരെണ്ണം വലുത് 

ഗ്രീൻ പീസ് മൂന്ന് ടേബിൾസ്പൂൺ  വേവിച്ചത് 

ചാറ്റ് മസാല അര ടീസ്പൂൺ 

ഗരംമസാല കാൽ ടീസ്പൂൺ

പച്ചമുളക് രണ്ടെണ്ണം ചെറുതായി അരിഞ്ഞത് 

മുളക് പൊടി കാൽ ടീസ്പൂൺ

മൈദ മൂന്ന് ടേബിൾസ്പൂൺ

കോൺ ഫ്ലോർ ഒരു ടേബിൾസ്പൂൺ

ഓട്സ് കാൽ കപ്പ് 

എണ്ണ വറുക്കുവാൻ ആവശ്യമായത് 

ഉപ്പ് ആവശ്യത്തിന്

പാകം ചെയ്യുന്ന വിധം

ബോയിൽ ചെയ്തു സ്മാഷ് ചെയ്ത സ്വീറ്റ് പൊട്ടറ്റോയിലേക്കു ഉപ്പ് ആവശ്യത്തിന്, ഗ്രീൻ പീസ് ,ചാറ്റ് മസാല ,ഗരംമസാല ,പച്ചമുളക് ,മുളക് പൊടി ചേർത്ത് നന്നായി മിക്സ് ചെയ്തു കറ്റലേറ്റ് രൂപത്തിലാക്കി 

മൈദ ,കോൺ ഫ്ലോർ ,ഉപ്പ് ആവശ്യത്തിന് വെള്ളവും ചേർത്ത്  തയ്യാറാക്കിയ ബാറ്ററിൽ മുക്കി ഓട്സിൽ റോൾ ചെയ്തു എണ്ണയിൽ വറുത്തെടുക്കുക.

സ്വീറ്റ് പൊട്ടറ്റോ ഫ്രൈ Sweet Potato Fry

സ്വീറ്റ് പൊട്ടറ്റോ ഫ്രൈ  Sweet Potato Fry

ആവശ്യമുള്ള സാധനങ്ങൾ 

സ്വീറ്റ് പൊട്ടറ്റോ ഒരെണ്ണം 

നെയ്യ് രണ്ടു ടേബിൾസ്പൂൺ 

ചാറ്റ് മസാല അല്ലെങ്കിൽ  മിക്സഡ് ഹെർബ്സ് കാൽ ടീസ്പൂൺ 

തയ്യാറാകുന്ന വിധം 

പാനിൽ നെയ്യൊഴിച്ചു ചൂടാക്കി ഇതിലേക്ക് പുഴുങ്ങി റൌണ്ട് ആയി കട്ട് ചെയ്ത സ്വീറ്റ് പൊട്ടറ്റോ ചേർത്ത് രണ്ടു ഭാഗവും നന്നായി മൊരിയിച്ചെടുത്തു വാങ്ങി പ്ലേറ്റിൽ വച്ച് ചാറ്റ് മസാല വിതറി കൊടുക്കുക.

പനീർ ട്ടിക്ക Paneer Tikka

പനീർ  ട്ടിക്ക Paneer Tikka

ആവശ്യമുള്ള സാധനങ്ങൾ 

പനീർ ആറു കഷ്ണം,സവാള ഒരെണ്ണം ചെറുത്,കാപ്സികം ഒരെണ്ണം ചെറുത്,തക്കാളി ഒരെണ്ണം ചെറുത് കുരുകളഞ്ഞു ചതുരാകൃതിയിൽ മുറിച്ചത് 

തൈര് മൂന്ന് ടേബിൾസ്പൂൺ 

ജിൻജർ ഗാർലിക് പേസ്റ്റ് ഒരു ടീസ്പൂൺ 

അജ്‌വയിൻ കാൽ ടീസ്പൂൺ 

മുളക് പൊടി ഒന്നര ടീസ്പൂൺ (എരുവിനനുസരിച്)

മഞ്ഞൾ പൊടി,ചാറ്റ് മസാല കാൽ ടീസ്പൂൺ 

ലെമൺ ജ്യൂസ് ഒരു ടേബിൾ സ്പൂൺ 

ഓയിൽ നാലു ടേബിൾസ്പൂൺ 

ഉപ്പ് ആവശ്യത്തിന് 

തയ്യാറാകുന്ന വിധം 

ഒരു ബൗളിൽ തൈര് ,ജിൻജർ ഗാർലിക് പേസ്റ്റ് ,അജ്‌വയിൻ ,മുളക് പൊടി ,മഞ്ഞൾ പൊടി,ചാറ്റ് മസാല, ഓയിൽ ഒരു ടേബിൾസ്പൂൺ , ഉപ്പ് ചേർത്ത് നന്നായി മിക്സ് ചെയ്തു ഇതിലേക്ക് പനീർ ,സവാള ,കാപ്സികം ,തക്കാളി,ലെമൺ ജ്യൂസ് ചേർത്ത് മിക്സ് ചെയ്തു അര  മണിക്കൂർ നേരം വച്ച് ചിത്രത്തിലേതു പോലെ സ്ക്യുവറിൽ ലയർ ചെയ്തെടുത്തു പാനിൽ എണ്ണ ചൂടാക്കി ഒന്ന് ഗ്രിൽ ചെയ്തെടുക്കുക.

ഗ്രിൽ ചെയ്യുമ്പോൾ ആവശ്യമെങ്കിൽ ബട്ടർ ബ്രഷ് ചെയ്തു കൊടുക്കാവുന്നതാണ്.

വെജിറ്റബിൾ കുറുമ vegetable kuruma

വെജിറ്റബിൾ കുറുമ vegetable kuruma

ആവശ്യമുള്ള സാധനങ്ങൾ 

ഗ്രീൻ പീസ് അര കപ്പ് 

ഉരുളകിഴങ്ങ് ഒരെണ്ണം വലുത് ചതുരത്തിൽ ചെറുതായി അരിഞ്ഞത് 

വെളുത്തുള്ളി നാലു അല്ലി 

ഇഞ്ചി ഒരു ചെറിയ കഷ്ണം 

പച്ചമുളക് 8 - 9 എണ്ണം 

പെരുംജീരകം ഒരു ടീസ്പൂൺ 

നല്ല ജീരകം അര ടീസ്പൂൺ 

മഞ്ഞൾപൊടി കാൽ ടീസ്പൂൺ 

വഴനയില രണ്ടെണ്ണം

പട്ട ഒരിഞ്ചു വലുപ്പത്തിൽ ഒരു കഷ്ണം 

ഏലക്ക മൂന്നെണ്ണം 

കരിയാമ്പൂ നാലെണ്ണം 

തക്കാളി ഒരെണ്ണം വലുത് ചെറുതായി അരിഞ്ഞത്

സവാള ഒരെണ്ണം നീളത്തിൽ  അരിഞ്ഞത് 

മല്ലിയില ചെറുതായി അരിഞ്ഞത് ആറു ടേബിൾസ്പൂൺ

പുതിനയില ചെറുതായി അരിഞ്ഞത് മൂന്നോ നാലോ ടേബിൾസ്പൂൺ

ഉപ്പ് ആവശ്യത്തിന് 

ഓയിൽ ആവശ്യമായത് 

തേങ്ങ ചിരകിയത് രണ്ടു ടേബിൾസ്പൂൺ

കശുവണ്ടി എട്ടെണ്ണം 

വേപ്പില രണ്ടു തണ്ട്

തയ്യാറാകുന്ന വിധം 

വെളുത്തുള്ളി ,ഇഞ്ചി പേസ്റ്റ് ആക്കി വക്കുക.മിക്സറിൽ തേങ്ങ,ഒരു വഴനയില,ചെറിയ കഷ്ണം പട്ട,നല്ല ജീരകം,പെരുംജീരകം അര ടീസ്പൂൺ ,പച്ചമുളക്,രണ്ടു കരിയാമ്പൂ,കശുവണ്ടി ചേർത്ത് നന്നായി പേസ്റ്റ് ആക്കി അരച്ചെടുക്കുക.

പാനിൽ എണ്ണ ചൂടാക്കി സവാള എട്ടു നല്ല വണ്ണം വഴറ്റി തക്കാളി ചേർത്ത് നന്നയി സോഫ്റ്റ് ആയി വരുമ്പോൾ വെളുത്തുള്ളി ,ഇഞ്ചി പേസ്റ്റ്  ചേർത്ത് പച്ചമണം മാറുന്നത് വരെ വഴറ്റി വേപ്പില ചേർത്ത് വഴറ്റി മഞ്ഞൾപൊടി ചേർത്ത് യോജിപ്പിച്ചു ഉരുളകിഴങ്ങ്, ഗ്രീൻ പീസ്  ചേർത്ത് ഒന്ന് വഴറ്റി ആവശ്യത്തിന് ഉപ്പും ചേർത്ത് അതിലേക്കു വേവാൻ വേണ്ട ചൂടുവെള്ളം ഒഴിച്ച് വെന്തു വന്നാൽ അരപ്പു ചേർത്ത് ഇളക്കി മല്ലിയിലയും പുതിനയില ചേർത്ത്  കൊടുക്കുക 

ബീറ്റ്റൂട്ട് പച്ചടി Beetroot Pachadi

ബീറ്റ്റൂട്ട് പച്ചടി Beetroot Pachadi

ആവശ്യമുള്ള സാധനങ്ങൾ 

ബീറ്റ്റൂട്ട് ചെറുത് ഒരെണ്ണം ഗ്രേറ്റ് ചെയ്തത് 

പച്ചമുളക് രണ്ടെണ്ണം സ്ലൈസ് ചെയ്തത് 

തൈര് ഒന്നര കപ്പ് 

വേപ്പില രണ്ടു തണ്ട്

കടുക് ഒരു ടീസ്പൂൺ 

വറ്റൽ മുളക് രണ്ടെണ്ണം 

വെളിച്ചെണ്ണ രണ്ടു ടേബിൾസ്പൂൺ 

ഉപ്പു ആവശ്യത്തിന് 

തയ്യാറാക്കുന്ന വിധം 

ബീറ്റ്റൂട്ട് അലപം വെള്ളവും , ഉപ്പും ,പച്ചമുളകും  ചേർത്ത് വേവിച്ചു വെള്ളം വറ്റിയതിനു ശേഷം മറ്റൊരു ബൗളിൽ നന്നായി ഉടച്ചു വച്ച തൈരിലേക്കു ചേർത്ത് യോജിപ്പിക്കുക.പാനിൽ എന്ന ചൂടാക്കി വേപ്പില ,കടുക് 'വറ്റൽ മുളക് ഉപയോഗിച്ച് താളിക്കുക.