ഓംലറ്റ് ഫിൽഡ് ഇടിയപ്പം Omlet Filled Idiyappam

ഓംലറ്റ് ഫിൽഡ് ഇടിയപ്പം Omlet Filled Idiyappam

ആവശ്യമുള്ള സാധനങ്ങൾ 

അരിപൊടി അര കപ്പ് 

മുട്ട ഒരെണ്ണം 

സവാള ഒരെണ്ണം 

മുളകുപൊടി , മല്ലിപൊടി  അര ടീസ്പൂൺ 

മഞ്ഞൾ പൊടി കാൽ ടീസ്പൂൺ 

ഉപ്പ് ,ഓയിൽ  ആവശ്യത്തിന് 

തയ്യാറാക്കുന്ന വിധം 

ഒരു പാത്രത്തിൽ അരിപൊടി ആവശ്യത്തിന് ഉപ്പ് ചേർത്ത് നന്നായി മിക്സ് ചെയ്തു തിളച്ചു കൊണ്ടിരിക്കുന്ന വെള്ളം  ഒഴിച്ച് ചൂടാറിയ ശേഷം കൈ കൊണ്ട് ഇടിയപ്പത്തിന്റെ പാകത്തിൽ കുഴച്ചെടുക്കുക.

പാനിൽ അല്പം എണ്ണ ഒഴിച്ച് മുട്ട വെട്ടി ഒഴിച്ച് ആവശ്യത്തിന് ഉപ്പും മുളകുപൊടിയും വിതറി തിരിച്ചിട്ടു പാത്രത്തിലേക്കു മാറ്റുക.

ഇതേ പാനിൽ അല്പം എണ്ണ ഒഴിച്ച് ചൂടായാൽ  അരിഞ്ഞ സവാള ചേർത്ത് നന്നായി വഴറ്റി മഞ്ഞപ്പൊടി ,മല്ലിപൊടി , മുളക് പൊടി ചേർത്ത് നന്നായി മിക്സ് ചെയ്തു തീ ഓഫ് ചെയ്യുക.

ഇടിയപ്പത്തിന്റെ തട്ടിൽ ഒരു ലയർ ഇടിയപ്പം ചുറ്റിയെടുത്തു മുകളിൽ മസാല വച്ച് മുകളിൽ മുട്ട വച്ച് അടുത്ത ലയർ ഇടിയപ്പം ചുറ്റി സ്റ്റീം ചെയ്തെടുക്കുക.

കുബൂസ് എഗ്ഗ് മസാല Kuboos Egg Masala

കുബൂസ് എഗ്ഗ് മസാല Kuboos Egg Masala

ആവശ്യമുള്ള സാധനങ്ങൾ 

കുബൂസ് ഒരെണ്ണം വലുത് , സവാള രണ്ടെണ്ണം ഇടത്തരം വെളുത്തുള്ളി നാലു വലിയ അല്ലി ,ഇഞ്ചി ഒരു ചെറിയ കഷ്ണം ,മല്ലിയില കാൽ കപ്പ്  ചെറുതായി അരിഞ്ഞത്

പച്ചമുളക് മൂന്നെണ്ണം ,തക്കാളി ഒരെണ്ണം വലുത് നീളത്തിൽ അരിഞ്ഞത്

മഞ്ഞൾ പൊടി കാൽ , മുളക് പൊടി  അര , മല്ലിപൊടി അര,ഗരം മസാല അര ,

ചിക്കൻ മസാല മുക്കാൽ  ടീസ്പൂൺ  

പേരും ജീരകം കാൽ ടീസ്പൂൺ 

മുട്ട രണ്ടെണ്ണം 

ഉപ്പ് , ഓയിൽ ആവശ്യത്തിന് 

തയ്യാറാക്കുന്ന വിധം 

പാനിൽ എന്ന ചൂടാക്കി പേരും ജീരകം പൊട്ടിത്തുടങ്ങിയാൽ സവാള , ഇഞ്ചി , പച്ചമുളക് , വെളുത്തുള്ളി  ചേർത്ത് വഴറ്റി പച്ചമണം മാറി സവാള സോഫ്റ്റ് ആയാൽ പൊടികളെല്ലാം ചേർത്ത് രണ്ടു മിനിറ്റു വഴറ്റി തക്കാളി ചേർത്ത് തക്കാളി കുഴഞ്ഞു വന്നാൽ മുട്ടയും ആവശ്യത്തിന് ഉപ്പും ചേർത്ത് നന്നായി മിക്സ് ചെയ്തു ഖുബൂസും , മല്ലിയിലയും ചേർത്ത് നന്നായി യോജിപ്പിച്ചു ചെറിയ തീയിൽ അഞ്ചുമിനിറ്റ് മൂടി വച്ച് തീ ഓഫ് ചെയ്യുക.

https://ponnunteadukkala.blogspot.com/2018/10/kuboos.html

എഗ്ഗ് സാൻഡ്വിച് Egg Sandwich

Egg Sandwich

ആവശ്യമുള്ള സാധനങ്ങൾ

മുട്ട രണ്ടെണ്ണം പുഴുങ്ങിയത് 

ബ്രെഡ് / ബൺ / ഡിന്നർ റോൾ മൂന്നെണ്ണണം 

കാരറ്റ് ഒരെണ്ണത്തിനെ പകുതി നീളത്തിൽ അരിഞ്ഞത്

കാബേജ്‌ ചെറിയ കഷ്ണം ചെറുതായി അരിഞ്ഞത് 

ഇഞ്ചി ഗ്രേറ്റ്‌ ചെയ്തത് കാൽ ടീസ്പൂൺ 

പച്ചമുളക് രണ്ടെണ്ണം ചെറുതായി അരിഞ്ഞത് 

കുരുമുളക് ചതച്ചത് അരടീസ്പൂൺ 

തൈര് അഞ്ചു ടേബിൾസ്പൂൺ 

ഫ്രഞ്ച് ഫ്രൈസ് ആവശ്യാനുസരണം 

ഉപ്പു ആവശ്യത്തിന് 

തയ്യാറാക്കുന്ന വിധം

തൈര് വെള്ളം കളയാനായി ഒരു തുണിയിൽ കെട്ടി പിഴിഞ്ഞെടുക്കുക .

ഒരു ബൗളിൽ കാരറ്റ് , കാബേജ്‌ , പച്ചമുളക് , ഇഞ്ചി , തൈര്, കുരുമുളക് ചതച്ചത് , ഉപ്പു ആവശ്യത്തിന് ചേർത്ത് നന്നായി മിക്സ് ചെയ്തു ബൺ രണ്ടായി മുറിച്ചെടുത്തു ഉള്ളിൽ ഈ ഫില്ലിംഗ് തേച്ചു മുകളിൽ ഒരു ലയർ ഫ്രഞ്ച് ഫ്രൈസ് വച്ച് മുകളിൽ റൗണ്ടായി മുറിച്ചെടുത്ത എഗ്ഗ് വച്ച് പെപ്പെർ വിതറി കഴിക്കാവുന്നതാണ്.

https://ponnunteadukkala.blogspot.com/2018/04/wheat-bread.html
https://ponnunteadukkala.blogspot.com/2018/05/burger-bun.html
https://ponnunteadukkala.blogspot.com/2017/10/french-fries_24.html
https://ponnunteadukkala.blogspot.com/2018/07/dinner-roll.html

എഗ്ഗ് കോക്കോനട്ട് കറി Egg Coconut Curry

എഗ്ഗ് കോക്കോനട്ട് കറി Egg Coconut Curry

ആവശ്യമുള്ള സാധനങ്ങൾ

മുട്ട ആറെണ്ണം പുഴുങ്ങിയത് 

സവാള രണ്ടെണ്ണം ,ഇഞ്ചി ഒരു ചെറിയ കഷ്ണം ,വെളുത്തുള്ളി അഞ്ചു എണ്ണം,പച്ചമുളക് 8 -10, തക്കാളി ഒരെണ്ണം  നീളത്തിലരിഞ്ഞത്

പട്ട ഒരു കഷ്ണം 

ഗ്രാമ്പൂ മൂന്നെണ്ണം 

ഏലക്ക രണ്ടെണ്ണം 

തക്കോലം , വാഴനയില ഒരെണ്ണം 

പേരും ജീരകം അര ടീസ്പൂൺ 

വേപ്പില രണ്ടു തണ്ട്

മഞ്ഞൾ പൊടി കാൽ ടീസ്പൂൺ 

മല്ലിപൊടി രണ്ടു ടേബിൾസ്പൂൺ 

ഗരം മസാല അര ടീസ്പൂൺ 

അണ്ടി പരിപ്പ് എട്ടെണ്ണം 

തേങ്ങാ ചിരകിയത് മൂന്ന് ടീബിൾസ്പൂൺ 

മല്ലിയില അരിഞ്ഞത് കാൽ കപ്പ് 

പുതിനയില അരിഞ്ഞത് രണ്ടു തണ്ട് 

ഉപ്പ് , ഓയിൽ ആവശ്യത്തിന് 

തയ്യാറാക്കുന്ന വിധം

പാനിൽ എണ്ണ ചൂടാക്കി പട്ട , ഗ്രാമ്പൂ  ,ഏലക്ക , തക്കോലം , വാഴനയില ,പെരും ജീരകം ചേർത്ത് വഴറ്റി സവാള ചേർത്ത് നന്നായി വഴറ്റി നിറം മാറുമ്പോൾ  ഇഞ്ചി  , വെളുത്തുള്ളി  , പച്ചമുളക് , വേപ്പില ചേർത്ത് നന്നായി വഴറ്റി പച്ചമണം മാറുമ്പോൾ മുളകുപൊടി , മഞ്ഞൾപൊടി  ,മല്ലിപൊടി,ഗരം മസാല  ചേർത്ത് ചേർത്ത് പച്ചമണം മാറിയാൽ തക്കാളി ചേർത്ത് നന്നായി യോജിച്ചു വന്നാൽ മല്ലിയില , പുതിനയില  ആവശ്യത്തിന് ഉപ്പും , തേങ്ങയും അണ്ടിപ്പരിപ്പും ചേർത്തരച്ച അരപ്പും കുറച്ചു വെള്ളവും ചേർത്ത് ചെറിയ തീയിൽ അഞ്ചു മിനിറ്റു മൂടിവച്ച തിളപ്പിച്ച് മസാലകളെല്ലാം ചേർന്ന് വരുമ്പോൾ മുട്ട നെടുകെ മുറിച്ചെടുത്തു  ചേർത്ത് ചെറിയ തീയിൽ അഞ്ചു മിനിറ്റു അടച്ച വച്ച്  വേവിക്കുക  .

Needed Goods

Egg 6 nos Boiled cut in two pieces

Onion 2 nos thin sliced

Ginger one small piece thin sliced

Garlic 5 nos thin sliced

Chill 8-10 nos thin sliced

Tomato 1 nos thin sliced

Cinnamon 1 ,Clove 3 , Cardamom 2 , Star anise 1 , Bay leaf 1 piece

Fennel seed half teaspoon 

Curry leaf as required

Turmeric powder 1/4 teaspoon 

Coriander powder  two table spoon  

Garam masala 1/2 teaspoon 

Cashew nut 8 nos

Grated Coconut 3 tablespoon

Coriander leaf  1/4 cup

Mint leaf 3 table spoon 

salt , oil as required 

Preparation

Heat the pan with oil and add Cinnamon , Clove , Cardamom , Star anise , Bay leaf , Fennel seed and sort it ,after add sliced onion sort again when onion start to change the color add ginger , garlic , chili , curry leafs and sort it again once raw smell disappear add all powder ingredients and sort very well once raw smell gone add tomato once tomato cooked properly  grind together coconut & cashew nut and add in to it after add coriander leafs , mint leafs , salt for taste , little water and mix properly , close with lid  and cook in low flame for 5 mints once all masalas cooked well add egg and close the lid and cook for 5 mints in low flame.

മുട്ട വറ്റൽ കുളമ്പ് Mutta Vattal Kulambu

മുട്ട വറ്റൽ കുളമ്പ് Mutta Vattal Kulambu

ആവശ്യമുള്ള സാധനങ്ങൾ 

മുട്ട നാലെണ്ണം 

ചുവന്നുളി 25 എണ്ണം 

വെളുത്തുള്ളി പത്തെണ്ണം 

വേപ്പില രണ്ടു തണ്ട്

തക്കാളി ഒരെണ്ണം നീളത്തിൽ അരിഞ്ഞത്

മഞ്ഞൾ പൊടി കാൽ ടീസ്പൂൺ 

മുളകുപൊടി അര ടീസ്പൂൺ 

കുരുമുളക് പൊടി മുക്കാൽ ടീസ്പൂൺ 

നല്ല ജീരക പൊടി അര ടീസ്പൂൺ

മല്ലിപൊടി ഒന്നര ടേബിൾസ്പൂൺ 

പുളി ഒരു നെല്ലിക്കാ വലുപ്പത്തിൽ 

കടുക് , പെരും ജീരകം  ഒരു ടീസ്പൂൺ 

തേങ്ങാ അരമുറിയുടെ പകുതി ചിരകിയത് 

ഉപ്പ് ആവശ്യത്തിന് 

എണ്ണ അഞ്ചു ടേബിൾസ്പൂൺ 

തയ്യാറാക്കുന്ന വിധം

പാനിൽ എണ്ണ ഒഴിച്ച് ചൂടായി കടുക് പൊട്ടിയാൽ ജീരകം , വെളുത്തുള്ളി , ചുവന്നുളി , വേപ്പില നന്നായി വഴറ്റി ചുമന്നുള്ളി സോഫ്റ്റ് ആയി വന്നാൽ പൊടികളെല്ലാം ചേർത്ത് വഴറ്റി പച്ചമണം മാറിയാൽ തക്കാളി ചേർത്ത് നന്നായി കുഴമ്പു രൂപത്തിലായാൽ പുളി വെള്ളം ഒഴിച്ച് ചെറിയ തീയിൽ അഞ്ചു മിനിറ്റു അടച്ചു വച്ച് വേവിച്ച ശേഷം തേങ്ങയും ആവശ്യത്തിന് വെള്ളവും ഉപ്പും ചേർത്ത് നന്നായി തിളച്ചു കുറുകി തുടങ്ങിയാൽ പുഴുങ്ങി രണ്ടായി മുറിച്ചെടുത്ത മുട്ട ചേർത്ത് അഞ്ചു മിനിറ്റു കൂടെ അടച്ചു വച്ച് സിമ്മിൽ വേവിച്ചു ഒന്ന് കൂടെ കുറുകി വന്നാൽ തീ ഓഫ് ചെയ്യുക . 

എഗ്ഗ് കാഷ്യൂ നട്ട് കറി Egg Cashew Nut Curry

എഗ്ഗ് കാഷ്യൂ നട്ട് കറി Egg Cashew Nut Curry

ആവശ്യമുള്ള സാധനങ്ങൾ 

മുട്ട നാലെണ്ണം 

കാഷ്യൂ നട്ട് , ചുവന്നുള്ളി  പതിനഞ്ചു എണ്ണം 

ഇഞ്ചി ചെറിയ കഷ്ണം ചെറുതായി അരിഞ്ഞത്

വെളുത്തുള്ളി അഞ്ചു അല്ലി ചെറുതായി അരിഞ്ഞത് 

കുരുമുളക് ഒരു ടേബിൾസ്പൂൺ 

പട്ട ഒരു ചെറിയ കഷ്ണം 

തക്കോലം , വാഴനയില ഒരെണ്ണം  

ഏലക്ക രണ്ടെണ്ണം 

ഗ്രാമ്പൂ മൂന്നെണ്ണം 

നല്ല ജീരകം ,കസ് കസ്  ഒരു ടീസ്പൂൺ 

മുഴുവൻ  മല്ലി രണ്ടു ടേബിൾസ്പൂൺ 

വറ്റൽ മുളക് മൂന്നെണ്ണം 

തേങ്ങ വറുത്തത് രണ്ടു ടേബിൾസ്പൂൺ 

വെളിച്ചെണ്ണ ആറു ടേബിൾസ്പൂൺ 

തക്കാളി രണ്ടെണ്ണം ചെറുതായി ചോപ് ചെയ്തത് 

മല്ലിയില കാൽ കപ്പ് ചെറുതായി അരിഞ്ഞത് 

ഉപ്പ് ആവശ്യത്തിന് 

തയ്യാറാക്കുന്ന വിധം 

കാഷ്യൂ നട്ട് വെള്ളത്തിൽ സോക്ക് ചെയ്തു വക്കുക.

മുട്ട പുഴുങ്ങി രണ്ടായി മുറിച്ചു പാനിൽ കുറച്ചു എണ്ണചൂടാക്കി ഒന്ന് ഫ്രൈ ചെയ്തെടുക്കുക.

ചൂടായ പാനിൽ പട്ട , തക്കോലം , വാഴനയില ,ഏലക്ക , ഗ്രാമ്പൂ , നല്ല ജീരകം ,കസ് കസ്,മല്ലി ,വറ്റൽമുളക് ചേർത്ത് ഒന്ന് ഡ്രൈ ഫ്രൈ ചെയ്തു തേങ്ങ വറുത്തത് ചേർത്ത് ഒന്ന് കൂടെ ഇളക്കി മിക്സിയിൽ മഷി പോലെ അരച്ചെടുക്കുക.

പാനിൽ എണ്ണ ചൂടാക്കി ചതച്ചെടുത്ത ചുവന്നുള്ളി , ഇഞ്ചി , വെളുത്തുള്ളി ചേർത്ത് നന്നായി വഴറ്റി നിറം മാറിയാൽ തക്കാളി ചേർത്ത് ഉടഞ്ഞു വന്നാൽ അരച്ച് വച്ച പേസ്റ്റു ചേർത്ത് നന്നായി വഴറ്റി പച്ചമണം മാറി എണ്ണ തെളിഞ്ഞു വന്നാൽ ഗ്രെവിക്ക്‌  ആവശ്യമായ വെള്ളം ചേർത്ത് അടച്ചു വച്ച് ചെറിയ തീയിൽ പത്തു മിനിറ്റു മസാല നന്നായി പിടിക്കാനായി വേവിച്ചു കുറുകി തുടങ്ങിയാൽ ഇതിലേക്ക് ഫ്രൈ ചെയ്തു വച്ച മുട്ട , വെള്ളത്തിലിട്ടു വച്ച അണ്ടി പരിപ്പ്  ചേർത്ത് ഇളക്കി വീണ്ടും അഞ്ചു മിനിട്ടു അടച്ചു വേവിച്ചു മൂടി തുറന്നു മല്ലിയില വിതറി വിളമ്പാവുന്നതാണ്.

കപ്പ ബോൾ മസാല Kappa (Tapioca) Ball Masala

കപ്പ ബോൾ മസാല  Kappa (Tapioca) Ball Masala

ആവശ്യമുള്ള സാധനങ്ങൾ 

കപ്പ വേവിച്ചത് രണ്ടു കപ്പ് 

ഇഞ്ചി ഒരു ചെറിയ കഷ്ണം ,വെളുത്തുള്ളി അഞ്ചു വലിയ അല്ലി ,മല്ലിയില ഒരു പിടി ചെറുതായി അരിഞ്ഞത്

പച്ചമുളക് മൂന്നെണ്ണം നീളത്തിൽ അരിഞ്ഞത് 

മുട്ട ഒരെണ്ണം 

ചിക്കൻ എല്ലില്ലാത്തതു നാലു വലിയ കഷ്ണം 

മഞ്ഞൾപൊടി ,മുളകുപൊടി ,മല്ലിപൊടി ഒരു ടീസ്പൂൺ 

ചിക്കൻ മസാല രണ്ടു ടീസ്പൂൺ 

ഗരം മസാല അര ടീസ്പൂൺ 

പേരും ജീരകം ഒരു ടീസ്പൂൺ 

ഉപ്പ് , ഓയിൽ ആവശ്യത്തിന് 

തയ്യാറാക്കുന്ന വിധം 

കപ്പ ചൂടാറിയ ശേഷം ഫ്രിഡ്ജിൽ വച്ച് തണുപ്പിച്ചു ചെറിയ ബോളുകളാക്കി എടുക്കുക.

മുട്ട അല്പം ഉപ്പ് ചേർത്ത് ഓംലറ്റ് ഉണ്ടാക്കി ചെറിയ കഷ്ണങ്ങളാക്കി മുറിച്ചെടുക്കുക.

ഉപ്പും മഞ്ഞൾപൊടിയും ചേർത്ത് ചിക്കൻ വേവിച്ചു ചെറിയ കഷ്ണങ്ങളാക്കി മുറിച്ചെടുക്കുക.

പാനിൽ എണ്ണ ചൂടാക്കി പേരും ജീരകം ചേർത്ത് പൊട്ടിയാൽ സവാള , ഇഞ്ചി , വെളുത്തുള്ളി ,പച്ചമുളക് ചേർത്ത് നന്നായി വഴറ്റി പച്ചമണം മാറിയാൽ പൊടികളെല്ലാം ചേർത്ത് ഇളകി കുറച്ചു മല്ലിയില ചേർത്ത് വീണ്ടും ഇളക്കി ചിക്കൻ ചേർത്ത് ഇളക്കി ചിക്കൻ മൊരിഞ്ഞു വന്നാൽ അല്പം വെള്ളം ചേർത്ത് തിളപ്പിച്ച് കപ്പ ബോൾ ചേർത്ത് അഞ്ചു മിനിറ്റ് ചെറിയ തീയിൽ വേവിച്ചു കപ്പ തകരാത്ത രീതിയിൽ ഇളക്കി വീണ്ടും രണ്ടു മൂന്ന് മിനിറ്റു അടച്ചു വച്ച്  മുട്ടയും മല്ലിയിലയും ചേർത്ത് കപ്പ തകരാത്ത രീതിയിൽ ഇളക്കി ഡ്രൈ ആക്കി എടുക്കുക.

എഗ്ഗ് ബിരിയാണി Egg Biriyani

എഗ്ഗ് ബിരിയാണി  Egg Biriyani

ആവശ്യമുള്ള സാധനങ്ങൾ 

മുട്ട 5 എണ്ണം 

കശുവണ്ടി പരിപ്പ് 7 എണ്ണം 

ബസുമതി റൈസ് ഒരു ഗ്ലാസ് 

വെള്ളം മുക്കാൽ ഗ്ലാസ് 

തേങ്ങാ പാൽ മുക്കാൽ ഗ്ലാസ്

പട്ട ഒരു ചെറിയ കഷ്ണം 

തക്കോലം ഒരെണ്ണം   

ഏലക്കായ ,ഗ്രാമ്പൂ  മൂന്നെണ്ണം  

വാഴനയില ഒരെണ്ണം  

സവാള 4  എണ്ണം നീളത്തിൽ അരിഞ്ഞത് 

തക്കാളി ഒരെണ്ണം വലുത്  നീളത്തിൽ  അരിഞ്ഞത്

ഇഞ്ചി , വെളുത്തുള്ളി ഒരു ടേബിൾസ്പൂൺ 

പച്ചമുളക് നാലെണ്ണം ചതച്ചത് 

നെയ്യ് നാല് ടേബിൾസ്പൂൺ 

മല്ലിയില  അരിഞ്ഞത് അര കപ്പ് 

പുതിനയില അരിഞ്ഞത് കാൽ കപ്പ് 

പെരും ജീരകം , കുരുമുളക് , മഞ്ഞൾ പൊടി ഒരു ടീസ്പൂൺ 

ഗരം മസാല , നല്ല ജീരകം പൊടി അര  ടീസ്പൂൺ   

മുളകുപൊടി ഒന്നുമുതൽ  ഒന്നര ടേബിൾസ്പൂൺ 

മല്ലിപൊടി രണ്ടു  ടേബിൾസ്പൂൺ 

തൈര് മൂന്ന് ടേബിൾസ്പൂൺ 

വെളിച്ചെണ്ണ ,ഉപ്പ് ആവശ്യത്തിന് 

തയ്യാറാകുന്ന വിധം

പാനിൽ എന്ന ചൂടാക്കി കശുവണ്ടി ഒന്ന് വഴറ്റി  പട്ട , തക്കോലം , ഏലക്കായ ,ഗ്രാമ്പൂ  , വാഴനയില , പേരും ജീരകം  എന്നിവ ചേർത്ത് ഒന്ന് വഴറ്റി സവാള  ചെറുതായി അരിഞ്ഞത് ചേർത്ത് നന്നായി വഴണ്ട് വരുമ്പോൾ ഇഞ്ചി , വെളുത്തുള്ളി , പച്ചമുളക് ചേർത്ത് പച്ചമണം മാറിയാൽ തക്കാളി ചേർത്ത് ഉടഞ്ഞു ചേർന്നാൽ  എല്ലാ പൊടികളും ചേർത്ത് വഴറ്റി പച്ചമണം മാറിയാൽ തൈര് ഉപ്പ് ആവശ്യത്തിന് ചേർത്ത്  തീ ഓഫ് ചെയ്തു മാറ്റി വക്കുക ചൂടാറിയതിനു ശേഷം ഒരു മിക്സിയിൽ നല്ല പോലെ അരച്ചെടുത്തു പാകം ചെയ്യാൻ പോകുന്ന പാത്രത്തിലേക്കു ഒഴിച്ച് പുഴുങ്ങിയ മുട്ട ഒന്ന് വരയിട്ടു അതിനു മുകളിൽ അര മണിക്കൂർ സോക്ക് ചെയ്ത അരിയിട്ട് ഒന്ന് ഇളക്കി വെള്ളവും തേങ്ങാപ്പാലും ചേർത്ത് നന്നായി തിളച്ചു വന്നാൽ സിം ആക്കി അടച്ചു വച്ച് പത്തുമിനിറ്റ് വേവിച്ചു വെള്ളം വറ്റിയാൽ തീ ഓഫ് ചെയ്തു അതിനുമുകളിൽ നെയ്യൊഴിച്ചതിനു ശേഷം മാറ്റിവച്ചു 15 മിനിറ്റിനു ശേഷം മാത്രം ഇളക്കി മുകളിൽ  മല്ലിയില പുതിന വിതറി  ശേഷം വിളമ്പാവുന്നതാണ്.

എഗ്ഗ് കറി Egg Curry

എഗ്ഗ് കറി   Egg Curry

ആവശ്യമുള്ള സാധനങ്ങൾ 

മുട്ട നാലെണ്ണം പുഴുങ്ങി നെടുകെ മുറിച്ചത് 

സവാള മൂന്നെണ്ണം വലുത് , ഇഞ്ചി ചെറിയ കഷ്ണം  , വെളുത്തുള്ളി അഞ്ചു അല്ലി , പച്ചമുളക്  നാലെണ്ണം  നീളത്തിൽ അരിഞ്ഞത്

തക്കാളി വലുത് ഒരെണ്ണം ചെറുതായി അരിഞ്ഞത്

വേപ്പില രണ്ടു തണ്ട്

മഞ്ഞൾപൊടി കാൽ , മുളകുപൊടി ഒരു  ,ഗരം മസാല അര  ടീസ്പൂൺ 

മല്ലി പൊടി ഒരു ടേബിൾസ്പൂൺ 

പെരും ജീരകം ഒരു ടീസ്പൂൺ 

പട്ട ഒരു കഷ്ണം 

ഗ്രാമ്പൂ  ,ഏലക്ക മൂന്നെണ്ണം  

തക്കോലം , വാഴനയില ഒരെണ്ണം 

വെളിച്ചെണ്ണ അഞ്ചു ടേബിൾസ്പൂൺ 

ഉപ്പ് ആവശ്യത്തിന് 

അണ്ടിപ്പരിപ്പ് പേസ്റ് അല്ലെങ്കിൽ ഫ്രഷ് ക്രീം 3  ടേബിൾസ്പൂൺ 

തയ്യാറാക്കുന്ന വിധം 

പാനിൽ എണ്ണ ചൂടാക്കി പട്ട , ഗ്രാമ്പൂ  ,ഏലക്ക , തക്കോലം , വാഴനയില ,പെരും ജീരകം ചേർത്ത് വഴറ്റി സവാള ചേർത്ത് നന്നായി വഴറ്റി നിറം മാറുമ്പോൾ  ഇഞ്ചി  , വെളുത്തുള്ളി  , പച്ചമുളക് , വേപ്പില ചേർത്ത് നന്നായി വഴറ്റി പച്ചമണം മാറുമ്പോൾ മുളകുപൊടി , മഞ്ഞൾപൊടി  , മല്ലി  ,ഗരം മസാല  ചേർത്ത് ചേർത്ത് പച്ചമണം മാറിയാൽ തക്കാളി ചേർത്ത് നന്നായി യോജിച്ചു വന്നാൽ ആവശ്യത്തിന് ഉപ്പും വെള്ളവും ചേർത്ത് നന്നായി തിളപ്പിച്ച് മസാലകളെല്ലാം ചേർന്ന് വരുമ്പോൾ മുട്ട ചേർത്ത് ചെറിയ തീയിൽ അഞ്ചു മിനിറ്റു അടച്ച വച്ച്  വേവിച്ചു വേണമെകിൽ അണ്ടിപ്പരിപ്പ് പേസ്റ് അല്ലെങ്കിൽ ഫ്രഷ് ക്രീം ചേർത്ത് തീ ഓഫ് ചെയ്യുക.

സെഷ്വാൻ നൂഡിൽസ് Schezwan noodles

സെഷ്വാൻ നൂഡിൽസ്  Schezwan noodles

ആവശ്യമുള്ള സാധനങ്ങൾ 

നൂഡിൽസ് ചെറുത് രണ്ടു പാക്കറ്റ് 

നൂഡിൽസ് പാക്കറ്റിൽ വരുന്ന സീസണിങ് രണ്ടു പാക്കറ്റ് 

കാരറ്റ് ഒരെണ്ണം , കാപ്സികം ഒരെണ്ണത്തിനെ പകുതി , സവാള ഒരെണ്ണം വലുത് , പച്ചമുളക് മൂന്നെണ്ണം , വെളുത്തുള്ളി നാലു അല്ലി വലുത്  നീളത്തിൽ അരിഞ്ഞത്

ക്യാബേജ് , ബീൻസ് ഒരു കപ്പ് നീളത്തിൽ അരിഞ്ഞത്

മല്ലിയില മൂന്ന് തണ്ടു ചെറുതായി അരിഞ്ഞത്

സെഷ്വാൻ സോസ് ഒരു ടേബിൾ സ്പൂൺ 

ഉപ്പ് ആവിശ്യത്തിന് 

ഓയിൽ ആവിശ്യത്തിന്

ചിക്കൻ സോസേജ് 6  എണ്ണം നീളത്തിൽ കനം കുറച്ചു അരിഞ്ഞത്  അല്ലെങ്കിൽ 3 എഗ്ഗ്  സ്ക്രമ്പിൽ ചെയ്തത്/ചിക്കൻ ഫ്രൈ ചെയ്തത്. 

മുളകുപൊടി ഒന്നര ടീസ്പൂൺ 

മല്ലി പൊടി ഒരു ടീസ്പൂൺ 

മഞ്ഞപ്പൊടി കാൽ ടീസ്പൂൺ 

തയ്യാറാകുന്ന വിധം 

മുളകുപൊടി , മല്ലി പൊടി ,  മഞ്ഞപ്പൊടി അല്പം ഉപ്പ് ചേർത്ത് സോസേജ് മാരിനേറ്റു ചെയ്തു അര മണിക്കൂർ വച്ച് ഓയിലിൽ ഒന്ന് ശാലോ ഫ്രൈ ചെയ്തെടുക്കുക.

തിളച്ച വെള്ളത്തിൽ ചേർത്ത നൂഡിൽസ് വെന്തു വരുമ്പോൾ അല്പം വെള്ളം ഒഴിച്ച് ഊറ്റിയെടുത്തു അൽപ്പം ഓയിൽ ചേർത്ത് മിക്സ് ചെയ്തു മാറ്റിവെക്കുക.

പാനിൽ എണ്ണ ചൂടായി വെളുത്തുള്ളി ചേർത്ത് നിറം മാറിയാൽ സവാള ചേർത്ത് വഴണ്ട് വന്നാൽ എല്ലാ വെജിറ്റബിൾസ് ചേർത്ത് ഹൈ ഫ്ളൈമിൽ നന്നായി വഴറ്റി സോഫ്റ്റ് ആകാതെ പച്ചമണം മാറിത്തുടങ്ങുമ്പോൾ ഉപ്പും സെഷ്വാൻ സോസും ചേർത്ത് നന്നായി മിക്സ് ചെയ്തു സോസിന്റെ പച്ചമണം മാറിയാൽ നൂഡിൽസ് സീസണിങ് ചേർത്ത് മിക്സ് ചെയ്തു സോസേജ്, നൂഡിൽസ് ചേർത്ത് വഴറ്റി അവസാനം മല്ലിയിലയും ചേർത്ത് ഉപയോഗിക്കുക .

http://ponnunteadukkala.blogspot.ae/2017/11/szechuan-sauce_43.html

എഗ്ഗ് മോളി Egg Moli

എഗ്ഗ് മോളി  Egg Moli

ആവശ്യമുള്ള സാധനങ്ങൾ 

മുട്ട നാലെണ്ണം 

സവാള മൂന്നെണ്ണം ,തക്കാളി വലുത് ഒരെണ്ണം , ഇഞ്ചി ചെറിയ കഷ്ണം , വെളുത്തുള്ളി അഞ്ചു അല്ലി , പച്ചമുളക്  ആറെണ്ണം  നീളത്തിൽ അരിഞ്ഞത്

വേപ്പില രണ്ടു തണ്ട്

മഞ്ഞൾപൊടി അര , മല്ലി പൊടി രണ്ട് ,ഗരം മസാല അര  ടീസ്പൂൺ 

തേങ്ങാ പാൽ കാൽ കപ്പ്  ഒന്നാം പാൽ , രണ്ടാം പാൽ ഒരു കപ്പ് 

പെരും ജീരകം അര ടീസ്പൂൺ 

പട്ട ഒരു കഷ്ണം 

ഗ്രാമ്പൂ  ,ഏലക്ക രണ്ടെണ്ണം 

തക്കോലം , വാഴനയില ഒരെണ്ണം 

വെളിച്ചെണ്ണ അഞ്ചു ടേബിൾസ്പൂൺ 

ഉപ്പ് ആവശ്യത്തിന് 

തയ്യാറാക്കുന്ന വിധം 

ഇഡ്ഡലി തട്ടിൽ എണ്ണ തടവി മുട്ട പൊട്ടിച്ചൊഴിച്ചു മുകളിൽ ഉപ്പും കുരുമുളകുപൊടിയും വിതറി സ്റ്റീം ചെയ്തെടുക്കുക.

പാനിൽ എണ്ണ ചൂടാക്കി പട്ട , ഗ്രാമ്പൂ  ,ഏലക്ക , തക്കോലം , വാഴനയില ,പെരും ജീരകം ചേർത്ത് വഴറ്റി സവാള  ,ഇഞ്ചി  , വെളുത്തുള്ളി  , പച്ചമുളക് , വേപ്പില ചേർത്ത് നന്നായി വഴറ്റി നിറം മാറുമ്പോൾ മഞ്ഞൾപൊടി  , മല്ലി  ,ഗരം മസാല  ചേർത്ത് ചേർത്ത് പച്ചമണം മാറിയാൽ തക്കാളി ചേർത്ത് നന്നായി യോജിച്ചു വന്നാൽ 

രണ്ടാം പാൽ , ഉപ്പ് ആവശ്യത്തിന്  ചേർത്ത് ചെറിയ തീയിൽ  അടച്ച വച്ച് വേവിക്കുക നന്നായി തിളച്ചതിനു ശേഷം മുട്ട ചേർത്ത് ചെറിയ തീയിൽ അഞ്ചു മിനിറ്റു അടച്ച വച്ച് വേവിച്ചു ഒന്നാം പാൽ ചേർത്ത് തീ ഓഫ് ചെയ്യുക.

കപ്പ അട Kappa Ada

കപ്പ അട Kappa Ada

ആവശ്യമുള്ള സാധനങ്ങൾ 

കപ്പ 500 ഗ്രാം 

ചിക്കൻ 200 ഗ്രാം 

മുട്ട രണ്ടെണ്ണം  

സവാള രണ്ടെണ്ണം   ചെറുതായി അരിഞ്ഞത് 

ഇഞ്ചി ഒരു കഷ്ണം ചെറുതായി അരിഞ്ഞത് 

പച്ചമുളക് അഞ്ചു എണ്ണം ചെറുതായി അരിഞ്ഞത് 

വെളുത്തുള്ളി അഞ്ചു അല്ലി  ചെറുതായി അരിഞ്ഞത് 

മല്ലിയില പുതിന ചെറുതായി അരിഞ്ഞത്  കാൽ കപ്പ് 

പെരും ജീരകം അര ,മഞ്ഞൾ പൊടി അര ,ഗരം മസാല അര ,ചിക്കൻ മസാല ഒരു, മല്ലിപൊടി ഒരു ടീസ്പൂൺ

മുളകുപൊടി ഒരു ടേബിൾസ്പൂൺ 

വാഴനയില ഒരെണ്ണം 

എണ്ണ നാലു ടേബിൾസ്പൂൺ

ഉപ്പ്‌ ആവശ്യത്തിന് 

തയ്യാറാക്കുന്ന വിധം

ചിക്കൻ ഉപ്പിട്ട് വേവിച്ചു ചെറുതായി ചോപ് ചെയ്തു വക്കുക.കപ്പ ഉപ്പിട്ട് പുഴുങ്ങി ഉടച്ചു വക്കുക.

  

പാനിൽ എണ്ണ ചൂടാക്കി പെരും ജീരകം ,വാഴനയില ചേർത്ത് കൊടുക്കുക അതിനുശേഷം സവാള  ,ഇഞ്ചി , പച്ചമുളക് , വെളുത്തുള്ളി ചേർത്ത് നന്നായി  വഴറ്റി മഞ്ഞൾ പൊടി  ,ചിക്കൻ മസാല  ,മുളകുപൊടി  ,മല്ലിപൊടി  ,ഗരം മസാല ചേർത്ത് വീണ്ടും വഴറ്റി ചിക്കൻ, മല്ലിയില, പുതിന ചേർത്ത് ആവശ്യത്തിന് ഉപ്പും ചേർത്ത് നന്നായി യോജിപ്പിച്ചു  ഇതിൽ മുട്ട വെട്ടിയൊഴിച്ചു നന്നായി മിക്സ് ചെയ്തെടുക്കുക.

കപ്പ വാഴയിലയിൽ അട രൂപത്തിൽ പരത്തി അതിനുള്ളിൽ ഫില്ലിംഗ് വച്ച് അടച്ചു ഒന്ന് സ്‌റ്റീം ചെയ്തെടുക്കുക.

മയോനൈസ് Mayonnaise

മയോനൈസ്  Mayonnaise

ആവശ്യമുള്ള സാധനങ്ങൾ 

രണ്ടു മുട്ടയുടെ വെള്ള 

ഒരു വെളുത്തുള്ളിയുടെ പകുതി 

പഞ്ചസാര അര ടീസ്പൂൺ 

ഉപ്പ്‌ കാൽ ടീസ്പൂൺ 

ലെമൺ ജ്യൂസ് ഒരു ടേബിൾസ്പൂൺ 

സൺഫ്ലവർ ഓയിൽ ഒരു കപ്പ് 

തയ്യാറാക്കുന്ന വിധം

 മിക്സിയുടെ ചെറിയ ജാറിൽ മുട്ടയുടെ വെള്ള ,വെളുത്തുള്ളി ,പഞ്ചസാര ,ഉപ്പ്‌ ,ലെമൺ ജ്യൂസ് ചേർത്ത്  ഒന്ന് ബീറ്റ് ചെയ്തെടുത്ത് സൺഫ്ലവർ ഓയിൽ അര കപ്പ് ചേർത്ത് വീണ്ടും ബീറ്റ് ചെയ്യുക ശേഷം ബാക്കിയുള്ള ഓയിൽ ചേർത്ത് വീണ്ടും ബീറ്റ് ചെയ്യുമ്പോൾ തിക്കായി നല്ല ക്രീം രൂപത്തിൽ ലഭിക്കും.

എഗ്ഗ് കബാബ് Egg Kabab

 എഗ്ഗ് കബാബ്  Egg Kabab

ആവശ്യമുള്ള സാധനങ്ങൾ 

മുട്ട രണ്ടെണ്ണം 

ഉരുളകുഴങ്ങു ഒരെണ്ണം 

ബ്രഡ് രണ്ടു സ്ലൈസ് പൊടിച്ചത് 

മല്ലിയില രണ്ടു തണ്ടു അരിഞ്ഞത് 

സവാള ഒരു വലുത് ചെറുതായി അരിഞ്ഞത്

ഇഞ്ചി വെളുത്തുള്ളി പേസ്റ് ഒരു ടേബിൾസ്പൂൺ 

മഞ്ഞൾ പൊടി ,മുളകുപൊടി ,ഗരം മസാല അര ടീസ്പൂൺ 

ഉപ്പു ആവശ്യത്തിന് 

എണ്ണ വറുക്കുവാൻ ആവശ്യമായത് 

തയ്യാറാക്കുന്ന വിധം 

ഉരുളക്കിഴങ്ങു പുഴുങ്ങി ഉടച്ചു വക്കുക.മുട്ട പുഴുങ്ങി നീളത്തിൽ മുറിച്ചു വക്കുക.

പാനിൽ എണ്ണ ചൂടാക്കി സവാള വഴറ്റി വരുമ്പോൾ ഇഞ്ചി ,വെളുത്തുള്ളി, പച്ചമുളക് പേസ്റ്റ് ചേർത്ത് കൊടുത്തു പച്ചമണം മാറിയാൽ മഞ്ഞൾ പൊടി ,മുളകുപൊടി ,ഗരം മസാല ചേർത്ത് നന്നായി മിക്സ് ചെയ്തു  ആവശ്യത്തിന് ഉപ്പും മല്ലിയിലയും ചേർത്ത് മിക്സ് ചെയ്തു ഈ മിക്സ്  ബൗളിൽ ഉടച്ചു വച്ച ഉരുളക്കിഴങ്ങിലേക്കു ചേർത്ത് നന്നായി യോജിപ്പിച് ഈ മിക്സ് കൈ വെള്ളയിലെടുത്തു മുട്ടയുടെ പകുതി ഉള്ളിൽ വച്ച് നല്ലവണ്ണം കവർ ചെയ്തു ആവശ്യത്തിന് ഉപ്പു ചേർത്ത് ബീറ്റ് ചെയ്ത മുട്ടയുടെയും പാലിന്റെയും മിക്സിൽ മുക്കി ബ്രഡ് പൊടിയിൽ മുക്കി  എണ്ണയിൽ ഡീപ് ഫ്രൈ ചെയ്തെടുക്കുക.

പൊട്ടറ്റോ എഗ്ഗ് സാൻഡ്വിച് Potato Egg Sandwich

പൊട്ടറ്റോ എഗ്ഗ് സാൻഡ്വിച്  Potato Egg Sandwich

ആവശ്യമുള്ള സാധനങ്ങൾ 

ബ്രഡ് നാലു സ്ലൈസ് നാലു ഭാഗവും കട്ട് ചെയ്തത് 

ഉരുളക്കിഴങ്ങു ഒരു വലുത് പുഴുങ്ങിയത് 

മുട്ട രണ്ടെണ്ണം പുഴുങ്ങി ചെറുതായി അരിഞ്ഞത് 

സവാള ഒരെണ്ണം ,പച്ചമുളക് മൂന്നെണ്ണം ചെറുതായി അരിഞ്ഞത്

മല്ലിപൊടി ഒരു ടീസ്പൂൺ 

ഗരം മസാല അര ടീസ്പൂൺ 

നല്ല ജീരക പൊടി കാൽ ടീസ്പൂൺ 

ഡ്രൈ മംഗോ പൌഡർ കാൽ ടീസ്പൂൺ 

ഓയിൽ രണ്ടു ടേബിൾസ്പൂൺ 

ഉപ്പു ആവശ്യത്തിന് 

തയ്യാറാക്കുന്ന വിധം 

പാനിൽ ഓയിൽ ചൂടാക്കി സവാള പച്ചമുളക് വഴറ്റി മല്ലിപൊടി ഗരം മസാല നല്ല ജീരക പൊടി ഡ്രൈ മംഗോ പൌഡർ ചേർത്ത് വീണ്ടും നന്നായി വഴറ്റി മുട്ട ചേർത്ത് നന്നായി മിക്സ് ചെയ്തു വേറെ പാത്രത്തിലേക്കു മാറ്റി ഗ്രേറ്റ് ചെയ്ത ഉരുളക്കിഴങ്ങും ആവശ്യത്തിന് ഉപ്പും ചേർക്കുക.

ബ്രെഡ് സ്ലൈസിനു മുകളിൽ ഈ മിക്സ് പുരട്ടി വേണമെങ്കിൽ ടൊമാറ്റോ സോസോ ചില്ലി സോസോ ചേർത്ത് അടുത്ത സ്ലൈസ് വച്ച് പാനിൽ നന്നായി ടോസ്റ് ചെയ്തെടുക്കുക.

ചോക്ലേറ്റ് ബനാന റോൾ Chocolate Banana Roll

ചോക്ലേറ്റ് ബനാന റോൾ  Chocolate Banana Roll 

ആവശ്യമുള്ള സാധനങ്ങൾ 

ബ്രഡ് നാലു സ്ലൈസ് 

നേന്ത്ര പഴം നന്നയി പഴുത്ത് ഒരെണ്ണം 

ചോക്ലേറ്റ് 50 ഗ്രാം

ബ്രെഡ് പൊടിച്ചത് അര കപ്പ് 

മുട്ട ഒരെണ്ണം 

പാല് രണ്ടു ടേബിൾസ്പൂൺ 

എണ്ണ വറുക്കുവാൻ ആവശ്യമായത് 

ഫ്രഷ് ക്രീം ചോക്ലേറ്റ് മേല്റ്റാക്കാൻ ആവശ്യമായത് 

തയ്യാറാക്കുന്ന വിധം 

ബ്രെഡ് നാലുഭാഗവും കട്ട് ചെയ്തു പരത്തിയെടുത്തു പഴവും സ്ലൈസ് ചെയ്ത ചോക്ലേറ്റും വച്ച് നല്ല ടൈറ്റ് ആയി റോൾ ചെയ്തെടുക്കുക.

മുട്ടയും പാലും മിക്സ് ചെയ്തു വക്കുക.

ബാക്കിയുള്ള ചോക്ലേറ്റും ഫ്രഷ് ക്രീം ഡബിൾ ബോയ്ൽ ചെയ്തെടുക്കുക.

ബ്രെഡ് റോളിനെ മുട്ടയുടെ മിക്സിൽ മുക്കി ബ്രെഡ് പൊടിയിൽ മുക്കി ഡീപ് ഫ്രൈ ചെയ്തെടുക്കുക.

ചോക്ലേറ്റ് സൊസിൽ ഡിപ് ചെയ്തു കഴിക്കാവുന്നതാണ്.

എഗ്ഗ് പേപ്പർ ഫ്രൈ Egg pepper Fry

എഗ്ഗ് പേപ്പർ ഫ്രൈ Egg pepper Fry

ആവശ്യമുള്ള സാധനങ്ങൾ 

മുട്ട രണ്ടെണ്ണം 

സവാള രണ്ടെണ്ണം ചെറുതായി അരിഞ്ഞത് 

പച്ചമുളക് രണ്ടെണ്ണം ചെറുതായി അരിഞ്ഞത് 

വേപ്പില ഒരു തണ്ട് 

മഞ്ഞൾ പൊടി കാൽ ടീസ്പൂൺ 

മല്ലിപൊടി ഒരു ടീസ്പൂൺ 

കുരുമുളക് പൊടി ഒരു ടീസ്പൂൺ

ഉപ്പ് ആവശ്യത്തിന് 

എണ്ണ ആവശ്യത്തിന് 

തയ്യാറാക്കുന്ന വിധം 

മുട്ട പുഴുങ്ങി ചെറുതായി അരിഞ്ഞെടുക്കുക.പാനിൽ എണ്ണ ചൂടായ ശേഷം സവാള പച്ചമുളക് വേപ്പില ചേർത്ത് നന്നായി വഴറ്റി എടുക്കുക.സവാള നല്ല ഗോൾഡൻ നിറമാകുമ്പോൾ അതിലേക്കു മഞ്ഞൾപൊടി മല്ലിപൊടി കുരുമുളക് പൊടി ചേർത്ത് പച്ചമണം മാറിയാൽ അല്പം വെള്ളം ചേർത്ത് മിക്സ് ആകുക ശേഷം അരിഞ്ഞു വച്ച മുട്ട ചേർത്ത് ഇളകി ഡ്രൈ ആക്കിയെടുക്കുക.

സെഷ്വാൻ ചപ്പാത്തി റോൾ Schezwan Chappathi Roll

സെഷ്വാൻ ചപ്പാത്തി റോൾ Schezwan Chappathi Roll

ആവശ്യമുള്ള സാധനങ്ങൾ 

ചപ്പാത്തി രണ്ടെണ്ണം 

സെഷ്വാൻ സോസ് ഒരു ടേബിൾ സ്പൂൺ 

ക്യാബേജ് കാൽ കപ്പ് നീളത്തിൽ അരിഞ്ഞത് 

ക്യാരറ്റ് കാൽ കപ്പ് നീളത്തിൽ അരിഞ്ഞത് 

സവാള ഒരെണ്ണം നീളത്തിൽ അരിഞ്ഞത് 

മുട്ട രണ്ടെണ്ണം 

ടോമോട്ടോ കെച്ചപ്പ് രണ്ടു ടേബിൾസ്പൂൺ 

മയോനൈസ് രണ്ടു ടേബിൾസ്പൂൺ

ഉപ്പ് ആവശ്യത്തിന് 

എണ്ണ ആവശ്യത്തിന് 

തയ്യാറാക്കുന്ന വിധം 

പാനിൽ എണ്ണ ചൂടായി സവാള ഇട്ടു വഴറ്റി ക്യാബേജ് ക്യാരറ്റ് ചേർത്ത് നന്നായി യോജിപ്പിച്ചു ആവശ്യത്തിന് ഉപ്പും ചേർക്കുക.ഇതിലേക്ക് സെഷ്വാൻ സോസ് ചേർത്ത് പച്ചമണം മാറുന്നത് വരെ ഇളക്കുക.

ചപ്പാത്തിയുടെ  മുകളിൽ മയോനൈസ് പുരട്ടുക മറ്റൊരു പാനിൽ ഓംലറ്റ് ഉണ്ടാക്കി ഇതിനു മുകളിൽ  വച്ച്  ഇതിനു മുകളിലായി വെജിറ്റബിൾ മിക്സ് ശേഷം കെച്ചപ് ഒഴിച്ച് റോൾ ചെയ്തു പാനിൽ ടോസ്റ് ചെയ്തെടുക്കുക 

https://ponnunteadukkala.blogspot.ae/2017/11/szechuan-sauce_43.html

പോച് എഗ്ഗ് ബിരിയാണി Poch Egg Biriyani

 പോച് എഗ്ഗ് ബിരിയാണി Poch Egg Biriyani 

ആവശ്യമുള്ള സാധനങ്ങൾ 

ബസുമതി റൈസ് ഒരു കപ്പ് 

മുട്ട നാലെണ്ണം (പോച് എഗ്ഗ്)

സവാള മൂന്നെണ്ണം നീളത്തിൽ അരിഞ്ഞത് 

തക്കാളി വലുതൊരെണ്ണം നീളത്തിൽ അരിഞ്ഞത് 

ഇഞ്ചി ഒരു കഷ്ണം ചതച്ചെടുത്തത്

പച്ചമുളക് നാലെണ്ണം ചതച്ചെടുത്തത്

വെളുത്തുള്ളി അഞ്ചല്ലി ചതച്ചെടുത്തത്

മഞ്ഞൾ പൊടി അര ടീസ്പൂൺ 

മുളകുപൊടി ഒരു ടേബിൾ സ്പൂൺ 

മല്ലിപൊടി രണ്ടു ടേബിൾ സ്പൂൺ 

പട്ട ഒരു കഷ്ണം 

ഗ്രാമ്പൂ മൂന്നെണ്ണം 

ഏലക്ക മൂന്നെണ്ണം

വാഴനയില ഒരെണ്ണം 

കുരുമുളക് ഒരു ടീസ്പൂൺ 

നല്ല ജീരകം ഒരു ടീസ്പൂൺ

നല്ല ജീരകം പൊടിച്ചത് അര ടീസ്പൂൺ.

തക്കോലം ഒരെണ്ണം 

അണ്ടിപ്പരിപ്പ് മുന്തിരി മല്ലിയില പുതിനയില നെയ്യ് ആവശ്യത്തിന് 

തൈര് നാലു ടേബിൾസ്പൂൺ 

റോസ് വാട്ടർ ഒന്നര സ്പൂൺ 

തയ്യാറാക്കുന്ന വിധം 

അല്പം നെയ്യിൽ അരി മൂന്നു നാലു മിനിറ്റു വഴറ്റിയെടുക്കുക.പാത്രത്തിൽ വെള്ളം തിളച്ചാൽ 

ആവശ്യത്തിന് ഉപ്പ് പട്ട ഗ്രാമ്പൂ ഏലക്ക വാഴനയില കുരുമുളക് നല്ല ജീരകം തക്കോലം ഇട്ടു വഴറ്റി വച്ച അരി ഇട്ടു മുക്കാൽ വേവിനു ഊറ്റി മാറ്റിവെക്കുക.

പാനിൽ നെയ്യൊഴിച്ചു അണ്ടിപ്പരിപ്പ് മുന്തിരി ഒരു സവാള വറുത്തു കോരി വക്കുക.

അതെ പാനിൽ മിച്ചം വന്ന സവാള നന്നായി വഴറ്റി നിറം മാറിത്തുടങ്ങിയാൽ  ഇഞ്ചി പച്ചമുളക് വെളുത്തുള്ളി ചേർത്ത് നന്നായി വഴറ്റി മഞ്ഞൾ പൊടി മുളകുപൊടി മല്ലിപൊടി നല്ല ജീരകം പൊടിച്ചത് ചേർത്ത് പച്ചമണം മാറുന്നതുവരെ വഴറ്റുക ഇതിലേക്ക് തക്കാളി ചേർത്ത് നന്നായി യോജിപ്പിച്ചു തക്കാളി നന്നായി ഉടഞ്ഞതിനു ശേഷം അല്പം  മല്ലിയില പുതിനയില ചേർത്ത് യോജിപ്പിച്ചു അവസാനം തൈരും ചേർത്ത് നന്നായി മിക്സ് ചെയ്യുക.ഇതിലേക്ക് പാകം ചെയ്തു വച്ച പോച് എഗ്ഗ് ചേർത്ത് അതിനുമുകളിൽ മസാല നല്ലവണ്ണം ചേർക്കുക .സ്പൂൺ ഉപയോഗിച്ച് ഇളക്കാതിരിക്കുക.പാത്രത്തിൽ നെയ്യൊഴിച്ചു അതിലേക്കു വേവിച്ച ചോറ് മസാല മല്ലിയില പുതിന ഇട്ടു മുകളിലായി കോരിവച്ച സവാള അണ്ടിപ്പരിപ്പ് മുന്തിരിയും ബാക്കിയുള്ള മല്ലിയില പുതിന വിതറിയിടുക. മുകളിൽ രണ്ടു സ്പൂൺ നെയ്യൊഴിച്ചു റോസ് വാട്ടർ ഒഴിച്ച് ചെറിയ തീയിൽ അഞ്ചു മിനിറ്റു മൂടിവെക്കുക.

https://ponnunteadukkala.blogspot.ae/2017/09/poached-egg_25.html

എഗ്ഗ് കീമ Egg keema

എഗ്ഗ് കീമ Egg keema

ആവശ്യമുള്ള സാധനങ്ങൾ 

മുട്ട മൂന്നെണ്ണം 

തക്കാളി രണ്ടെണ്ണം ചെറുതായി അരിഞ്ഞത്

സവാള വലുത് രണ്ടെണ്ണം ചെറുതായി അരിഞ്ഞത്

മഞ്ഞൾ പൊടി കാൽ ടീസ്പൂൺ 

മുളകുപൊടി രണ്ടു ടീസ്പൂൺ 

മല്ലിപൊടി രണ്ടര ടീസ്പൂൺ 

പട്ട ചെറിയ കഷ്ണം 

ഗ്രാമ്പൂ മൂന്നെണ്ണം 

ഏലക്ക മൂന്നെണ്ണം 

തക്കോലം ഒരെണ്ണം 

വാഴനയില ഒരെണ്ണം 

ഉപ്പു ,എണ്ണ ആവശ്യത്തിന് 

തയ്യാറാക്കുന്ന വിധം 

മുട്ട പുഴുങ്ങി  ഗ്രേറ്റ് ചെയ്തു വക്കുക.പാനിൽ എണ്ണ ചൂടായ ശേഷം അതിലേക്കു പട്ട ഗ്രാമ്പൂ ഏലക്ക തക്കോലം വാഴനയിലയും സവാളയും ചേർത്ത് നല്ല പോലെ വഴറ്റുക.നിറം മാറിത്തുടങ്ങിയാൽ അതിലേക്കു തക്കാളി ചേർത്ത് നന്നായി ഉടഞ്ഞു ചേർന്ന ശേഷം മഞ്ഞൾ പൊടി മുളകുപൊടി മല്ലിപൊടി ചേർത്ത് പച്ചമണം മാറുന്നത് വരെ വഴറ്റിയെടുക്കുക.എല്ലാം ചേർന്ന് നന്നായി കുഴമ്പു രൂപത്തിലായാൽ മുട്ട ഗ്രീറ്റ് ചെയ്തത് ആവശ്യത്തിന് ഉപ്പും ചേർത്ത് നന്നായി മിക്സ് ചെയ്തു അല്പം വെള്ളം ചേർത്ത് മൂടി വച്ച് അഞ്ചു മിനിറ്റു വേവിക്കുക.