വീറ്റ് ഉപ്മാ Wheat Upma

വീറ്റ് ഉപ്മാ Wheat Upma

ആവശ്യമുള്ള സാധനങ്ങൾ 

സവാള ഒരെണ്ണം ചെറുതായി അരിഞ്ഞത്

ഇഞ്ചി ഒരു കഷ്ണം ചെറുതായി അരിഞ്ഞത്

പച്ചമുളക് രണ്ടെണ്ണം വട്ടത്തിൽ അരിഞ്ഞത്

വേപ്പില ഒരു തണ്ട്

കടുക് ഒരു ടീസ്പൂൺ 

കടല പരിപ്പ് ഒരു ടേബിൾസ്പൂൺ 

ഉഴുന്ന് ഒരു ടേബിൾസ്പൂൺ 

അണ്ടിപ്പരിപ്പ് ഒരു ടേബിൾസ്പൂൺ

വറ്റൽ മുളക് രണ്ടെണ്ണം 

നുറുക്കു ഗോതമ്പു ഒരു കപ്പ് 

ക്യാരറ്റ് ഒരെണ്ണം ചെറുതായി അരിഞ്ഞത്

ഉപ്പ് ആവശ്യത്തിന് വെളിച്ചെണ്ണ ആവശ്യത്തിന് 

വേണമെങ്കിൽ ബീൻസ് ഗ്രീൻപീ സും ചേർക്കാവുന്നതാണ് 

തയ്യാറാക്കുന്ന വിധം 

ഗോതമ്പു കഴുകി വെള്ളം വാരുവാൻ വക്കുക.പാനിൽ  അല്പം എണ്ണ ഒഴിച്ച് ഗോതമ്പ് പൊട്ടി തുടങ്ങുന്നത് വരെ വറുത്തെടുക്കുക.

കുക്കറിൽ കടുക് കടല പരിപ്പ് ഉഴുന്ന് അണ്ടിപ്പരിപ്പ് വേപ്പില വറ്റൽ മുളക് ചേർത്ത് വഴറ്റി നിറം മാറി തുടങ്ങിയാൽ സവാള ഇഞ്ചി പച്ചമുളക് ചേർത്ത് വഴറ്റി സോഫ്റ്റ് ആയി വരുമ്പോൾ വെജിറ്റബിൾസ് ആവശ്യത്തിന് ഉപ്പും ചേർത്ത് നന്നായി യോജിപ്പിച്ചു വെള്ളം ഒഴിച്ച്  കൊടുക്കുക.വെള്ളം തിളച്ചു തുടങ്ങിയാൽ നുറുക്കു ഗോതമ്പു ചേർത്ത് യോജിപ്പിച്ചെടുക്കുക (വെള്ളം ഗോതമ്പിന്റെ മുകളിലായി നില്കണം).മീഡിയം ഫ്ളൈമിൽ രണ്ടു വിസിൽ വന്നാൽ സെർവ് ചെയ്യാവുന്നതാണ്.